Էմիլ Բուխար
Էմիլ Բուխար Emil Buchar | |
|---|---|
| Ծնվել է | օգոստոսի 4, 1901[1][2][3][…] Lázně Bělohrad |
| Մահացել է | սեպտեմբերի 20, 1979[1][2][4] (78 տարեկան) Բրշիբրամ[4] |
| Քաղաքացիություն |  Չեխոսլովակիա |
| Մասնագիտություն | աստղագետ, գեոդեզիստ և ուսուցիչ |
| Հաստատություն(ներ) | Ալժիրի աստղադիտարան |
| Գործունեության ոլորտ | աստղագիտություն |
| Ալմա մատեր | Faculty of Science, Charles University?[3] և Examination Board for Teachers at Secondary Schools of Charles University?[3] |
Էմիլ Բուխար (չեխ․՝ Emil Buchar, օգոստոսի 4, 1901[1][2][3][…], Lázně Bělohrad - սեպտեմբերի 20, 1979[1][2][4], Բրշիբրամ[4]), չեխ աստղագետ, աշխատել է Ալժիրի աստղադիտարանում։
1915 թ.-ից 1921 թվականները սովորել է իր հայրենի քաղաքի միջնակարգ դպրոցում։ 1921 թ.-ից 1926 թվականները ուսումնասիրել է աստղագիտություն Կարլի համալսարանի բնական գիտությունների բաժնում, որտեղ և 1927 թվականին ստացել է իր դոկտորական կոչումը։ Որոշ ժամանակ աշխատել է Ալժիրում, Ալժիրի աստղադիտարանում, որտեղ 1925 թվականի նոյեմբերի 17-ին հայտնաբերել է (1055) Տինկա աստերոիդը[5]։ Այս աստերոիդը նա անվանել է իր մոր պատվին։
Մինչև ուսման ավարտը Բուխարը աշխատել է Կառլովի համալսարանի Աստղագիտական ինստիտուտում որպես օգնական։ Դրանից հետո ընդունվել է «Զինվորական աշխարհագրական ինստիտուտ», որտեղ մասնագիտացվում է գեոդեզիայի ոլորտում։
1946 թվականին նշանակում է ստանում աստղագիտության և գեոդեզիայի պրոֆեսորի պաշտոնում Պրահայի «Տեխնիկական համալսարանում», իսկ 1952 թվականին ընտրվում է Չեխոսլովակիայի գիտությունների ակադեմիայի թղթակից անդամ և ստանում է մաթեմատիկական գիտությունների դոկտորի կոչում։
Պրոֆեսոր Բուխարը իր գիտական աշխատանքի սկզբնական փուլում հիմնականում զբաղվել է կրկնակի աստղերի և աստերոիդների ուսումնասիրություններով։ Հետագայում զբաղվել է նաև գիսաստղերի հետազոտություններով, և հայտնաբերում է նոր գիսաստղ։ Պատերազմից հետո նա ստեղծում է աշխարհագրական կոորդինատների հաշվարկի նոր մեթոդ, որը թույլ է տալիս բարձր ճշտությամբ որոշել Երկրի պտույտի փոփոխություններտը։ Այս մեթոդը օգտագործվել է Երկրի առաջին արբանյակների արձակնման ժամանակ, ինչպես նաև Լուսին, Վեներա և Մերկուրի ուղարկվող սարքերի ուղեծրերի հաշվարկի ժամանակ։
Բացի իր գիտական գործունեությունից նա նաև ակտիվորեն զբաղվել է դասավանդմամբ և կազմակերպչական աշխատանքով «Չեխոսլովակիայի տեխնիկական համալսարանում», նա մասնակցել է աստղագիտության և գեոդեզիայի մասին բազմաթիվ ուսուցողական գրականության և դասագրքերի հրատարակմանը։
Բուխարը ներկայացրել է Չեխոսլովակիան բազմաթիվ միջազգային գիտական կազմակերպություններում, այդ թվում եղել է Միջազգային աստղագիտական միության անդամ և մասնակցել է նրա մի քանի կոմիտեների աշխատանքին։
Էմիլ Բուխարը մահացել է 1979 թվականի սեպտեմբերին Պրշիբրամ քաղաքում ծանր հիվանդության պատճառով։ Նրա պատվին է անվանվել (3141) Բուխար աստերոիդը։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Czech National Authority Database
- ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 3,2 3,3 Studenti pražských univerzit 1882–1945
- ↑ 4,0 4,1 4,2 4,3 4,4 4,5 Կերպարվեստի արխիվ — 2003.
- ↑ «Փոքր մոլորակների հայտնաբերողներ»։ Փոքր մոլորակների կենտրոն։ Արխիվացված օրիգինալից 2012-03-14-ին։ Վերցված է 1 հունվարի 2011
Արտաքին հղումներ[խմբագրել | խմբագրել կոդը]
- Էմիլ Բուխարի կոնսագրությունը (չեխ.)
| ||||||||||||
