Եղրևանի հունգարական

Վիքիպեդիայից՝ ազատ հանրագիտարանից
Jump to navigation Jump to search
Եղրևանի հունգարական
Եղրևանի հունգարական
Եղրևանի հունգարական
Դասակարգում
Թագավորություն  Բույսեր (Plantae)
Ենթատիպ Սերմնավոր բույսեր (Spermatophytina)
Կարգ Խուլեղինջածաղկավորներ (Lamiales)
Ընտանիք Ձիթենազգիներ (Oleaceae)
Տրիբա Oleeae
Ենթատրիբա Ligustrinae
Ցեղ Եղրևանի (Syringa)
Տեսակ Եղրևանի հունգարական (S. josikaea)
Միջազգային անվանում
Syringa josikaea
Կարգավիճակ
Հատուկ պահպանության կարգավիճակ՝ Status iucn3.1 EN hy.svg
Վտանգված տեսակ

Եղրևանի հունգարական (լատ.՝ Տ. josikaea Jacg. f.), Ձիթազգիներ ընտանիքի, Եղրևանի ցեղի բույս։

Նկարագրություն[խմբագրել | խմբագրել կոդը]

Թուփ է' մինչև 5 մ բարձրությամբ, ուղղաձիգ, դարչնամոխրագույն ճյուղերով։ Երիտասարդ ընձյուղները մուգ կանաչ են, միամյաները' թավոտ, մոխրակարմրավուն։ Բողբոջները քառանկյուն են, սրածայր, կարմրագորշավուն, մինչև 1 սմ երկարությամբ։ Տերևները լայն էլիպսաձև են, երկարավուն էլիպսաձև, երբեմն' ձվաձև, 5—14 սմ երկարությամբ, 2,5—8,5 սմ լայնությամբ, սրածայր, սեպաձև կամ կլորավուն հիմքով, թարթիչաեզր, վերևի կողմից' մուգ կանաչ, մերկ, փայլուն, ներքևի կողմից' կապտավուն, մերկ փողրակավոր, ծիրանամանուշակագույն տերևակոթուններով և ծաղկակոթուններով։ Ծաղկաբույլերը գագաթնային են, միայնակ, 10—22 սմ երկարությամբ, ուղղաձիգ, լայն բրգաձև։ Ծաղիկները բաց կապտակարմրավուն են, բուրումնավետ։ Բաժակը զանգակաձև է, աղվամազապատ, կարճ, սուր ատամիկներով։ Պսակի խողովակը ձագարաձև է' 1 —1,5 սմ երկարությամբ։ Պսակաթերթիկները ձվաձև են։ Տուփիկը գլանաձև է, սրածայր, մերկ։ Սերմերը կարմրագորշավուն են, նեղ թևիկներով։ Ծաղկում է մայիս-հունիս ամիսներին (սովորական եղրևանուց 5—1 2 օր հետո)։ Ծաղկումը տևում է 1 0—25 օր։ Պտղաբերում է հուլիս-օգոստոսին։ Չափազանց ցրտադիմացկուն և երաշտադիմացկուն է, մեծ քանակությամբ արմատային մացառներ է տալիս։ Առատ է ծաղկում։

Տարածվածություն[խմբագրել | խմբագրել կոդը]

Տարածված է Կարպատներում, Տրանսիլվանիայում, գետահովիտներում և լեռների արևոտ լանջերում, ծ. մ. 500—700 մ բարձրությունների վրա։

Մեր հանրապետությունում լայնորեն տարածված է[1]:

Ծանոթագրություններ[խմբագրել | խմբագրել կոդը]

  1. Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 2, Երևան, «Լույս հրատարակչություն», 1985, էջ 248։