Եգեյան ծովի երկրաշարժ (2020)

Վիքիպեդիայից՝ ազատ հանրագիտարանից
Jump to navigation Jump to search
##Եգեյան ծովի երկրաշարժ (2020) (Թուրքիա)
Bullseye1.png
Երկրաշարժի էպիկենտրոնը ցույց տվող քարտեզ
2020-10-30 Néon Karlovásion, Greece M7 earthquake intensity map (USGS).jpg
Տեսակերկրաշարժ
ԵրկիրFlag of Turkey.svg Թուրքիա
Տարեթիվհոկտեմբերի 30, 2020
Մագնիտուդ ռիխտերի սանդղակով7.0
Հիպոկենտրոնի
խորություն
21.0 կմ
ՑունամիԱյո
Զոհվածներ116[1]
Վիրավորներ1035[2]

Եգեյան ծովի 2020 թվականի եկրաշարժ 7.0 մագնիտուդով երկրաշարժ, որը տեղի է ունեցել 2020 թվականի հոկտեմբերի 30-ին, մոտավորապես 14 կմ Հունաստանի Սամոս կղզուց հյուսիս-արևելք։ Երկրաշարժի արդյունքում շատ շենքեր վնասվել կամ փլուզվել են. Հունաստանի Կառլովասի նահանգի Մարիամ Աստվածածին եկեղեցին մասամբ փլուզվել է, իսկ երկրաշարժից մեծապես տուժած Թուրքիայի Իզմիր քաղաքում տասնյակ շենքեր կամ վնասվել են, կամ ամբողջությամբ փլվել։ Երկու երկրների արտակարգ ծառայությունները անմիջապես ժամանել են դեպքի վայր, քանի որ փրկարարական աշխատանքները շարունակվել են մինչև ուշ գիշեր։ Հունաստանում մահացել է 2 մարդ, ևս 19-ը ստացել են թեթև վնասվածքներ։ Թուրքիայում 111 մարդ է զոհվել, ևս 1035-ը վիրավորվել են։

Երկրաշարժ[խմբագրել | խմբագրել կոդը]

Երկրաշարժը տեղի է ունեցել երկրի ընդերքի ոչ մեծ խորության վրա, Էգեյան ծովի արևելյան մասում ՝ Եվրասիական տեկտոնական սալիկի սահմաններում, մոտավորապես 250 կմ հյուսիս ՝ գլխավոր սալիկի մոտակա սահմանից, որտեղ աֆրիկյան սալիկը դեպի հյուսիս է շարժվում մոտավորապես 10 մմ/տարի արագությամբ ՝ Եվրասիայի նկատմամբ[3]։ Երկրաշարժից հետո Թուրքիայում տեղի է ունեցել 114 հետցնցում։

Վնաս[խմբագրել | խմբագրել կոդը]

Ի սկզբանե, Թուրքիայի ներքին գործերի նախարար Սուլեյման Սոյլուն հայտարարել է, որ Իզմիրում ոչնչացվել է առնվազն վեց շենք, բայց քաղաքի քաղաքապետ Թունչ Սոյերը ավերված շենքերի թիվը մոտեցրել է 20-ի։ Հունական իշխանությունները Սամոսից հայտարարել են, որ չնայած կղզու ողջ տարածքում շենքեր են վնասվել, բայց ամենաշատ վնասը կրել է Կառլովասին[4] որտեղ մեծ եկեղեցին մասամբ փլվել է։ Էգեյան ծովի 2017 թվականի երկրաշարժից հետո առաջին անգամն է, որ Հունաստանում երկրաշարժից կան մահեր[5]։ Բազմաթիվ շենքեր փլուզվել են Իզմիրի Բայրաքլի և Բորնովա շրջաններում։

Փրկարարական գործողություն[խմբագրել | խմբագրել կոդը]

