Էլիաս Հոու

Էլիաս Հոու; անգլ.՝ Elias Howe
Ծնվել է	հուլիսի 9, 1819
Ծննդավայր	Spencer, Վուստեր շրջան, Մասաչուսեթս, ԱՄՆ
Մահացել է	հունվարի 3, 1866 (46 տարեկան) կամ հոկտեմբերի 3, 1867 (48 տարեկան)
Մահվան վայր	Բրուքլին, Նյու Յորք, Նյու Յորք, ԱՄՆ
Գերեզման	Գրին-Վուդ գերզմանոց
Քաղաքացիություն	ԱՄՆ
Մասնագիտություն	գյուտարար և խառատ
Ծնողներ	հայր՝ Elias Howe?
Պարգևներ և ; մրցանակներ	Ազգային գյուտարարների փառքի սրահ
	Ստորագրություն;
	Elias Howe Վիքիպահեստում

Էլիաս Հոու (անգլ.՝ Elias Howe, անվան գրության այլ տարբերակներ՝ Էլիաս Հով, Էլիաս Հոուվ, Իլայես Հաու, հուլիսի 9, 1819(1819-07-09)^[1]^[2]^[3], Spencer, Վուստեր շրջան, Մասաչուսեթս, ԱՄՆ - հունվարի 3, 1866(1866-01-03) կամ հոկտեմբերի 3, 1867(1867-10-03)^[4], Բրուքլին, Նյու Յորք, Նյու Յորք, ԱՄՆ), ամերիկացի մեխանիկ և ձեռնարկատեր, կարի մեքենայի գյուտարարներից մեկը։

Կենսագրություն

Էլիաս Հոուն ծնվել է Սպենսեր քաղաքում, Մասաչուսեթս նահանգ, Վուսթեր քաղաքից 15 կմ հեռավորության վրա։

Հովն իր մանկությունն ու պատանեկությունն անցկացրել է Մասաչուսեթս քաղաքում, կրթություն է ստացել հյուսելու գործարանում, որտեղ այնուհետև աշխատել է որպես մեխանիկ վարպետ^[7]։

1845-ի ապրիլին Էլիաս Հոուն ստեղծել է իր կարի մեքենայի առաջին աշխատանքային տարբերակը։ 1846 թվականի սեպտեմբերի 10-ին նա ստացել է ԱՄՆ-ի #4750 արտոնագիրը՝ մեքենա մշակելու համար, օգտագործել է «լոքստիչ» տեսակի կար (փակ, մաքոքային կարիչ)։ Էլիաս Հոուն առաջինը չէր, որ հնարել և ստեղծել է կարի մեքենա, նրանից առաջ այս ոլորտում աշխատել են այնպիսի ճարտարագետներ, ինչպիսիք էին Բարթելեմ Թիմոնյեն և Ուոլթեր Հանթը, բայց հենց Հոուն էր, որն ստացել է առանցքային տեխնոլոգիաների արտոնագիրը։ Հոուի կարի մեքենան կարող էր մեկ րոպեի ընթացքում մինչև 300 կարի արագությամբ ուղիղ կարել, «Scientific American» ամսագիրը գյուտն անվանել է «արտասովոր»^[8]։

Հոուն չի կարողացել իր հայրենիքում կազմակերպել մեքենաների արտադրությունն ու վաճառքը և 1846 թվականին մեկնել է Անգլիա, որտեղ վաճառել է իր մեքենան օգտագործելու իրավունքները Ուիլյամ Թոմասին, որը կորսետներ, կոշիկներ և հովանոցներ արտադրող էր։ ԱՄՆ վերադառնալուց հետո Հոուն հայտնաբերել է, որ նման դիզայնի կարի մեքենաներ արդեն վաճառվում են, մասնավորապես, Այզեկ Զինգերի մեքենան կարծես Հոուի մեքենայի բարելավված տարբերակը լիներ։ Էլիասը դատի է տվել և 5 տարվա դատավարությունից հետո՝ 1854 թվականին, դատարանը ճանաչել է Հոուի գերակայությունը, մնացած արտադրողները ստիպված են եղել վճարել նրա հոնորարները։ Հոուն և Զինգերը ժամանակավորապես համատեղել են իրենց ակտիվները և ստացել են $ 5 յուրաքանչյուրը վաճառված կարի մեքենայի համար, բայց նրանց համագործակցությունը երկար չի տևել^[9]։

