Էնթոնի Կալֆ
 | |
|---|---|
| Ծնվել է | մայիսի 4, 1959[1] (63 տարեկան) |
| Ծննդավայր | Համմերսմիթ, Համերսմիթ և Ֆուլեմ, Մեծ Լոնդոն, Անգլիա, Միացյալ Թագավորություն |
| Կրթություն | Լոնդոնի դրամատիկական և երաժշտական արվեստի ակադեմիա |
| Քաղաքացիություն | .svg){kind=small} Միացյալ Թագավորություն |
| Մասնագիտություն | թատրոնի դերասան, կինոդերասան և հեռուստատեսային դերասան |
| Ամուսին(ներ) | Caroline Harker? |
Էնթոնի Կալֆ (անգլ.՝ Anthony Calf, մայիսի 4, 1959[1], Համմերսմիթ, Համերսմիթ և Ֆուլեմ, Մեծ Լոնդոն, Անգլիա, Միացյալ Թագավորություն), թատրոնի, կինոյի և հեռուստատեսության բրիտանացի դերասան։
Կարիերա[խմբագրել | խմբագրել կոդը]
Էնթոնի Կալֆը Լոնդոնի երաժշտական և դրամատիկական արվեստի ակադեմիայում ստացել է մասնագիտական կրթություն։
Առաջին անգամ հեռուստատեսությունում նկարահանվել է 1982 թվականին «Դոկտոր Ով» ֆանտաստիկ շարքի «Կարա» դրվագում։
1989 թվականին նա խաղացել է Չարլզ Դիքենսի «Մեծ հույսեր» վեպի հիման վրա նկարահանված հեռուստասերիալի գլխավոր` Պիպայի դերը[2]։ 1990 թվականին նկարահանվել է «Պուարո Ագաթա Քրիստի» հեռուստասերիալի «Սթայլզի առեղծվածային սպանությունը» դրվագում` Լորենս Քավենդիշի դերում։ 1995 թվականին հանդես է եկել BBC-ի «Հպարտություն և նախապաշարումներ» հեռուստասերիալի գնդապետ Ֆիտցուլյամի դերում։
1990-ական թվականների կեսերին Կալֆան հանդես է եկել «Թագավոր Գեորգի խելագարությունը» ֆիլմում` կապիտան Ֆետցորի դերում, իսկ 1997 թվականին «Աննա Կարենինա» վեպի ամերիկյան էկրանավորման մեջ խաղացել է Սերպուխովսկի դերը։
Կալֆը շատ է խաղացել թատրոնում։ Իր գործունեության ընթացքում նա հասցրել է հանդես գալ շատ ներկայացումներում, ինչպես Լոնդոնում (հիմնականում Ազգային թագավորական թատրոնում) և Բրոդվեյում, այդ թվում Թոմ Ստոպարդի «Ռոկ-ն-ռոլ» և «Դժվար խնդիր», Ալենա Բենետի «Թագավոր Գեորգ III-ի խելագարությունը», Դավիդ Խեայի «Գեթսեմանի այգի», Նոել Կաուարդա «Մասնավեր կյանքեր»[3], Անտոն Չեխով «Քեռի Վանյա (պիես)» պիեսներում։
2010 թվականին դերասանը խաղացել է Մեծ Բրիտանիայի արտաքին գործերի նախարար` Էնթոնի Իդենի դերը, «Աստիճաններով վեր ու վար» սերիալի նորացված տարբերակում[4], Իդենի դերից երկու տարի անց խաղացել է Հովարդ Բրենթոնի «Ավելի լավ, քան նախկինում» պիեսում Սուեզի ճգնաժամի ժամանակ վարչապետի դերը[5]։ 2017 թվականին Կալֆը նորից խաղացել է «Դոկտոր Ով» սերիալում, «Մարսի Կայսրուհի» դրվագում Գոդսեյկրայի դերը[6]։ 2018 թվականի մայիսի 28-ին BBC Two հեռուստաալիքով ցուցադրվել է «Լիր արքա» հեռուստատեսային ֆիլմը, որտեղ Կալֆը խաղացել է դուքս Ալբանի` թագավորի ավագ դստեր` Գոներիլի (որի դերը կատարում էր Էմմա Թոմփսոնը) ամուսնու դերը[7]։
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ Kent Film Office։ «Kent Film Office Great Expectations Film Focus»
- ↑ Lyn Gardner (2013-07-13)։ «Private Lives – review»։ www.theguardian.com (անգլերեն)։ Վերցված է 2017-12-26
- ↑ Brian Lowry (0211-07-04)։ «Upstairs, Downstairs»։ variety.com (անգլերեն)։ Վերցված է 2017-12-26
- ↑ Michael Billington (2008-03-27)։ «Never So Good»։ www.theguardian.com (անգլերեն)։ Վերցված է 2017-12-26
- ↑ Jerome Cox Strong (2017-06-11)։ «DOCTOR WHO SERIES 10, EPISODE 9 REVIEW»։ /culturefly.co.uk (անգլերեն)։ Վերցված է 2017-12-26
- ↑ Flora Carr (2018-05-28)։ «When is BBC2’s King Lear starring Anthony Hopkins on TV?»։ radiotimes.com (անգլերեն)։ Վերցված է 2018-05-30
Արտաքին հղումներ[խմբագրել | խմբագրել կոդը]
- Anthony Calf Internet Movie Database կայքում
- Actor Bio Archived 2006-12-22 at the Wayback Machine. at www.bbc.co.uk Archived 2005-12-13 at the Wayback Machine.
- http://unitedagents.co.uk/film/anthony-calf/ Archived 2013-05-05 at Archive.is
| ||||||
