Երևանի Մուրացանի անվան թիվ 18 հիմնական դպրոց

Երևանի Մուրացանի անվան թիվ 18 հիմնական դպրոց;
Տեսակ	դպրոց
Հիմնադրված է	1932
Անվանված է	Մուրացան
Երկիր	Հայաստան
Տեղագրություն	Շենգավիթ վարչական շրջան
Հասցե	Երևան, Շենգավիթ վարչական շրջան, Բագրատունյաց 32
Կայք	school18.am

Երևանի Մուրացանի անվան թիվ 18 հիմնական դպրոց, հանրակրթական դպրոց Երևանի Շենգավիթ վարչական շրջանում։

Պատմություն

Դպրոցը հիմնադրվել է 1932 թվականին և հիմնադրման պահից կոչվել է հայ գրող Մուրացանի անունով։ Ի սկզբանե գործել է Թելմանի անվան թիվ 13 դպրոցի շենքում, այնուհետև տեղափոխվել է Վերին Շենգավիթի Կիրովի անվան թիվ 12 դպրոցի շրջակայքում գտնվող մեկհարկանի շենք։ Այդ ժամանակահատվածում դպրոցն ունեցել է 12 դասարան` 280 աշակերտներով։ 1949 թվականին դպրոցը տեղափոխվել է Թամանցիների փողոցում գտնվող մանկապարտեզի շենք, 1961 թվականին՝ Շենգավիթ վարչական շրջանի Բագրատունյաց 32 հասցեում գտնվող շենք^[1]։ Դպրոցում ուսուցանվում է 3 օտար լեզու՝ ռուսերեն, ֆրանսերեն, անգլերեն^[2]։