Էլ Գունա

Վիքիպեդիայից՝ ազատ հանրագիտարանից
Jump to navigation Jump to search
Բնակավայր
արաբ․՝ الجونة‎‎
El Gouna 02.jpg
ԵրկիրԵգիպտոս Եգիպտոս
Հիմնադրված է1990 թ.
Մակերես36,8 կմ²
ԲԾՄ8±1 մետր
Բնակչություն15 000 մարդ (2008)
Ժամային գոտիUTC+2
Պաշտոնական կայքelgouna.com
##Էլ Գունա (Եգիպտոս)
Red pog.png

Էլ Գունա (արաբ․՝ الجونة‎‎), զբոսաշրջային հանգստավայր Կարմիր ծովի ափին, որը գտնվում է Հուրգադայի միջազգային օդանավակայանից 22 կմ հյուսիս, եգիպտական ​​Ռիվիերայի մի մասը։

Հանգստավայրի մասին[խմբագրել | խմբագրել կոդը]

Հանգստավայրը գտնվում է Կարմիր ծովի և Էթբայ լեռնաշղթայի ջրերի միջև։ Էլ Գունան ղեկավարվում է Orascom Development ընկերության կողմից, որը պատկանում է եգիպտացի միլիարդատեր Սամիհ Սավիրիսին (Samih Sawiris)[1]: Էլ Գունա հանգստավայրի բոլոր հյուրանոցներն ու շենքերը գտնվում են փոքր կղզիներում, որոնք կապված են կամուրջներով և ջրանցքներով, որոնց երկայնքով նավակներ են անցնում: Հանգստավայրն ունի լողափեր, հյուրանոցներ և գոլֆի դաշտեր։ Հնարավոր զվարճանքներ՝ զբոսանավ, ձկնորսություն, վինդսերֆինգ, քեյթսերֆինգ, ջրային դահուկներ և դայվինգ:

Պատմություն[խմբագրել | խմբագրել կոդը]

Քաղաքը հիմնադրվել է 1990 թվականին և կառուցվել է Orascom Development ընկերության կողմից:

Ճարտարապետություն[խմբագրել | խմբագրել կոդը]

Թամր Հեննա հրապարակ
Աբու Տիգ Մարինա
Էլ Գունայի և շրջակայքի արբանյակային լուսանկարը
Golf course El Gouna 2012.jpg

Քաղաքի ճարտարապետությունը համատեղում է ավանդական և ժամանակակից տարրերը, որոնց վրա աշխատել են այնպիսի հայտնի ճարտարապետներ, ինչպիսիք են.

  • Ամերիկացի Մայքլ Գրեյվս՝ ճարտարապետական ​​բազմաթիվ մրցանակների դափնեկիր, նախագծել է Sheraton Miramar Resort և Steigenberger Golf Resort, ինչպես նաև Golf Apartments և Golf Villas նախագծերը
  • Իտալացի ճարտարապետ Ալֆրեդո Ֆրեդա՝ նախագծել է տոսկանյան ոճով տարածքը՝ Hill Villas, ինչպես նաև Էլ Գունա տարածքը՝ Աբու Տիգ Մարինա (Abu Tig Marina)
  • Շահաբ Ա․ Մազար (Shehab A. Mazhar)՝ եգիպտացի ճարտարապետ, նախագծել է White Villas-ը
  • Եգիպտացի ճարտարապետներ Ռամի էլ Դահանի (Rami el Dahan) և Ահմադ Համդիի (Ahmad Hamdy) կողմից նախագծվել են նուբյան ոճի վիլլաներ՝ Nubian Villas
  • Գոլֆի ակումբը նախագծել են Ժեն Բեյթսի (Gene Bates) և Ֆրեդ Կապլսի (անգլ.՝ Fred Couples) կողմից
  • Ancient Sands Golf Resort նախագծի հեղինակը ամերիկացի ճարտարապետ Կարլ Լիթենն է (Karl Litten)։

Սոցիալապես նշանակալի օբյեկտներ[խմբագրել | խմբագրել կոդը]

  • սեփական փոքր օդանավակայանը քաղաքի տարածքում, որն ընդունում է ինքնաթիռներ, որոնք իրականացնում են ինչպես տեղական, այնպես էլ միջազգային թռիչքներ
  • ավտոբուսային և նավային երթուղիների լայնածավալ տրանսպորտային համակարգ
  • բժշկական կլինիկա
  • 4 ավազոտ լողափ Կարմիր ծովի ափերին՝ Mangroovy, Marina, Buzzha, Zeytouna
  • 3 կղզիներ Էլ Գունայի մոտակայքում՝ Mahmeya, Tawila, Goba
  • Քեյթսերֆինգի 5 կենտրոն
  • թենիսի դպրոց
  • քրիստոնեական եկեղեցի և մզկիթ
  • փոստային բաժանմունք (Tamr Henna շրջան)
  • ակվարիում
  • փոքրիկ պատմության թանգարան, որտեղ հավաքված են եգիպտական ​​հայտնի ցուցանմուշների պատճեններ
  • ճարտարապետական ​​կառույց «Անապատի շունչը»։

