Դևիս Ստյուարտ
Դևիս Ստյուարտ | |
|---|---|
.jpg) | |
| Ծնվել է | դեկտեմբերի 7, 1892[1][2] |
| Ծննդավայր | Ֆիլադելֆիա, Փենսիլվանիա, ԱՄՆ |
| Վախճանվել է | հունիսի 24, 1964[3][4][5][1][2][6] (71 տարեկանում) |
| Մահվան վայր | Նյու Յորք, Նյու Յորք, ԱՄՆ |
| Քաղաքացիություն | ԱՄՆ[7] |
| Մասնագիտություն | նկարիչ և նկարիչ |
| Ոճ | American modernism? |
| Ժանր | պրեցիզիոնիզմ |
| Թեմաներ | գեղանկարչություն |
| Ուսուցիչ | Ռոբերտ Հենրի |
| Պարգևներ | Գուգենհայմի կրթաթոշակ |
| Stuart Davis (painter) Վիքիպահեստում | |
Դևիս Ստյուարտ (անգլ.՝ Stuart Davis դեկտեմբերի 7, 1892[1][2], Ֆիլադելֆիա, Փենսիլվանիա, ԱՄՆ - հունիսի 24, 1964[3][4][5][1][2][6], Նյու Յորք, Նյու Յորք, ԱՄՆ), ամերիկացի նկարիչ, կուբիզմի և գեղանկարչության մեջ փոփ արտի ներկայացուցիչ:
Բովանդակություն
Կյանք և ստեղծագործություն[խմբագրել | խմբագրել կոդը]
Նկարչի հայրը` Էդվարդ Դ. Դևիսը, «Ֆիլադելֆիա Պրեսի» մշակույթի բաժնի պատասխանատու խմբագիրն էր և սերտ համագործակցել է վրձնի այնպիսի վարպետների հետ, ինչպիսիք են Ջոն Սլոյնը, Ջորջ Լաքսը, Ռոբերտ Հենրին և Վիլյամ Գլակենսը: Ստյուարտը 1910-1913 թվականներին գեղանկարչություն է սովորել Նյու Յորքում, Ռոբերտ Հենրիի արվեստի դպրոցում:
Հենց այդ ժամանակ երիտասարդ նկարիչը ընկնում է «hot music»-ի ուժեղ ազդեցության տակ և հաճախակի այցելում է Սան Խուան Հիլում գտնվող ջազային բարեր: Հենց այդ տպավորությունները դառնում են նրա այդ ժամանակվա ստեղծագործական կյանքի հիմնական թեման: 1913 թվականին իր մի քանի նկարներով մասնակցում է ժամանակակից արվեստի Էրմորի ցուցահանդեսին, որը տեղի է ունեցել Նյու Յորքում: Դևիս Ստյուարտը եղել է ցուցադրության ամենաերիտասարդ մասնակիցը: Հաջորդ տարիներին համագործակցել է «Հափրես Ուիքլի» ամսագրի հետ` դրա համար տիտղոսաթերթեր ստեղծելով: 1917 թվականին կայացել է նրա առաջին անհատական ցուցահանդեսը Շերիդեն Սքուեր պատկերասրահում (Նյու Յորք): 1927-1928 թվականներին ճամփորդել է դեպի Մեքսիկա և Փարիզ: 1931 թվականին դասավանդել է Արվեստի ուսանողական լիգայում (Art Students League): Հաջորդ տարի որմնանկար է արել քաղաքային Ռադիո Մյուզիք հոլում: 1940 թվականից հետո դասավանդել է Սոցիոլոգիական հետազոտությունների նոր դպրոցում: 1945 թվականին Նյու Յորքի Ժամանակակից արվեստի թանգարանում կազմակերպվել է Դևիսի աշխատանքների հետահայաց ցուցադրություն: 1956 թվականին մասնակցել է Վենետիկի բիենալեին: Մինչև կյանքի վերջը Դևիս Ստյուարտն ապրել և ստեղծագործել է Նյու Յորքում:
Պատկերասրահ[խմբագրել | խմբագրել կոդը]
«Ավտոտնակ №. 1», 1917
«Ծառը և սափորը», 1921
«Լաքի Սթրեյք», 1921
«Զանգակատունը և փողոցը», 1922
Գրականություն[խմբագրել | խմբագրել կոդը]
- Sam Hunter «Amerikanische Avantgarde», Herrsching 1988.
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 SNAC — 2010.
- ↑ 2,0 2,1 2,2 2,3 2,4 Find A Grave — 1995. — ed. size: 165000000
- ↑ 3,0 3,1 3,2 data.bnf.fr: տվյալների բաց շտեմարան — 2011.
- ↑ 4,0 4,1 4,2 Stuart Davis
- ↑ 5,0 5,1 5,2 Stuart Davis — 2006. — ISBN 978-0-19-977378-7, 978-0-19-989991-3
- ↑ 6,0 6,1 6,2 Store norske leksikon — 1978.
- ↑ Museum of Modern Art online collection
