Ռիվիերա

Վիքիպեդիայից՝ ազատ հանրագիտարանից
Jump to navigation Jump to search
Ռիվիերա
Porquerolles.jpg
ՏեսակԾովափ
ԵրկիրFlag of France.svg Ֆրանսիա և Flag of Italy.svg Իտալիա
Կազմված էItalian Riviera? և Լազուր ափ

Ռիվիերա (իտալ.՝ Riviera), Միջերկրական ծովի առափնյա գոտի, տարածվում է Կաննից (Ֆրանսիա) մինչև Սպեցիա (ԻտալիաՌիվիերա-ն իտալերեն բառ է, որ նշանակում է ծովափ[1][2]: Ծագել է լիգուրիական բարբառի rivea-ից[3]: Սկզբնապես գործածվել է Լիգուրիական ծովի ափը նշելու համար: Ժամանակի ընթացքում այդ բառի իմաստն ընդլայնվել է, և ռիվիերան արդեն կիրառվում է՝ նշելու համար արևառատ, բնության բազմազանություն ունեցող և զբոսաշրջիկների շրջանում մեծ ժողովրդականություն վայելող ծովափ[1][2]: Ինչպես, օրինակ, ԱՄՆ-ում՝ Կալիֆոռնիական ռիվիերան (Սանտա Բարբարայի լողափը)[4] [5], Ֆլորիդայի ռիվիերան[6]:

Տարբերում են ֆրանսիական Ռիվիերա (Լազուր ափ) և իտալական Ռիվիերա, որը ենթաբաժանվում է արևմտյան (Ռիվիերա-դի Պոնենտե) և արևելյան (Ռիվիերա-դի Լևանտե) շրջանների։

Լազուր ափ, ծովափնյա լեռնային գոտի, Իտալիայի սահմանից դեպի արևելք, մինչև Ֆրեժյուս ծովածոցը։

Ամառը շոգ է, չոր (հուլիսի միջին ջերմաստիճանը 22-23 °C), ձմեռը՝ մեղմ, արևոտ (հունվարի միջին ջերմաստիճանը 7 °C), բուսականությունը հարուստ է, բազմազան։ Զարգացած են այգեգործությունը, խաղողագործությունը և ծաղկաբուծությունը։ Մինչև Առաջին համաշխարհային պատերազմը Լազուր ափը թոքերի տուբերկուլյոզով հիվանդների բուժման կենտրոն էր, 40-ական թվականներից այնտեղ բուժվում են նյարդային համակարգի ֆունկցիոնալ խանգարումներով, ճարպակալումով, շաքարախտով և այլ հիվանդություններով տառապողները։

Բուժիչ գործոններն են կլիմայաբուժությունը, ծովային լողը։ Հայտնի առողջարաններն են Նիցցան, Կաննը, Անթիբը, Մենտոնան։

Իտալական Ռիվիերայի ձմեռը մեղմ է (հունվարի միջին ջերմաստիճանը՝ 9,3-12 °C), ամառը՝ շոգ (հուլիսի միջին ջերմաստիճանը՝ 24 °C), տարեկան տեղումները՝ 500-700 մմ: 20-րդ դարի 50-ական թվականներից այստեղ հանգստանում են սակավարյունությամբ, նյարդային և այլ հիվանդություններով տառապողները (առողջացման շրջանում)։ Հայտնի առողջարաններն են Սան Ռեմոն, Իմպերիան, Ռապալլոն և այլն։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 «riviera»։ Chambers Concise Dictionary։ New Delhi: Allied Chambers։ 2004։ էջ 1045։ ISBN 9788186062364 
  2. 2,0 2,1 Kolb Martina (2013)։ Nietzsche, Freud, Benn, and the Azure Spell of Liguria։ Toronto, Ontario: University of Toronto Press։ էջ 30։ ISBN 978-1-4426-4329-1 
  3. Niccoli Alessandro (1970)։ «Riviera»։ Enciclopedia Dantesca (իտալերեն) 
  4. «Visit California»։ Visit California 
  5. «Visit Santa Barbara»։ Visit Santa Barbara 
  6. «Palm-filled paradise along America's Riviera»։ 2011 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png