Գագիկ Վարդանյան (տնտեսագետ)

Վիքիպեդիայում կան հոդվածներ Վարդանյան ազգանունով այլ մարդկանց մասին։

Անվան այլ կիրառումների համար տե՛ս՝ Գագիկ Վարդանյան (այլ կիրառումներ)

Գագիկ Վարդանյան
Ծնվել է	սեպտեմբերի 25, 1955(1955-09-25) (69 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայկական ԽՍՀ և  Հայաստան
Կրթություն	Հայաստանի պետական տնտեսագիտական համալսարան
Գիտական աստիճան	տնտեսագիտության դոկտոր և պրոֆեսոր
Մասնագիտություն	տնտեսագետ
Աշխատավայր	Թիմ Տելեկոմ Արմենիա, Հայաստանի էկոնոմիկայի նախարարություն և Հայաստանի պետական տնտեսագիտական համալսարան
Կուսակցություն	ԽՄԿԿ՝ մինչև 1990թ, ՀՀԿ՝ Մինչև 2018 թ.

Գագիկ Իշխանի Վարդանյան (սեպտեմբերի 25, 1955(1955-09-25), Երևան, Հայկական ԽՍՀ, ԽՍՀՄ), հայ տնտեսագետ։ Տնտեսագիտական գիտությունների դոկտոր (2009), պրոֆեսոր (2012)։ Խորհրդային տնտեսագետ Նիկոլայ Կոնդրատևի մեծ տնտեսական պարբերաշրջանների տեսության («կոնդրատևյան ալիքներ», «Կոնդրատևի պարբերաշրջաններ») հիման վրա, հիմնավորել է գիտելիքի կուտակման «երկար ալիքների» գոյությունը։ Մշակել և տեսականորեն հիմնավորել է ՀՀ - ում գիտելիքահենք տնտեսության զարգացման կառուցակարգերը, այդ թվում՝ ՀՀ ազգային ինովացիոն համակարգի հայեցակարգային մոտեցումները։ Առաջարկել է տեխնոլոգիայի ազգային կլանող կարողության մոդել, ինչը հնարավորություն է ընձեռում հաշվարկելու տեխնոլոգիայի կլանող կարողության համաթիվը և երկրներն աստիճանակարգել ըստ այդ համաթվի։

Կրթություն

• 1962-1972 թթ. - սովորել և ավարտել է Երևանի Մուրացանի անվան դպրոցը։
• 1972-1974 թթ. - սովորել և ավարտել է Երևանի թիվ 2 տեխնիկական ուսումնարանը։
• 1974-1979 թթ. - սովորել և ավարտել է Երևանի ժողովրդական տնտեսության ինստիտուտը։
• Վերապատրաստվել է Մոսկվայում, Ճապոնիայում և Ֆրանսիայում։

Աշխատանքային գործունեությունը

• 1974-1976 թթ. - աշխատել է Ս. Մ. Կիրովի անվան քիմիական կոմբինատում որպես քի­միա­կան գործընթացների ապարատավար։
• 1979-1981 թթ. - ծառայել է Խորհրդային բանակում։
• 1981-1984 թթ. - աշխատել է ՀԽՍՀ պետական մատակարարման կոմիտեում։
• 1996-2007 թթ. - զբաղեցրել է պա­տաս­խանատու պաշտոններ «Հայագրոբանկում», «ԱրմենՏել» ՓԲԸ-ում, ՀՀ արդյունաբերության և առևտրի նախարարությունում, Հայաստանի Հանրապետության հարկային պետական ծառայությունում, Հայաստանի Հանրապետության առևտրաարդյունաբերական պալատում։
• 2002 թ. ՀՀ վարչապետի որոշմամբ նշանակվել է Հայաստանի Հանրապետության առևտրի և տնտեսական զարգացման նախարարի տեղակալ։
• 2006 թ. մարտի 21-ին ՀՀ վարչապետի որոշմամբ ազատվել է Հայաստանի Հանրապետության առևտրի և տնտեսական զարգացման նախարարի տեղակալի պաշտոնից։
• 2010-2011 թթ. - Հայաստանի պետական տնտեսագիտական համալսարանի մարքեթինգի ամբիոնի վարիչ։
• 2011-2019 թթ.- Հայաստանի պետական տնտեսագիտական համալսարանի պրոռեկտոր։
• 2022-2024 թթ․ Եվրասիա միջազգային համալսարանի Կառավարման և ՏՏ ամբիոնի պրոֆեսոր։
• 2023 թվականից՝ Երևանի պետական համալսարանի Տնտեսագիտության և կառավարման ֆակուլտետի Կառավարման և գործարարության ամբիոնի պրոֆեսոր։

Գիտական գործունեությունը

• 1979-1982 թթ. - սովորել և ավարտել է ԽՍՀՄ պետմատի գիտահետազոտական ինստիտուտի աս­պիրանտուրան (ք. Մոսկվա)։ Տնտեսագիտության թեկնա­ծու։
• 1984 թվականից - Երևանի ժողովրդական տնտեսության ինստիտուտի դասախոս։ Դոցենտ (1991)։
• 1992-1994 թթ. - սովորել և ավարտել է Երևանի ժողովրդական տնտեսության ինստիտուտի դոկտորանտուրան։ Տնտեսագիտության դոկտոր (2009, թեման՝ «Գիտելիքահենք տնտեսության ձևավորման հիմ­նախնդիրները Հայաստանի Հանրապետությունում»)։
• Ղեկավարել է գիտական թեմաներ ՀՀ ԳԱԱ տնտեսագիտության ինստիտուտում և Հայաստանի պետական տնտեսագիտական համալսարանում։
• Հեղինակել է շուրջ 60 գիտա­կան, ուսումնամեթոդական և հրապարակախոսական աշխատություններ, այդ թվում՝ 2 մենագրության՝ «Արդյունաբերական ձեռ­­նարկությունների էկոնոմիկան այսօր և վաղը» (ռուսերեն) և «Գիտե­լիքահենք տնտե­սություն. հնարավորություններ և մարտահրավերներ»։
• 015 մասնագիտական խորհրդի անդամ է․
• Ներկայացրել է զեկույցներ ՄԱԿ և ՀԲ կազմակերպած տարբեր միջազգային գիտաժողովներում և համաժողովներում։

Ամուսնացած է, ունի երկու որդի։