Զգեժ (լեհերեն՝ Zgierz), քաղաք Լեհաստանում՝ Լոձի վոևոդությունում։ Նույնանուն շրջանի վարչական կենտրոնն է։ Մտնում է Լոձի ագլոմերացիայի մեջ։ Գտնվում է Բզուրա գետի ափին;
Զգեժը քաղաքի կարգավիճակ է ստացել դեռևս 1288 թվականին և տարածաշրջանի հնագույն քաղաքներից մեկն է համարվում[2]։ Եղել է Լեհաստանի թագավորական քաղաքներից[3], 16-րդ դարում գտնվել Լեչիցա վոևոդության Լեչիցա գավառի կազմում[4]։
Երկրորդ համաշխարհային պատերազմի տարիներին գերմանացիների տիրապետության շրջանում վերանվանվել է Görnau: Աշխարհամարտի ավարտից տասնամյակներ անց դարձել է ապրելու համար ամենահարմար բնակավայրերից մեկը Լեհաստանում, այդտեղ բնակարաններ են ձեռք բերում նաև Լոձի արհեստավարժ մասնագետները։ Զգեժում է գտնվում «Նոր Գդինյա» խոշորագույն հանգստյան բազան, որտեղ կան մի քանի լողավազան, թենիսի դաշտեր, նիստերի դահլիճներ, հարմարավետ հյուրանոց։
Զգեժը զբաղեցնում է 42,33 քառակուսի կիլոմետր տարածք։ 2017 թվականի տվյալներով բնակչության թվաքանակը եղել է 56.690, խտությունը՝ 1349 մարդ յուրաքանչյուր քառակուսի կիլոմետրի վրա[5][5][6][6][7]։
Պատմական փաստաթղթերում հանդիպում են քաղաքի անվանման Zguyr, Sguir, Segey և Shegrz տարբերակները[8]։
↑|tytuł = Słownik geograficzny Królestwa Polskiego i innych krajów słowiańskich, Tom XIV - wynik wyszukiwania - DIR |data dostępu = 2019-12-13 |opublikowany = dir.icm.edu.pl |url = http://dir.icm.edu.pl/Slownik_geograficzny/Tom_XIV/576}}(չաշխատող հղում)