Դոնի ռազմապատմական թանգարան

Վիքիպեդիայից՝ ազատ հանրագիտարանից
Դոնի ռազմապատմական թանգարան
Տեսակթանգարան
Երկիր Ռուսաստան
ՏեղագրությունԴոնի Ռոստով և Նեդվիգովկա (Մյասնիկովի շրջան)
ՀասցեԲուդյոննու պողոտա
Հիմնադրվել է2006
Քարտեզ
Քարտեզ

Դոնի ռազմապատմական թանգարան (ռուս.՝ Донской военно-исторический музей), ռազմական պատմության թանգարան։ Գտնվում է Ռուսաստանի Դաշնության Դոնի Ռոստով քաղաքում և Ռոստովի մարզի Մյասնիկովի շրջանի Նեդվիգովկա գյուղում։

Պատմություն[խմբագրել | խմբագրել կոդը]

Գերմանական թեթև հետևակային 7,5-սանտիմետրանոց le.I.G.18 թնդանոթ

Ռոստովի ռազմական պատմության թանգարանը ստեղծվել է 2006 թվականին այցելուներին Ռուսաստանի բանակի պատմությանը և պետության կյանքում նրա ունեցած դերին ծանոթացնելու նպատակով։ Թանգարանում ներկայացված են մեծ քանակությամբ հրաձգային զենք, ավտոմոբիլային տեխնիկա, տանկեր և Դոնի շրջանի ռազմական պատմությանն առնչվող այլ ցուցանմուշներ։ Թանգարանն իրականացնում է Առաջին և Երկրորդ համաշխարհային պատերազմների, թաթար-մոնղոլական ներխուժման ժամանակների և այլ իրադարձությունների վերականգնվածքները։

Դոնի Ռոստովի թանգարանի ծածկած հատվածի ցուցադրությունում ներկայացված են զորավարների լուսանկարներ, զինվորական հագուստ, կենցաղային իրեր, հանդերձանքի տարրեր և տարբեր ժամանակների ռուս զինվորի գույք։ Ցուցանմուշների թվում են մուշկետներ, ատրճանակներ, ինքնաձիգներ, հրացաններ, գնդացիրներ, ականանետներ, թրեր, սուսերներ, նռնակներ և ռազմական տեխնիկայի տարբեր տեսակի մեծ քանակություն։

Թանգարանի բացօթյա ցուցադրությունում, որը գտնվում է Ռոստովից 20 կմ հեռավորության վրա՝ Նեդվիգովկա գյուղում, ներկայացված է խոշոր ռազմական տեխնիկա[1]։ Այստեղ նաև կառուցված են հանգարներ, ներկայացված է հինավուրց ռազմական ամրոցի մանրակերտը։

Բաց երկնքի տակ և հանգարներում կարելի է տեսնել խոշորաչափ տեխնիկայի հազվագյուտ նմուշներ, այդ թվում՝ տանկեր, զրահամեքենաներ, Կարմիր խաչի ավտոմեքենաներ, ականապատված դաշտերի ականազերծման մեքենաներ, տրանսպորտի տարբեր տեսակներ (ԳԱԶ-Մ1 ֆայտոն, ԳԱԶ-67բ, ԶԻՍ-5, Stoewer R200 Kfz 4, բեռնատար L2H143), Երկրորդ Համաշխարհային պատերազմի շրջանի Խորհրդային Միության (գվարդիական Կատյուշա ԲՄ-13Ն ականանետ), Գերմանիայի (75 մմ թեթև հետևակային 7,5-սանտիմետրանոց le.I.G.18 թնդանոթ) և ԱՄՆ-ի հրետանային սպառազինություն։ Գործող ռազմական տեխնիկան մասնակցում է ռազմական շքերթներին։

Թանգարանի աշխատակիցները նկարահանում են պատմափաստագրական ֆիլմեր։ Դրանց թվում են՝ «43-ի փետրվար։ Ռոստովի ազատագրումը», «Միուս-ճակատի ճեղքումը», «Հայրենիքի Վահանը և Սուրը» և այլն։

Արտաքին հղումներ[խմբագրել | խմբագրել կոդը]

Արտաքին պատկերներ
Դոնի ռազմապատմական թանգարան

Ծանոթագրություններ[խմբագրել | խմբագրել կոդը]