Թանդեր Բեյ (Օնտարիո)

Վիքիպեդիայից՝ ազատ հանրագիտարանից
Jump to navigation Jump to search
Բնակավայր
Թանդեր Բեյ
Դրոշ
Flag of Thunder Bay.svg

Thunder Bay skyline.JPG
Կոորդինատներ: 48°22′56″ հս․ լ. 89°14′46″ ամ. ե. / 48.38222° հս․. լ. 89.24611° ավ. ե. / 48.38222; 89.24611
ԵրկիրԿանադա Կանադա
Հիմնադրված է1683 թ.
Մակերես447 500 000 քառակուսի մետր
ԲԾՄ199±1 մետր
Բնակչություն108 359 մարդ (2011)[1][2]
Հեռախոսային կոդ807
Պաշտոնական կայքthunderbay.ca
##Թանդեր Բեյ (Օնտարիո) (Կանադա)
Red pog.png

Թանդեր Բեյ (անգլ.՝ Thunder Bay), քաղաք Կանադայում` Օնտարիո նահանգի արևմտյան մասում։ Տեղակայված է Կամինիստիկվա գետի գետաբերանի Վերին լճի հյուսիսային ափին[3]:

Թանդեր Բեյը կազմավորվել է 1970 թվականին Ֆորտ Ուիլյամ, Պորտ Արթուր քաղաքների և հարակից Նիբինգ և Մակինտայր թաունշիփների միավորման արդյունքում[4]: Միավորման պահին երկու քաղաքներից յուրաքանչյուրն ունեցել է շուրջ 50 հազար բնակիչ: Միավորումից հետո բնակչության աճը դանդաղել է[5]:

Թանդեր Բեյն աչքի է ընկնում երկրում հանցավորության միջին մակարդակի համեմատությամբ շատ բարձր ցուցանիշով[6]: Այն Կանադայի խոշոր քաղաքային կազմավորումների մեջ առաջատարն է մեկ շնչին բաժին ընկնող սպանությունների քանակով և համարվում է «սպանությունների մայրաքաղաք»[7]: Մեկ այլ խնդիր է աճող թմրամոլության հետևանքով առաջացած թալանը[6]:

Թանդեր Բեյում է գտնվում Լեյքհեդ համալսարանը, ինչպես նաև Կոնֆեդերեյշն քոլեջը[5]:

Պատմություն[խմբագրել | խմբագրել կոդը]

Բեյ սթրիթ փողոցը

Մինչև եվրոպացիների ժամանումը Վերին լճի հյուսիսային ափի վերին մասում ապրում էին Օջիբվե համայնքները: 17-րդ դարում այստեղ են եկել պուշնինայի ֆրանսիացի վաճառականները: 1679 թվականին ֆրանսիացիները Կամինիստիկվա գետի վրա կառուցել են Կամինիստիգուայան նավահանգիստը, սակայն ավելի ուշ լքել են այն: Այստեղ մշտական բնակություն հաստատել են 1803 թվականից, երբ Հյուսիս-Արևմտյան ընկերությունը կառուցել է Ֆորտ Ուիլյամը: 19-րդ դարի սկզբին այն Կանադայի պուշնինայի առևտրի կենտրոնն էր, սակայն Հյուսիս-Արևմտյան և Հուդզոնովի ընկերությունների միավորումից հետո նրա նշանակությունը թուլացել է[5]: Դարի կեսերին տարածաշրջանի հիմնական ճյուղը դարձել է օգտակար հանածոների՝ պղնձի, ոսկու, արծաթի արդյունահանումը[4]:

Այդ ժամանակ Կանադան սկսեց հետաքրքրություն ցուցաբերել դեպի արևմուտք էքսպանսիայի նկատմամբ: Ինժեներ Սայմոն Դոուսոնին հանձնարարվել էր ճանապարհ հարթել դեպի Ֆորտ Հարրի, այժմյան՝ Վինիպեգ: Կամինիստիկվա գետի գետաբերանը նավարկության համար պիտանի չէր, և «Դոուսոնի ճանապարհի» համար ելակետ էր ընտրվել Ֆորտ Վիլյամից հյուսիս-արևելք գտնվող «դեպոն»՝ 1805 թվականից ի վեր ծառայելով որպես նավերի իջեցման վայր: 1870 թվականին գնդապետ Ուոլսլին, որը ժամանել էր Ռեդ-Ռիվերում ապստամբությունը ճնշելու համար, դեպոն վերանվանել Է «արքայազն Արթուրի նավահանգիստ»՝ ի պատիվ Վիկտորիա թագուհու երրորդ որդու[4]: Լավագույն նավահանգիստների և արծաթի հայտնագործման շնորհիվ արքայազն Արթուրի նավահանգիստն արագորեն վերաճեց, իսկ 1884 թվականին վերանվանվեց Պորտ-Արթուր: 1875 թվականին Ֆորտ Վիլյամում սկսված Կանադական Խաղաղօվկիանոսյան երկաթուղու շինարարությունը նոր կյանք է հաղորդել դրան՝ առաջացնելով աշխատողների և ներգաղթյալների ներհոսք, և հարատև անվստահություն ու մրցակցություն է առաջացրել բնակավայրերի միջև[5]:

