Էմիլի Հեմփշիր

Վիքիպեդիայից՝ ազատ հանրագիտարանից
Էմիլի Հեմփշիր
Ծնվել էօգոստոսի 29, 1981(1981-08-29) (42 տարեկան)
ԾննդավայրՄոնրեալ, Քվեբեկ, Կանադա
Քաղաքացիություն Կանադա
Մասնագիտությունդերասանուհի
Համատեղ ապրող(ներ)Teddy Geiger?
Պարգևներ և մրցանակներ

Էմիլի Հեմփշիր (անգլ.՝ Emily Hampshire, օգոստոսի 29, 1981(1981-08-29), Մոնրեալ, Քվեբեկ, Կանադա), կանադա-ամերիկացի դերասանուհի, որը առավել հայտնի է «12 կապիկ» հեռուստասերիալում և Դևիդ Կրոնենբերգի «Կոսմոպոլիս», Դարրեն Արոնոֆսկու «Մա՜յր» ֆիլմերում խաղացած դերերով։

Վաղ տարիներ[խմբագրել | խմբագրել կոդը]

Հեմփշիրը ծնվել և մեծացել է Քվեբեկում՝ Մոնրեալում[1][2]։ Դերասանությամբ հետաքրքրվել է 11 տարեկանում՝ մոր հետ «Թշվառները» մյուզիքլի նկարահանումներին ներկա գտնվելուց հետո[3][4]։ 16 տարեկանում տեղափոխվել է Տորոնտո[3]։ Իմանալով դրամատիկական արվեստի ամերիկյան ակադեմիայի մասին՝ ընդունվել է այնտեղ, սակայն նկարահանումների կարգացուցակի հետ կապված կոնֆլիկտի պատճառով, որին մասնակցել էր, ստիպված է եղել հետ վերցնել փաստաթղթերը[5]։

Կարիերա[խմբագրել | խմբագրել կոդը]

Հեմփշիրն իր դերասանական կարիերան սկսել է կանադական հեռուստատեսությունում՝ «Վախենո՞ւմ ես դու մթությունից» սերիալում[6]։ Այդ ժամանակվանից ի վեր նա հայտնվել է Կանադայի ավելի քան քառասուն հեռուստանախագծում։ Մեծ էկրանում նա նկարահանվել է 1998 թվականին «Տղան հանդիպում է աղջկան» ֆիլմում։ «Վախի խնդիր» (2003), «Արյուն» (2004) և «Ձնե կարկանդակ» ֆիլմերում խաղացած դերերի շնորհիվ արժանացել է բարձրագույն կանադական «Ջինի» մրցանակի անվանակարգերի[7]։ «Արտադրված է Կանադայում» (1998—2001) սիթքոմում երկրորդական դերի համար Հեմփշիրը ստացել է նաև «Ջեմինի» մրցանակ[7]։

2009 թվականին Հեմփշիրը խաղացել է Ալեքսանդրայի դերը «Տրոցկի» ֆիլմում, որն առաջին անգամ ներկայացվել է Տորոնտոյի կինոփառատոնում և դարձել միջազգային փառատոների դափնեկիր Սոֆիայում, Տոկիոյում և Հալիֆաքսում։

Հեմփշիրը գլխավոր դերեր է խաղացել մի քանի անկախ ֆիլմերում։ Խաղացել է Դևիդ Կրոնենբերգի «Կոսմոպոլիս» ֆիլմում։ 2013 թվականին Հեմփշիրը երկրորդական դեր է ստանձնել «Նորակոչիկ ոստիկաններ» սերիալում, որը ամերիկյան հեռուստատեսությունում նրա համար դարձել է առաջնաելույթային։ 2014 թվականին նա էպիզոդիկ դեր է ստացել «12 կապիկներ» հեռուստատեսային ադապտացված ֆիլմում. Բրեդ Փիթի կերպարի կանացի տարբերակի դերը[8]։ 2015 թվականին բարձրացել է մինչև հիմնական կազմի դերասանուհի[9]։ 2015 թվականից նաև խաղացել է «Շիթս Քրիք» սիթքոմի գլխավոր դերերից մեկը։

2018 թվականին Հեմփշիրը խաղացել է Քսավյե Դոլանի «Ջոն Ֆ.Դոնովանի մահը և կյանքը» ֆիլմում (գլխավոր դերում՝ Քիթ Հարինգթոն)։

Անձնական կյանք[խմբագրել | խմբագրել կոդը]

2006 թվականին Հեմփշիրն ամուսնացել է Մեթյու Սմիթի հետ՝ նախկին ֆուտբոլիստ և այժմ «William Morris Endeavor» տաղանդների որոնման ընկերության գործակալ[1]։ Նրանք բաժանվել են 2014 թվականին[10]։ 2018 թվականի սեպտեմբերին հայտնի է դարձել, որ Հեմփշիրը հարաբերությունների մեջ է երգահան և երգիչ Թեդի Գեյգերի հետ[11]։ Նույն տարվա նոյեմբերին զույգը հայտարարել է իրենց նշանադրության մասին[12][13]։ 2019 թվականի հունիսին հայտնի է դարձել, որ Հեմփշիրը և Գեյգերը չեղարկել են նշանադրությունը[14]։