Կարմիր ծովի մի կղզում, որը գտնվում է Էլ Գունայի տարածքում, 2004 թվականի նոյեմբերի վերջին կայացան լողափնյա հանդբոլի աշխարհի առաջին պաշտոնական առաջնության հանդիպումները։ Ինչպես առաջնության մասնակիցները, այնպես էլ հանդիսատեսը կղզի կարող էին հասնել միայն ջրային տրանսպորտով: Տղամարդկանց մրցաշարում հաղթել են տանտերերը՝ Եգիպտոսի հավաքականը, իսկ կանանց մրցաշարում՝ Ռուսաստանի հավաքականը[2]։

Շրջակա միջավայր[խմբագրել | խմբագրել կոդը]

Էլ Գունան պաշտոնապես ճանաչվել է Կարմիր ծովի ափին գտնվող ամենագրավիչ և էկոլոգիապես մաքուր քաղաքը: Orascom Development կառավարող ընկերությունը սերտորեն համագործակցում է հյուրանոցների, բիզնեսի սեփականատերերի, բնակիչների և հյուրերի հետ շրջակա միջավայրի պաշտպանության հարցերով։ Ներկայումս Էլ Գունայի 5 հյուրանոցներ են արժանացել Green Globe՝ «Կանաչ գնդակ» միջազգային մրցանակին (Movenpick Resort & Spa, Sheraton Miramar Resort, Steigenberger Golf Resort, Club Med El Gouna и Panorama Bungalows Resort)։

Էլ Գունան ինքնուրույն իրականացնում է շրջակա միջավայրի պաշտպանության ծրագրեր, որոնց մեջ առանձնահատուկ տեղ է զբաղեցնում քաղցրահամ ջրի օգտագործումը և թափոնների հեռացումը։ Քաղաքապետարանը աջակցում է գործող միջազգային օրենսդրությանը` կապված շինանյութերի հեռացման և թափոնների տարանջատման հետ:

Քաղաքն ունի Էկո-փառատոների ամենամյա ծրագիր, որը ներառում է կրթական սեմինարներ և ժամանցային միջոցառումներ՝ օգնելու մասնակիցներին սովորել, թե ինչպես գնահատել և պաշտպանել իրենց շրջապատող աշխարհը:

Կլիմա[խմբագրել | խմբագրել կոդը]

Կարմիր ծովի ափի այս հատվածում կլիման չափազանց բարենպաստ է և բարեխառն։ Ձմռանը միջին ջերմաստիճանը 17-ից 23 ° C է, իսկ ամռանը եղանակը չոր է, ջերմաստիճանը տատանվում է 27-ից 37 ° C: Ամռանը տեղումներ երբեք չեն լինում, իսկ ձմռանը՝ գրեթե երբեք (տարեկան 5 մմ տեղումներ): Ամռան ամիսներին եղանակը միշտ պարզ է, իսկ ձմռան ամիսներին հիմնականում պարզ է։

Էլ Գունաի կլիմայական տվյալները
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ Տարի
Միջին բարձր °C (°F) 21.3
(70.3)
22.6
(72.7)
24.9
(76.8)
28.5
(83.3)
31.8
(89.2)
34.1
(93.4)
34.8
(94.6)
34.8
(94.6)
32.6
(90.7)
30.2
(86.4)
26.6
(79.9)
22.7
(72.9)
28.74
(83.73)
Միջին օրական °C (°F) 15.3
(59.5)
16.3
(61.3)
18.8
(65.8)
22.4
(72.3)
25.8
(78.4)
28.6
(83.5)
29.6
(85.3)
29.6
(85.3)
27.7
(81.9)
24.9
(76.8)
20.8
(69.4)
16.8
(62.2)
23.05
(73.47)
Միջին ցածր °C (°F) 9.4
(48.9)
10.1
(50.2)
12.8
(55)
16.3
(61.3)
19.9
(67.8)
23.1
(73.6)
24.4
(75.9)
24.5
(76.1)
22.9
(73.2)
19.6
(67.3)
15
(59)
11
(52)
17.42
(63.36)
Տեղումներ մմ (դյույմ) 0
(0)
0
(0)
0
(0)
0
(0)
0
(0)
0
(0)
0
(0)
0
(0)
0
(0)
0
(0)
0
(0)
1
(0.04)
1
(0.04)
աղբյուր: Climate-Data.org[3]

ԶԼՄ - ները[խմբագրել | խմբագրել կոդը]

  • Ամսագիր El Gouna Magazine[4]
  • Հեռուստաալիք El Gouna TV[5]
  • Ռադիոկայան El Gouna Radio 100 FM[6]

Ծանոթագրություններ[խմբագրել | խմբագրել կոդը]

  1. «Orascom Development Management Team»։ Արխիվացված է օրիգինալից 2010-04-18-ին 
  2. Независимая спортивная газета. Интервью с Владимиром Кияшко: «Песок Эль-Гуна — золотой для России»
  3. «Climate: El Gouna - Climate graph, Temperature graph, Climate table»։ Climate-Data.org։ Վերցված է 18 August 2013 
  4. «El Gouna Magazine»։ Արխիվացված է օրիգինալից 2010-02-22-ին։ Վերցված է 2011-01-11 
  5. «El Gouna TV»։ Արխիվացված է օրիգինալից 2009-10-15-ին։ Վերցված է 2011-01-11 
  6. «El Gouna Radio online»։ Արխիվացված է օրիգինալից 2009-02-04-ին։ Վերցված է 2009-02-05 

Արտաքին հղումներ[խմբագրել | խմբագրել կոդը]