Դիքսի Քարթեր

Դիքսի Քարթեր
Դիքսի Քարթեր
Ծննդյան թիվ՝	մայիսի 25, 1939
Ծննդավայր՝	McLemoresville, Քարոլ շրջան, Թենեսի, ԱՄՆ
Վախճանի թիվ՝	ապրիլի 10, 2010[…] (70 տարեկան)
Վախճանի վայր՝	Հյուստոն, Տեխաս, ԱՄՆ
Քաղաքացիություն՝	ԱՄՆ
Մասնագիտություն՝	դերասանուհի, երգչուհի, թատրոնի դերասանուհի, հեռուստատեսային դերասանուհի, կինոդերասանուհի և ձայնային դերասանուհի
Պարգևներ՝	Թատերական համաշխարհային մրցանակ
IMDb։	ID 0141581
dixiecarter.com

Դիքսի Վիրջինյա Քարթեր (անգլ.՝ Dixie Virginia Carter. մայիսի 25, 1939(1939-05-25)^[1]^[2]^[3], McLemoresville, Քարոլ շրջան, Թենեսի, ԱՄՆ - ապրիլի 10, 2010(2010-04-10)^[4]^[1]^[2]^[…], Հյուստոն, Տեխաս, ԱՄՆ), ամերիկյան դերասանուհի, ով երկու անգամ առաջադրվել է Էմմիի մրցանակի։

Կենսագրություն

Մանկությունն ու պատանեկությունն անցկացրել է Մեմֆիսում, սովորել է Թենեսիի համալսարանում (Նոքսվիլ) և Հարավարևմտյան քոլեջում (ներկայումս՝ Մեմֆիսի Ռոդս քոլեջ)։ Ավարտել է համալսարանը՝ ստանալով անգլերենի մասնագետի որակավորում։ Նա խորացել է նաև դասական վոկալում, բացի այդ՝ սովորել է դաշնամուր, շեփոր և հարմոնիկա նվագել։

Դերասանական արվեստի ասպարեզում նա իր նորամուտը նշել է 1960 թվականին Ջուլիա Ջորդանի դերում՝ Քոուլ Փորթերի Կարուսել պիեսի բեմադրության մեջ։ 1963 թվականին Դիքսին տեղափոխվել է Նյու Յորք, որտեղ հանդես է եկել Ջոզեֆ Փապի բեմադրած շեքսպիրյան «Ձմեռային հեքիաթ»-ում։ Այնուհետև նա խաղացել է Բրոդվեյի բազմաթիվ մյուզիքլներում ու պիեսներում։

Սկսնակ դերասանուհին որոշ ժամանակ անց ամուսնացել է գործարար Արթուր Քարթերի հետ, ունեցել երկու դուստր, որոնց մեծացնելուն ութ տարի է նվիրել։ Դրանից հետո երբ փորձել է 35 տարեկանում վերադառնալ բեմ, ոչ մի գործակալ չի ցանկացել գործ բռնել հղիության արձակուրդում չափազանց երկար գտնված, մասնագիտական աշխատանքից տևական ժամանակ կտրված դերասանուհու հետ։

Նրա՝ այդ շրջանի առավել ուշագրավ աշխատանքը շրջանային դատախազի տեղակալ Օլիվիա Բրանդեյսի դերն է «Գիշերվա շեմին» հեռուստասերիալում։ 1970-ականների վերջերին Դիքսին Նյու Յորքից տեղափոխվել է Լոս Անջելես, որտեղ խաղացել է «Իրենք իրենցով» և «Ամպրոպ՝ պարզ երկնքում» հեռուստասերիալներում։

1983 թվականին նրան հաջողություն, լայն ճանաչում ու համբավ է բերել «Անամոթաբար հարուստ» հեռուստասերիալում պլանտացիայի տիրոջ ամբարտավան կնոջ՝ Կառլոտա Բեքի կերպարի տպավորիչ մարմնավորումը։ 1984-1985 թվականներին հանդես է եկել «Զանազան քայլեր» սերիալի գլխավոր հերոսուհու դերում։

