Էմմա Սպարե

Վիքիպեդիայից՝ ազատ հանրագիտարանից
Jump to navigation Jump to search
Էմմա Սպարե
Emma Sparre Idun 1890, nr 23.jpg
Ծնվել էհունիսի 29, 1851(1851-06-29)[1][2][3][4]
ԾննդավայրGrycksbo, Ֆալուն, Դալարնա, Շվեդիա, Շվեդ-նորվեգական միություն
Վախճանվել էսեպտեմբերի 8, 1913(1913-09-08)[1][2][3][4] (62 տարեկանում)
ՔաղաքացիությունFlag of Sweden.svg Շվեդիա[5]
ԿրթությունԺյուլիանի ակադեմիա
Մասնագիտությունարվեստների գործիչ
ՈւսուցիչԱվգուստ Մալմստրյոմ, Կառլ Գյուստավ և Պասկալ Դանիան-Բուվե
ՀայրՀենրիկ Մունկտելլ
ՄայրՔրիստինա Ավգուստա Էգգերց
ԱմուսինԿառլ Աքսել Ամբյորն Սպարե
ԶավակներԱմին Մարթա
Emma Sparre Վիքիպահեստում

Բարոնուհի Էմմա Սպարե (շվեդ.՝ Emma Sparre, լրիվ անունը՝ Emma Josepha Sparre, ծննդյամբ Munktell, հունիսի 29, 1851(1851-06-29)[1][2][3][4], Grycksbo, Ֆալուն, Դալարնա, Շվեդիա, Շվեդ-նորվեգական միություն - սեպտեմբերի 8, 1913(1913-09-08)[1][2][3][4]), շվեդ նկարչուհի:

Կենսագրություն[խմբագրել | խմբագրել կոդը]

Էմմա Սպարեն ծնվել է 1851 թվականի հունիսի 29-ին, Ֆալուն քաղաքում: Ձեռներեց և երաժիշտ Հենրիկ Մունկտելլի և նրա կնոջ՝ Քրիստինա Ավգուստի (Christina Augusta Eggertz, 1818-1889) դուստրը, շվեդ կոմպոզիտորներ Հելենա Մունկտելլի և Ամալյա Հելմի քույրը: Էմման ինը երեխաներից ամենակրտսերն էր: Երբ 1861 թվականին հայրը մահացավ, ամբողջ ընտանիքը տեղափոխվեց Ստոկհոլմ, որտեղ մայրը բիզնեսով էր զբաղվում: Էմման նկարչություն սովորել է մասնավոր հիմունքներով Ազատ արվեստի թագավորական ակադեմիայի անդամ Ավգուստ Մալմստյրոմի մոտ: Հետագայում սովորել է Դյուսելդորֆում, Հռոմում և հատկապես երկար ժամանակ Փարիզում, որտեղ ձեռք է բերել արվեստանոց և սովորել ֆրանսիացի նկարիչներ Գուստավ Կյուրտուայի և Պասկալ Դանյան Բուվրեի մոտ: Էմմայի արվեստանոցը դարձավ փարիզյան շատ նկարիչների հանդիպումների վայր: Էմմա Սպարեն 1890-ականներին տեղափոխվեց Շվեդիա, իսկ 1897 թվականին Դալարնա լենում կառուցեց իր սեփական Solgården տունը, որտեղ նա հյուրընկալում էր շատ հայտնի մարդկանց: 2001 թվականին Solgården-ը հռչակվեց մշակութային հուշարձան:

Էմմա Սպարեն իր աշխատանքները ցուցադրեց 1893 թվականին Չիկագոյում կազմակերպված Համաշխարհային կոլումբիական ցուցահանդեսում[6], ինչպես նաև 1889 թվականին՝ Փարիզում անցկացվող Համաշխարհային ցուցահանդեսում[7]: Էմմա Սպարեի աշխատանքները ցուցադրվում են Շվեդիայի մի շարք թանգարաններում, այդ թվում Ազգային թանգարանում:

Էմմա Սպարեն մահացել է 1913 թվականի սեպտեմբերի 8-ին, Դալարնա լենի Ռետտվիվիկ ծխական համայնքում:

Ընտանիք[խմբագրել | խմբագրել կոդը]

1870-1891 թվականներին Էմմա Սպարեն ամուսնացած է եղել իր գործընկեր նկարիչ Կառլ Սպարեի հետ (1839-1910): Նրանք ունեցել են մեկ դուստր՝ Մարթան, որը նույնպես նկարիչ էր:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]