Երկրաշարժից անմիջապես հետո Թուրքիայի առողջապահության նախարար Ֆահրեթթին Կոջան հայտարարել է, որ դեպքի վայր են ժամանել շտապ օգնության մոտ 40 մեքենաներ, 35 վթարափրկարարական բրիգադներ և շտապ օգնության երկու ուղղաթիռ[6]։ Թուրքական Կարմիր կիսալուսինը անմիջապես տեղակայել է վեց քաղաքների խմբեր՝ երկրաշարժից տուժածներին սնունդ ապահովելու համար[7]։ Իզմիրի առնվազն 13 շենքերի հետ կապված փրկարարական աշխատանքներում ներգրավված են եղել ավելի քան 1200 աշխատողներ[8]։ Թուրքական իշխանությունները հայտարարել են, որ 70 մարդ փրկվել է, տեղական իշխանությունները վրաններ են տեղադրել գիշերը մոտ 2000 մարդու տեղավորելու համար։

Զոհեր[խմբագրել | խմբագրել կոդը]

Հոկտեմբերի 30-ի դրությամբ Հունաստանում 2 մարդ զոհվել, ևս 10-ը վիրավորվել են, իսկ Թուրքիայում 20 մարդ զոհվել, ևս 786-ը վիրավորվել են։

Միջազգային արձագանքներ[խմբագրել | խմբագրել կոդը]

Ադրբեջանը[9], Ֆրանսիան[10], և Իսրայելը[11] իրենց աջակցությունն են առաջարկել տուժած երկրներին։ Դրան հաջորդել են ՆԱՏՕ-ն և Եվրոպական միությունը[12]։

Թուրքիայի նախագահ Ռեջեփ Թայիփ Էրդողանը և Հունաստանի վարչապետ Կիրիակոս Միցոտակիսը համատեղ հայտարարությամբ են հանդես եկել երկրաշարժից հետո և հայտարարել են միմյանց օգնելու պատրաստակամության մասին[13]։

Ծանոթագրություններ[խմբագրել | խմբագրել կոդը]

  1. https://www.ekathimerini.com/258812/article/ekathimerini/news/aegean-quake-toll-rises-to-116-as-turkey-ends-search
  2. https://www.afad.gov.tr/izmir-seferihisar-depremi-duyuru-62-03112020---2355
  3. «M 7.0 - 14 km NE of Néon Karlovásion, Greece»։ Earthquake։ Վերցված է 2020-10-30 
  4. Liakos Chris, Labropoulou Elinda (30 October 2020)։ «Minor injuries and building damage reported on Greek island»։ CNN (անգլերեն)։ Վերցված է 30 October 2020 
  5. Labropoulou Elinda (30 October 2020)։ «Buildings damaged on Greek island of Samos»։ CNN (անգլերեն)։ Վերցված է 30 October 2020 
  6. Akyavas Aziz, Smith Saphora, Mulligan Matthew (30 October 2020)։ «Strong quake hits coastal Turkey and Greece, killing at least 6 and injuring over 200»։ Reuters։ Վերցված է 30 October 2020 
  7. «Turkish Red Crescent mobilizes food assistance teams»։ CNN (թուրքերեն)։ 30 October 2020։ Վերցված է 30 October 2020 
  8. «Powerful Quake in Aegean Sea Leaves 6 Dead; Buildings Toppled in Turkey, Greece»։ Voice of America (անգլերեն)։ 30 October 2020։ Վերցված է 30 October 2020 
  9. «Azerbaycan Cumhurbaşkanı Aliyev'den Başkan Erdoğan'a "yardıma hazırız" telefonu»։ Takvim (թուրքերեն)։ 30 October 2020։ Վերցված է 30 October 2020 
  10. Duncan Conrad (30 October 2020)։ «Greece-Turkey earthquake: At least four dead after huge 7.0-magnitude tremor felt across both countries»։ The Independent (անգլերեն)։ Վերցված է 30 October 2020 
  11. J. Frantzman Seth, Jean Celia (30 October 2020)։ «Following earthquake in Turkey, IDF offers to send aid»։ The Jerusalem Post (անգլերեն)։ Վերցված է 30 October 2020 
  12. «Turkey-Greece earthquake: Children among 12 dead after powerful tremor hits in the Aegean Sea»։ Euronews (անգլերեն)։ 30 October 2020։ Վերցված է 30 October 2020 
  13. «Erdoğan'dan Miçotakis'e: Türkiye Yunanistan'a her türlü yardıma hazır»։ euronews (թուրքերեն)։ 2020-10-30։ Վերցված է 2020-10-31