Հեմփշիրը պանսեքսուալ է[15]։

2007 թվականին Հեմփշիրը տեղափոխվել է Լոս Անջելես[4]։ 2014 թվականի սեպտեմբերին դարձել Է ԱՄՆ-ի հպատակագրված քաղաքացի[16]։

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
1994-1996 ս Վախենու՞մ ես դու մթությունից Are You Afraid of the Dark? Հիզեր

Սենդի Քեմպբել

1997 ֆ Մահացած անմեղություն Dead Innocent Նիկոլ
1997 ս Վերջին դոն The Last Don երիտասարդ Ռոուզ Մարի
1997 հֆ Յուրաքանչյուր 9 վայրկյան Every 9 Seconds Միսի
1997 ս Երկիր։ Վերջին հակամարտություն Earth: Final Conflict Ջուլի

Պեյթոն

1998 ֆ Տղան հանդիպում է աղջկան Boy Meets Girl Անջելինա Միլֆլոր
1998-2001 ս Արտադրված է Կանադայում Made in Canada Շիվոն Ռոյ
1999 ֆ Կյանքը դրանից առաջ The Life Before This Մարգրետ
2002 ս X Մուտանտներ Mutant X Շարլոթ Կուկ
2002 ս Տասնմեկ ժամ The Eleventh Hour Էմմի Քեմբոլ
2010 ֆ Լավ հարևաններ Good Neighbours Լուիզ

Ծանոթագրություններ[խմբագրել | խմբագրել կոդը]

  1. ↑ 1,0 1,1 Zekas, Rita (2009-10-03)։ «`Commie comedy' star, 30, plays older woman»։ Toronto Star (անգլերեն) 
  2. ↑ Stedman, Alex (2013-09-05)։ «Emily Hampshire: International Star You Should Know»։ Variety (անգլերեն) 
  3. ↑ 3,0 3,1 Renzetti, Elizabeth (2018-04-05)։ «Schitt’s Creek star Emily Hampshire on her rise to film and TV success»։ The Globe and Mail (անգլերեն) 
  4. ↑ 4,0 4,1 Kennedy, John R (2013-04-19)։ «Emily Hampshire returns to TIFF with sex comedy»։ Global News (անգլերեն) 
  5. ↑ Levin, Hannah (2017-05-26)։ «Emily Hampshire Talks Character Building»։ Master Chat (անգլերեն) 
  6. ↑ «Emily Hampshire Biography»։ Tribute Entertainment Media Group։ Վերցված է 2014-08-17 
  7. ↑ 7,0 7,1 «Emily Hampshire Awards»։ Internet Movie Database։ Վերցված է 2014-08-17 
  8. ↑ Nellie Andreeva (2014-07-29)։ «Emily Hampshire & Tom Noonan Land Key Roles On Syfy Series ‘12 Monkeys’»։ Deadline.com։ Վերցված է 2014-08-17 
  9. ↑ Maas, Jennifer (2015-03-15)։ «Emily Hampshire promoted to series regular on '12 Monkeys'»։ Entertainment Weekly (անգլերեն) 
  10. ↑ MacLeod, Violet (2017-01-16)։ «Play back and fast forward with Emily Hampshire»։ Fajo (անգլերեն) 
  11. ↑ Dicker, Ron (2018-09-14)։ «Teddy Geiger Is Dating Emily Hampshire And They Look Crazy In Love»։ HuffPost (անգլերեն) 
  12. ↑ Hautman, Nicholas (2018-09-13)։ «Teddy Geiger Is Dating ‘Schitt’s Creek’ Star Emily Hampshire»։ Us Weekly (անգլերեն) 
  13. ↑ M Moniuszko, Sara (2018-11-10)։ «Teddy Geiger and 'Schitt's Creek' star Emily Hampshire are engaged»։ USA Today (անգլերեն) 
  14. ↑ Curto, Justin (2019-06-10)։ «Teddy Geiger and Emily Hampshire End Engagement After 7 Months: Report»։ People (անգլերեն) 
  15. ↑ «Эмили Хэмпшир: «So... #truestory way back when we shot this scene I didn’t know what #pansexuality was😬🤷♀️»»։ Instagram (անգլերեն)։ 2019-05-29 
  16. ↑ «Эмили Хэмпшир: «About to take do my Naturalization Oath Ceremony»»։ Instagram (անգլերեն)։ 2014-09-17 

Արտաքին հղումներ[խմբագրել | խմբագրել կոդը]

Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Էմիլի_Հեմփշիր&oldid=8247016» էջից