Քաղաքացիական պատերազմի ժամանակ՝ 1862 թվականի օգոստոսի 14-ից մինչև 1865 թվականի հուլիսի 19-ը, Էլիաս Հոուն որպես շարքային ծառայել է Միացյալ Նահանգների բանակում^[10]։

1865 թվականին Բրիջփորթ քաղաքում հիմնել է «Howe Machine Company» ընկերությունը, այս ապրանքանիշի կարի մեքենաներին 1867 թվականին շնորհվել է Փարիզի ցուցահանդեսի ոսկե մեդալ^[7]։

Էլիաս Հոուն մահացել է 1867 թվականին, 48 տարեկան հասակում։ Նրան թաղել են Նյու Յորքի Գրին Վուդ գերեզմանատանը։ Հոուն, ինչպես և նրա մրցակից Զինգերը, կյանքի վերջում դարձել են մուլտիմիլիոնատերներ^[11]։ 2004 թվականին Հոուին ներկայացրել են Ազգային գյուտարարների փառքի սրահում^[7]։

Հիշատակում զանգվածային մշակույթում

«Բիթլզ» խմբի «Help!» ֆիլմն ավարտվում է «Հարգանքով նվիրվում է Էլիաս Հոուին, որը 1846 թվականին հայտնագործեց կարի մեքենան» տողով^[12]։

Ծանոթագրություններ

↑ ^1,0 ^1,1 Encyclopædia Britannica
↑ ^2,0 ^2,1 Բրոքհաուզի հանրագիտարան (գերմ.)
↑ ^3,0 ^3,1 GeneaStar
↑ ^4,0 ^4,1 ^4,2 ^4,3 Find A Grave — 1996.
↑ ^5,0 ^5,1 Geni(բազմ․) — 2006.
↑ https://www.invent.org/inductees/elias-howe
↑ ^7,0 ^7,1 ^7,2 Elias Howe, National Inventors Hall of Fame Արխիվացված 2009-09-23 Wayback Machine
↑ Александр Бородецкий. История швейных машин: от Адама до Зингера
↑ «История создания корпорации «Зингер». Биография Исаака Меррита Зингера». Արխիվացված է օրիգինալից 2008 թ․ հոկտեմբերի 22-ին. Վերցված է 2008 թ․ սեպտեմբերի 8-ին.
↑ Pro Patria: Civil War monument of Connecticut Արխիվացված 2007-10-16 Wayback Machine
↑ Elias Howe, 19th Century Scientific American Online Արխիվացված 2007-03-20 Wayback Machine
↑ «Respectfully dedicated to Elias Howe who, in 1846, invented the sewing machine».

Արտաքին հղումներ

Վիքիպահեստն ունի նյութեր, որոնք վերաբերում են «Էլիաս Հոու» հոդվածին։

[_67cd77d1eb5ef5fa-1] 1,0 ^1,1 Encyclopædia Britannica

[_e29e5fa489ff188e-2] 2,0 ^2,1 Բրոքհաուզի հանրագիտարան (գերմ.)

[_894e23b5fe7d9e9c-3] 3,0 ^3,1 GeneaStar

[_d10f4e25ff3d7662-4] 4,0 ^4,1 ^4,2 ^4,3 Find A Grave — 1996.

[_a67b367d69bb5ada-5] 5,0 ^5,1 Geni(բազմ․) — 2006.

[_31c9c4d184d22f9b-6] ttps://www.invent.org/inductees/elias-howe

[nihf-7] 7,0 ^7,1 ^7,2 Elias Howe, National Inventors Hall of Fame Արխիվացված 2009-09-23 Wayback Machine

[8] Александр Бородецкий. История швейных машин: от Адама до Зингера

[9] «История создания корпорации «Зингер». Биография Исаака Меррита Зингера». Արխիվացված է օրիգինալից 2008 թ․ հոկտեմբերի 22-ին. Վերցված է 2008 թ․ սեպտեմբերի 8-ին.

[10] Pro Patria: Civil War monument of Connecticut Արխիվացված 2007-10-16 Wayback Machine

[11] Elias Howe, 19th Century Scientific American Online Արխիվացված 2007-03-20 Wayback Machine

[12] «Respectfully dedicated to Elias Howe who, in 1846, invented the sewing machine».

[1]

[2]

[3]

[4]

[5]

[6]

[7]

[8]

[9]

[10]

[11]

[12]