Արծաթի հանածոների նվազման հետևանքով դարի վերջին առաջատար էր անտառտնտեսությունը։ Գերանը ձիերի օգնությամբ հասցրնում էին գետափ, որտեղից դրանք լաստառաքվում էին լճի ափին գտնվող Վերին անտառափորերին:1882 թվականին ավարտվել է առաջին երկաթուղային գծի կառուցումը, և հացահատիկի փոխադրումների աճող հոսքը հանգեցրել է Ֆորտ Ուիլյամի բարգավաճմանը: Երկու տարի անց կառուցվել է առաջին էլեվատորը, իսկ 1920-ին տարածաշրջանի նավահանգիստներն ունեին հացահատիկի ամենամեծ պաշարը Հյուսիսային Ամերիկայում[4]:

20-րդ դարասկզբից բարձրացվել է Ֆորտ Ուիլյամի և Պորտ Արթուրի միավորման հարցը։ 1920 և 1958 թվականներին անցկացվել են միավորման մասին պլեբիսցիտներ, սակայն դրանք ոչնչի չեն հանգեցրել։ 1969 թվականին Օնտարիո նահանգի կառավարությունը 1970 թվականի հունվարի 1-ից երկու քաղաքների միավորման մասին հրամանագիր էր հրապարակել, և նրանց բնակիչներին առաջարկվել էր ընտրել անվանումը: Քվեարկության ժամանակ քիչ առավելությամբ հաղթել է «Թանդեր Բեյ» տարբերակը[8]:

Տնտեսություն[խմբագրել | խմբագրել կոդը]

Թանդեր Բեյը խոշոր տրանսպորտային հանգույց և նավահանգիստ է, ինչպես նաև համանուն շրջանի կենտրոնը: Քաղաքում տեղակայված են նաև մեքենաշինության, փայտամշակման և թղթային արդյունաբերության ձեռնարկություններ: Անտառային արդյունաբերությունը տարածաշրջանի աշխատատեղերի ապահովման հիմնական աղբյուրն է: Նավահանգստի միջոցով արտահանվում են անտառային արդյունաբերության արտադրանքը, ածուխը և կալիումի աղը, բայց նավահանգստի արտահանման հիմնական օբյեկտը (70%-ից ավելին) մնում է հացահատիկը: Թանդեր Բեյ նավահանգստի հացահատիկի պահպանման շինությունները աշխարհի ամենամեծ կառույցներից են: Բացի այդ, արդյունաբերությունը ներառում է երկաթուղային վագոնների արտադրությունը, նավանորոգումը, մասնագիտացված սարքավորումների հավաքումն ու կենսատեխնոլոգիան: Զբաղվածությունն ապահովում են տուրիզմի, կառավարման և սպասարկման ոլորտները[5]:

Բնակչություն[խմբագրել | խմբագրել կոդը]

2016 թվականի մարդահամարի համաձայն՝ բնակչությունը կազմում է 107 909 մարդ, մետրոպոլիան՝ 121 621 բնակիչ:

Սպորտ[խմբագրել | խմբագրել կոդը]

1995 թվականին քաղաքում անցկացվել է դահուկային սպորտների աշխարհի առաջնություն[9]:

Ծանոթագրություններ[խմբագրել | խմբագրել կոդը]

  1. Canada 2011 Census
  2. DBpedia — 2007.
  3. «Thunder Bay»։ Encyclopedia Britannica (անգլերեն)։ 2019-01-14։ Վերցված է 2019-02-16 
  4. 4,0 4,1 4,2 4,3 «History of Thunder Bay»։ City of Thunder Bay (անգլերեն)։ Վերցված է 2019-02-02 
  5. 5,0 5,1 5,2 5,3 5,4 «Thunder Bay»։ The Canadian Encyclopedia (անգլերեն)։ 2015-03-04։ Վերցված է 2019-02-02 
  6. 6,0 6,1 «Thunder Bay, Kenora among most violent cities in Canada»։ Thunder Bay News - TBNewsWatch.com (անգլերեն)։ 2018-11-09։ Վերցված է 19-02-17 
  7. «UPDATE: Thunder Bay leads Canadian cities in murder rate for second year in a row»։ Thunder Bay News - TBNewsWatch.com (անգլերեն)։ 2018-07-23։ Վերցված է 19-02-17 
  8. «Amalgamation»։ City of Thunder Bay (անգլերեն)։ Վերցված է 2019-03-06 
  9. «Cross Country Heads to Nordic World Ski Championships»։ News - Snow Sports Canada (անգլերեն)։ 2015-02-17։ Վերցված է 2019-03-06