Թեքիրդաղ

Վիքիպեդիայից՝ ազատ հանրագիտարանից
Քաղաք
Թեքիրդաղ
թուրք.՝ Tekirdağ
Kumbag Tekirdag 2010.jpg
Կոորդինատներ: 40°59′0″ հս․ լ. 27°31′0″ ավ. ե. / 40.98333° հս․. լ. 27.51667° ավ. ե. / 40.98333; 27.51667
Երկիր Թուրքիա Թուրքիա
Նահանգ Թեքիրդաղի նահանգ
Մակերես 1 112 կմ²
ԲԾՄ 10 մ
Խոսվող լեզուներ թուրքերեն
Բնակչություն 137 962 մարդ (2008)
Ագլոմերացիա 166 313
Ազգային կազմ թուրքեր
Կրոնական կազմ իսլամ
Ժամային գոտի UTC+2, ամառը UTC+3
Հեռախոսային կոդ 282
Փոստային ինդեքս 59000
Ավտոմոբիլային կոդ 59
Պաշտոնական կայք tekirdag.bel.tr
##Թեքիրդաղ (Թուրքիա)
Red pog.png
Օսմանյան շատրվանը Յալը հրապարակում
Օսմանյան պատմական փայտե տներ

Թեքիրդաղ (թուրք.՝ Tekirdağ, հուն.՝ Ραιδεστός, բուլղար․՝ Родосто), քաղաք Թուրքիայի հյուսիսարևմտյան մասում, Թեքիրդաղի նահանգում: Այն Թեքիրդաղի նահանգի նահանգակենտրոնն է: Գտնվում է Թուրքիայի եվրոպական հատվածում: Բնակչությունը 2000 թվականի մարդահամարի տվյալներով կազմում է 108 000 մարդ:

Թեքիրդաղը ունի մի քանի պատմական անվանումներ՝ Ռոդոստո (Ρωδόστο) կամ Ռադեստուս (Ραιδεστός): Բյուզանդական ժամանակաշրջանում քաղաքը կոչվել է Բյուզանդիոն (Βισάνθη), իսկ օսմանյան ժամանակաշրջանում քաղաքը կոչվել է Թեքֆուր Դաղ: Այստեղից էլ ի հայտ է եկել ժամանակակից անվանումը:

Պատմություն[խմբագրել | խմբագրել կոդը]

Քաղաքի պատմությունը սկսվում է մ.թ.ա. 4000 թվականից: Համարվում է, որ Թեքիրդաղի տեղում եղած Ռոդոստո քաղաքը հիմնել են Սամոս կղզու բնակիչները: Քսենոփոնը իր Անաբասիս աշխատության մեջ նշում է, որ քաղաքը եղել է Տարսոս թագավորության կենտրոնը, որը կառավարում էր իշխան Սեուտեսը:

813 թվականին Ռոդոստոյի մոտ տեղի ունեցավ կարևոր ճակատամարտ Բուլղարիայի և Բյուզանդական կայսրության միջև, իսկ 1206 թվականին Բուլղարիայի և Լատինական կայսրության միջև:

1360 թվականին քաղաքը նվաճվել է օսմանյան թուրքերի կողմից, որից հետո այն ներառվել է Էդիրնեի վիլայեթի մեջ:

Առաջին համաշխարհային պատերազմից հետո, Թուրքիայի և Բալկանյան երկրների միջև կնքված հաշտության պայմանագրի համաձայն Թեքիրդաղը մտավ Բուլղարիայի կազմի մեջ: Որոշ ժամանակ անց այն ետ վերադարձվեց Թուրքիային:

1918 թվականի սկզբից մինչև Առաջին համաշխարհային պատերազմի ավարտը քաղաքը եղել է հունական բանակի վերահսկողության ներքո և համաձայն Սևրի պայմանագրի քաղաքը պետք է մտներ Հունաստանի կազմի մեջ: Սակայն 1922 թվականին Լոզանի պայմանագրով Հունաստանը պետք է զիջեր Թեքիրդաղը Թուրքիայի Հանրապետությանը:

1912 թվականին Թեքիրդաղում բնակվել են 26 020 հույներ, 20 775 թուրքեր, 13 000 հայեր և 2500 հրեաներ[1]:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. George Sotiriadis, An Ethnological Map Illustrating Hellenism in the Balkan Peninsula and Asia Minor, 1918

Արտաքին հղումներ[խմբագրել | խմբագրել կոդը]