Թոմ Կիֆեր

Վիքիպեդիայից՝ ազատ հանրագիտարանից
Jump to navigation Jump to search
Թոմ Կիֆեր
Tom keifer.JPG
Ծնվել էհունվարի 26, 1961(1961-01-26) (58 տարեկան)
Սփրինգֆիլդ Թաունշիփ, Փենսիլվանիա, ԱՄՆ
ԵրկիրFlag of the United States.svg ԱՄՆ
ԺանրերԳլեմ մետալ
Մասնագիտություներգիչ և կիթառահար
Գործիքներկիթառ և վոկալ
ԼեյբլMercury Records
ԱնդամակցությունCinderella?
Կայքtomkeifer.com
Tom Keifer Վիքիպահեստում

Կարլ Թոմաս Կիֆեր (անգլ.՝ Carl Thomas Keifer, հունվարի 26, 1961(1961-01-26), Սփրինգֆիլդ Թաունշիփ, Փենսիլվանիա, ԱՄՆ), ամերիկացի ռոք-երաժիշտ, երգերի հեղինակ, առավելապես հայտնի որպես Cinderella ռոք-խմբի երգիչ և կիթառահար:

Կյանքի վաղ շրջան[խմբագրել | խմբագրել կոդը]

Թոմը մեծացել է երաժիշտների ընտանիքում և կիթառ սկսել է նվագել վաղ տարիքից: Շուտով նա տարվում է բլյուզ երաժշտությամբ և սկսում կրել նրա ազդեցությունը: Դրանից հետո ստեղծում է իր առաջին ռոք-խումբը դեռահաս տարիքում, երբ սովորում էր ավագ դպրոցում: Շուտով Թոմը սովորում է նվագել նաև էլեկտրական կիթառ: Երիտասարդ երաժիշտը պայքար էր ծավալում թմրադեղերի և ալկոհոլի չարաշահման դեմ ավագ-դպրոցականների շրջանում և ցանկանում էր դուրս գալ դպրոցից՝ ամբողջովին երաժշտությանը տրվելու և նրանով առաջ գնալու համար: Սակայն Թոմի մայրը՝ Ադրիենը համոզեց նրան շարունակել ուսումը դպրոցում՝ խոստանալով Գիբսոն Լես Պոլ ֆիրմայի կիթառ նվիրել՝ ավարտելուց հետո: Թոմն ավարտեց դպրոցը և ստացավ այնքան ցանկալի գործիքը, որից հետո սկսեց հանդես գալ Saints in Hell, Telapath և Diamonds խմբերում:

Գործունեության սկիզբը[խմբագրել | խմբագրել կոդը]

Զարգացնելով իր երաժշտական հմտությունները, շուտով Թոմ Կիֆերն իր ուշադրությունը կենտրոնացնում է երաժշտական կարիերայի վրա: Սկսում է գրել իր ստեղծագործությունները: Նա նաև ապահովում է ֆինանսական միջոցներ՝ ձիով անցնելով ճանապարհներով և տեսանյութեր պատրաստելով նոր զարգացող լրատվամիջոցների համար: Կիֆերը մոտենում էր հաջողակ արտիստ դառնալու իր երազանքների իրականացմանը՝ իր լավագույն ընկերներից մեկի՝ բաս-կիթառահար Էրիք Բրիթինգհեմի հետ հիմնելով հարդ ռոք ժանրում ստեղծագործող Cinderella խումբը: Նրանք ծանոթացել էին 1980 թվականին: Ի դեպ, Էրիքը ևս ժամանակին նվագել էր Saints in Hell խմբում: Չնայած Թոմն ամաչկոտ էր, բայց ստանձնեց առաջին երգչի դերը, քանզի չէին կարողանում խմբի համար գտնել իրենց ուզած որակի երգիչ: Թերթերից մեկը մեջբերել էր Թոմի հետևյալ խոսքը. «Ես անհարմար եմ զգում, երբ բեմ բարձրանում եմ երգելու և ոչ թե կիթառ նվագելու համար: Ինձ մի տեսակ մերկ ու անզեն եմ զգում, երբ այնտեղ միայն ես եմ և միկրոֆոնը»:

Ճանաչումը[խմբագրել | խմբագրել կոդը]

Cinderella խումբն առաջինը նկատել էր Ջին Սիմոնսը՝ Kiss խմբից և փորձեց նրանց հետ պայմանագիր կնքել՝ ձայնագրության վերաբերյալ, սակայն ապարդյուն: Հաջորդը խմբին ուշադրություն դարձրեց Ջոն Բոն Ջովին: 1985 թվականին նա պատահաբար ներկա էր Ֆիլադելֆիայի Empire Rock Club ակումբում կայացած մի համերգի, որտեղ շատ հաջող կերպով ելույթ ունեցան Cinderella-յի տղաները: Բոն Ջովին այնքան հավանեց խումբը, որ «Mercury/Polygram records» ձայնագրման ընկերությանն առաջարկեց պայմանագիր կնքել տղաների հետ: Բոն Ջովին վստահեցնում էր, որ տեսնելով Թոմ Կիֆերին բեմի վրա, անմիջապես համոզվել է, որ իր առջև հիանալի երգիչ է, և որ նա ցուցաբերում է ապշեցուցիչ ձայնային տվյալներ՝ հիացնելով իրեն ինչպես իսկական աստղ: Այսպես, պայմանագիրը ստորագրվեց և Կիֆերն ու ընկերությունը թողարկեցին իրենց մեծ հաջողություններ բերած ալբոմներ՝ Night Songs, Long Cold Winter և Heartbreak Station: Կիֆերը մեծ ճանաչում ձեռք բերեց՝ որպես այնպիսի սիրված երգերի հեղինակ, ինչպիսիք են «Shake Me»-ն, «Nobody's Fool»-ը, «Gypsy Road»-ը, «Don't Know What You Got»-ը, «Coming Home»-ը, «Shelter Me»-ն և «Heartbreak Station»-ը: Թոմն իր ժամանակի մի զգալի մասն էլ սիրով տրամադրում էր կնոջը՝ Էմիլիին, ում հետ ամուսնացել էր 1987 թվականին՝ մի քանի տարի հանդիպելուց հետո: Հենց Էմիլին էլ նախագծեց խմբի լոգոտիպը և հաճախ էլ ուղեկցում էր ամուսնուն՝ համերգային շրջագայությունների ժամանակ: