Էրիխ Կոշ

Էրիխ Կոշ; Ерих Кош
Ծնվել է	ապրիլի 15, 1913
Ծննդավայր	Սարաևո, Ավստրո-Հունգարիա
Վախճանվել է	մայիսի 25, 2010[…] (97 տարեկան)
Վախճանի վայր	Բելգրադ, Սերբիա
Մասնագիտություն	լեզվաբան, գրող, թարգմանիչ, ինքնակենսագիր, բանաստեղծ-փաստաբան, գրական քննադատ և գիտաֆանտաստիկ գրող
Քաղաքացիություն	Սերբիա
Կրթություն	Բելգրադի համալսարանի իրավաբանության ֆակուլտետ
Անդամակցություն	Սերբական գիտությունների և արվեստների ակադեմիա
Պարգևներ	ՆԻՆ մրցանակ

Էրիխ Կոշ (սերբ.՝ Ерих Кош; ապրիլի 15, 1913(1913-04-15)^[1]^[2]^[3], Սարաևո, Ավստրո-Հունգարիա^[4] - մայիսի 25, 2010(2010-05-25)^[5]^[1]^[2]^[…], Բելգրադ, Սերբիա), սերբ արձակագիր։

Ստեղծագործությունը

Էրիխ Կոշի առաջին գրքերը («Կրակի մեջ», 1947, «Երեք ժամանակագրություն», 1949, «Ժամանակը պատերազմական է», 1952, պատմվածքների ժողովածուները) նվիրված են ազգային-ազատագրական շարժմանը։ Հետագա պատմվածքներում, վիպակներում, վեպերում ծանրության կենտրոնը տեղափոխվում է դեպի իր ժամանակակիցը, որը հաճախ հակաֆաշիստական պայքարի նախկին մասնակից է։ Այս ստեղծագործություններում ամբողջապես բացահայտվում է Կոշ-երգիծաբանի տաղանդը։ Կոշը անողոք պայքար է մղում քաղքենիության բոլոր դրսևորումների դեմ («Մեծ Մակը», 1956), անտարբերության և մեծամտության («Ձյուն և սառույց», 1961), բյուրոկրատական անիմաստ ճիգերի և մարդու նկատմամբ անվստահության («Խրաբակի գործը», 1971) դեմ։ Եվ եթե իր ձևով «Ցանցեր» վեպը (1967) հոգեբանական նուրբ հետազոտություն է, ապա առաջ քաշած խնդիրներով այն սերտորեն կապված է գրողի ողջ ստեղծագործության հետ։ Այդ ստեղծագործության հերոսը «մայրաքաղաքային բարձր շրջանների հաջողակ և նկատելի դեմքերից» մեկն է, հայտնի ճարտարապետ, տեխնիկական գիտությունների դոկտոր, բազմաթիվ գիտական ընկերությունների անդամ։ Հոգնելով առօրյա իրարանցումից, ընտանեկան և աշխատանքային հարաբերությունների կեղծիքից, նա անսպասելիորեն փախչում է դեպի լքված ձկնորսական ավանը։ Այստեղ էլ նա իսկական հանգիստ չի գտնում, այստեղ էլ ներքաշվում է նոր և ոչ պակաս բարդ մարդկային հարաբերությունների մեջ։ Բայց հենց այդ հարաբերություններն են նրան օգնում վերագտնել իրեն և հասկանալ գլխավորը՝ առանց պայքարի կյանք չկա։ Հերոսը զոհվում է, փրկելով իրեն վստահված ձկնորսական ցանցերը^[7]։

Էրիխ Կոշը հայերեն

Խայտաբղետ հասարակություն (պատմվածքներ, վիպակ), Ե., «Հայաստան», 1976, 412 էջ։ Թարգմ.՝ Մարգարիտ Թերզյան։ Վերջաբ.՝ Իդա Ռադվոլինա։ Նկ.՝ Վաղինակ Մանդակունի։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Internet Speculative Fiction Database — 1995.
↑ ^3,0 ^3,1 Բրոքհաուզի հանրագիտարան (գերմ.)
↑ ^4,0 ^4,1 ^4,2 Deutsche Nationalbibliothek Record #13982572X // Gemeinsame Normdatei (գերմ.) — 2012—2016.
↑ ^5,0 ^5,1 ^5,2 http://www.naslovi.net/2010-05-25/b92/preminuo-erih-kos/1742660
↑ НИН online
↑ Արտասահմանյան գրականության պատմություն, Ե., Երևանի համալսարանի հրատ., 1985, էջ 635-636։

[_1cbda2d9d7283004-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_dfad9486f378d74e-2] 2,0 ^2,1 ^2,2 ^2,3 ^2,4 Internet Speculative Fiction Database — 1995.

[_a0ba2418a86b81f6-3] 3,0 ^3,1 Բրոքհաուզի հանրագիտարան (գերմ.)

[_90fbe476ca33b66b-4] 4,0 ^4,1 ^4,2 Deutsche Nationalbibliothek Record #13982572X // Gemeinsame Normdatei (գերմ.) — 2012—2016.

[_2b71dbd9843424b3-5] 5,0 ^5,1 ^5,2 http://www.naslovi.net/2010-05-25/b92/preminuo-erih-kos/1742660

[_ac66754bcdddf521-6] НИН online

[7] Արտասահմանյան գրականության պատմություն, Ե., Երևանի համալսարանի հրատ., 1985, էջ 635-636։

[1]

[2]

[3]

[4]

[5]

[6]

[7]