Էլլիսոն Անդերս

Էլլիսոն Անդերս
Ծնվել է	նոյեմբերի 16, 1954(1954-11-16) (69 տարեկան)
Ծննդավայր	Աշլենդ, Բոյդ շրջան, Կենտուկի, ԱՄՆ
Կրթություն	UCLA թատրոնի, կինոյի և հեռուստատեսության դպրոց
Քաղաքացիություն	ԱՄՆ
Մասնագիտացում	սցենարիստ, կինոռեժիսոր, հեռուստառեժիսոր և ռեժիսոր
Պարգևներ	ՄակԱրթուրի կրթաթոշակ
IMDb	ID ID 0025978

Էլլիսոն Անդերս (անգլ.՝ Allison Anders, նոյեմբերի 16, 1954(1954-11-16), Աշլենդ, Բոյդ շրջան, Կենտուկի, ԱՄՆ)՝ կինոյի և հեռուստատեսության ամերիկացի ռեժիսոր, սցենարիստ։

Կենսագրություն

Երեխա տարիքում Անդերսը վերապրել է բազմաթիվ խնդիրներ ու դժվարություններ, որը հետագայում զգալիորեն ազդել է իր աշխատանքի վրա։ Հայրը լքել է ընտանիքը՝ մորն և չորս քույրերին թողնելով մենակ։ Տասներկու տարեկանում Էլլիսոնը դաժանորեն բռնաբարվել է։ Հետագայում 2001 թվականին նկարահանել է «Արևի այն կողմում» ֆիլմը, որի նկարահանումների մի մասը տեղի էր ունենում տանը, որտեղ դա տեղի է ունեցել։ Ֆիլմն առաջադրվել է «Էմմի» մրցանակի։

15 տարեկան հասակում Անդերսն ընտանիքի հետ տեղափոխվել է Լոս Անջելես։ Անդերսն ունեցել է հոգեկան խնդիրներ, և նրան տեղափոխել են հիվանդանոց, վերադառնալով նրան տեղափոխել են մանկատուն, որտեղից նա փախչել է և ինքնարգելակով ճանապարհորդել ամբողջ երկրում։ 17 տարեկանում Անդերսը Լոս Անջելեսում ավարտել է միջնակարգ դպրոցը և տեղափոխվել է Կենտուկի մի մարդու հետ, ով իր առաջին երեխայի հայրն էր։

18 տարեկանում Էլլիսոնը տեղափոխվել է Մեծ Բրիտանիա, իսկ այնտեղից վերադարձել է միայնակ մոր կարգավիճակում։ Հաստատվել է Կալիֆորնիայում, սկսել է աշխատել մատուցողուհի, ընդունվել է Կալիֆոռնիայի համալսարանի թատրոնի, կինոյի և հեռուստատեսության դպրոց Լոս Անջելեսում, որտեղ «Կորուսյալ խճուղի» սցենարի համար արժանացել է 20 հազար ԱՄՆ դոլարի։ Լինելով ուսանող՝ նա հիացած աշխատել է Վիմ Վենդերսի հետ և բազմաթիվ նամակների ու խնդրանքներից հետո նրան տեղափոխել վերցրել են որպես «Փարիզ, Տեխաս» ֆիլմի ռեժիսորի օգնական։ Նրա առաջին ֆիլմերից մեկը՝ «Բենզին, սնունդ, բնակարան», արժանացել է մի շարք անվանակարգերի և ակնհայտ ցույց է տվել Էլլիսոնի կինոնկարի և իրականության ներկայացման սեփական տեսակետի առկայությունը։

Ֆիլմագրություն

Տարի	Հայերեն անվանում	Պաշտոնական անվանում	Դեր
2015	Շրջադարձ։ Վաշինգտոնի Լրտեսներ	Turn: Washington's Spies	ռեժիսոր
2014—2016	Առաջին աստիճանի սպանություն	Murder in the First	ռեժիսոր (վեց սերիա)
2014	Բաժանում	The Divide	ռեժիսոր (մեկ սերիա)
2014	Քրեական կապեր	Gang Related	ռեժիսոր (մեկ սերիա)
2014	Նարնջագույն՝ սեզոնի հիթ	Orange Is the New Black	ռեժիսոր (մեկ սերիա)
2013	Կրակե մատանի	Ring of Fire	ռեժիսոր
2013	Մենտալիստը	The Red Barn	ռեժիսոր (մեկ սերիա)
2012	Strutter	Strutter	ռեժիսոր, սցենարիստ, պրոդյուսեր
2011	Սուտ	The Lie	դերասան
2011	A Crush on You	A Crush on You	ռեժիսոր
2011—2012	Հարավային Աֆրիկա	Southland	ռեժիսոր (երկու սերիա)
2010	American Grindhouse	American Grindhouse	դերասան
2006—2007	Ինչ վերաբերում է Բրայանին	What About Brian	ռեժիսոր (մեկ սերիա)
2004	Սառը գործ	Cold Case	ռեժիսոր (մեկ սերիա)
2002	Արձագանք	In the Echo	ռեժիսոր, սցենարիստ, պրոդյուսեր
2001	Արևի մյուս կողմում	Things Behind the Sun	ռեժիսոր, սցենարիստ
2000—2001	Գրոսը-Փոյնթ	Grosse Pointe	ռեժիսոր (երկու սերիա)
1999	Շաքարի քաղաք	Sugar Town	ռեժիսոր, սցենարիստ
1996	Ուրախությունը իմ սիրտում	Grace of My Heart	ռեժիսոր, սցենարիստ
1995	Չորս սենյակ	Four Rooms	ռեժիսոր, սցենարիստ
1993	Իմ խելահեղ կյանքը	Mi Vida Loca	ռեժիսոր, սցենարիստ
1992	Բենզին, սնունդ, բնակարան	Gas, Food Lodging	ռեժիսոր, սցենարիստ
1987	Սահմանամերձ ռադիո	Border Radio	ռեժիսոր, սցենարիստ
1987	Փարիզ, Տեխաս	Paris, Texas	Օգնական

Մրցանակներ

• Բեռլինի միջազգային կինոփառատոն (Internationale Filmfestspiele Berlin) 1992 թվական

Անվանակարգ՝ Ոսկե Արջ («Բենզին, սնունդ, բնակարան»)

• «Սանդենս»՝ անկախ կինոյի միջազգային կինոփառատոն 1992 թվական

Անվանակարգ՝ Գրան-պրի, «Դրամատիկ ֆիլմ» չափանիշով «(Բենզին, սնունդ, բնակարան»)

Արտաքին հղումներ

Էլլիսոն Անդերս Internet Movie Database-ում

Վիքիպահեստն ունի նյութեր, որոնք վերաբերում են «Էլլիսոն Անդերս» հոդվածին։