Էդուարդ Բորնհյոյե
 |
|
|---|---|
|
|
| Ծնվել է | փետրվարի 17, 1862 |
| Ծննդավայր | Լյաենե-Վիրումաա, Էստոնիա |
| Վախճանվել է | նոյեմբերի 17, 1923[1] (61 տարեկանում) |
| Վախճանի վայր | Տալլին, Էստոնիայի Հանրապետություն[1] |
| Մասնագիտություն | հեղինակ, սցենարիստ և գրող |
| Քաղաքացիություն |  Էստոնիա |
| Eduard Bornhöhe Վիքիպահեստում | |
Էդուարդ Բորնհյոյե ([b’ornhööe]), ծնված՝ Էդուարդ Բրունբերգ (փետրվարի 17, 1862, Լյաենե-Վիրումաա, Էստոնիա - նոյեմբերի 17, 1923[1], Տալլին, Էստոնիայի Հանրապետություն[1]), էստոնացի գրող, արձակագիր։
Էդուարդ Բորնհյոյեն համարվում է էստոնական գրականության մեջ պատմավեպի ժանրի հիմնադիրը, քանի որ նրա գործերի մեծամասնությունը ռոմանտիզմի ազդեցությունն ունեցող պատմա-արկածային պատմություններ են։
Կենսագրություն[խմբագրել | խմբագրել կոդը]
1872-1874 թթ. սովորել է Ռեվելում (Տալլին) Վ. Կենտմանի անվան տարրական դպրոցում, իսկ 1874-1877 թթ.՝ շրջանային դպրոցում։
Բորնհյոյեի կենսագրությունը հարուստ է աշատանքի վայրերի և այն քաղաքների ցանկով, որտեղ ապրել, աշխատել և եղել է ճանապարհորդությունների ժամանակ։ Հողաչափների գծագրող Սանկտ Պետերբուրգում և նույն վայրում ապրանքային ֆիրմայի աշակերտ, Կովնոյում (Կաունաս) ուսուցչի օգնական և գերմանական թերթի տալլինյան գործակից, Ստավրապոլում ուսուցիչ և տնային ուսուցիչ Մատսալու կալվածքում. ոչ մի տեղ նա երկար չէր մնում, կարծես թե հետաքրքրասիրությունը և ճանապարհորդության տենչը ձգում էին նրան առաջ։ Նա եղել է Թիֆլիսում (Թբիլիսի) և Փոքր Ասիայում, Գերմանիայում և Լեհաստանում, կատարել է ճանապահորդություն դեպի Պաղեստին, Եգիպտոս, Հունաստան, Իտալիա։ Արդեն բավականին հասուն տարիքում (1888 թ.) Բորնհյոյեն հանձնում է էքստեռն քննություններ և ընդունվում Տարտուի համալսարան (էստ․՝ Tartu Ülikool)՝ ուսումնասիրելու բանասիրություն, սակայն ստիպված էր թողնել ուսումը նյութական դժվարությունների պատճառով։ Եվ կրկին մասնագիտությունների շարանը՝ լրագրող և ծաղրանկարիչ Բեռլինում, թարգմանիչ Տալլինի շրջանային դատարանում, դիվանապահ։ Դատարանի հետ էր կապված նրա մնացած ողջ կյանքը. մահացել է Տալլինի հաշտարար դատավորի պաշտոնում։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 Борнхёэ Эдуард // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
|
||||||