Քարթերի հեռուստատեսային կարիերայի գագաթնակետը հանդիսացել է 1986-1993 թվականներին ԱՄՆ-ի էկրաններին ցուցադրված «Արարելով կին» սիթքոմում փաստաբան Ջուլիա Շուգարբեյքերի դերի կատարումը։ Նրա դերասանական հիշարժան աշխատանքներից է նաև «Հուսահատ տնային տնտեսուհիները» հեռուստասերիալում Օրսոն Հոջի մոր՝ Գլորիայի կերպարի մարմնավորումը, որի համար 2007 թվականին առաջադրվել է «Էմմի» մրցանակի։

2010 թվականի սկզբին Դիքսի Քարթերի մոտ քաղցկեղ է ախտորոշվել, և նույն թվականի ապրիլի 10-ին նա մահացել է^[6] ։

Ֆիլմագրություն

Տարի		Հայերեն անվանում	Բնօրինակ անվանում	Դեր
2009	ֆ	Իրիկվա արևը	That Evening Sun	Էլեն Միչամ
2008	հֆ	Մեր առաջին Սուրբ ծնունդը	Our First Christmas	Իվի
2004	հֆ	Սադբրի	Sudbury	Սադբրի
2006-2007	ս	Հուսահատ տնային տնտեսուհիները	Desperate Housewives	Գլորիա Հոջ
2003	հֆ	Հարմարավետություն ու բերկրանք	Comfort and Joy	Ֆրեդերիկա
2005	ս	Հույս ու հավատ	Hope & Faith	Ջոյս Շանովսկի
2001	ֆ	Նշանակալից օր	The Big Day	Քերոլ
2000	ֆ	Սանտա Քլաուսի արկածները	The Life & Adventures of Santa Claus	Նեսիլ
2004-2004	ս	Օրենք ու կարգ. Հատուկ կորպուս	Law & Order: Special Victims Unit	Դենիս Բրոքմորտոն
1999-2002	ս	Ընտանեկան օրեն	Family Law	Ռենդի Քինգ
1999	ֆ	Մեր հարևան Յամադաները	Houhokekyo tonari no Yamada-kun	дополнительные голоса
1996	հֆ	Գիշերով անհետացածը	Gone in the Night	Էնն Դաուլիբի
1995	հֆ	Թովչուհին	Dazzle	Լիդի Քիլքալեն
1994	հֆ	Խաղամոլ V	Gambler V: Playing for Keeps	Լիլի Լանգթրայ
1994	հֆ		A Perry Mason Mystery: The Case of the Lethal Lifestyle	Լուիզ Արչեր
1994	ս	Քրիստի	Christy	Ջուլիա
1995	ս	Ախտորոշումը՝ սպանություն	Diagnosis Murder	Փաթրիշա
1986-1993	ս	Արարելով կին	Designing Women	Ջուլիա
1986	ս	Աղվեսի պես գժված	Crazy Like a Fox
1983	ֆ	Խելքը թռցրած	Going Berserk	Էնջել
1982	ս	Բրեթ Մավերիկ	Bret Maverick	Հոլլի
1982	ս	Ամերիկյան մեծագույն հերոսը	The Greatest American Hero	Սամանթա
1981	հֆ	Սպանել Ռենդի Ուեբսթերին	The Killing of Randy Webster	Բիլլի Ուեբսթեր
1980	հֆ	Նորին մեծության գաղտնի ծառայությունում	O.H.M.S.	Նորա Ուինգ
1984-1985	ս	Զանազան քայլեր	Diff'rent Strokes	Մեգգի
1982	ս	Լու Գրանթ	Lou Grant	Ջեսիկա
1963	ս	Բժիշկներ	The Doctors	неизвестная роль
1956	ս	Գիշերվա շեմին	The Edge of Night	օգնականուհի

Ծանոթագրություններ

↑ ^1,0 ^1,1 ^1,2 ^1,3 ^1,4 Internet Broadway Database — 2000.
↑ ^2,0 ^2,1 ^2,2 ^2,3 ^2,4 Discogs — 2000.
↑ ^3,0 ^3,1 GeneaStar
↑ ^4,0 ^4,1 ^4,2 Dixie Carter, TV Actress, Dies at 70 // The New York Times / J. Kahn — Manhattan: New York Times Company, A. G. Sulzberger, 2010. — ISSN 0362-4331; 1553-8095; 1542-667X
↑ Theatre World Award Recipients — Theatre World Award.
↑ «Notice of Dixie Carter's death». Արխիվացված օրիգինալից 2013 թ․ դեկտեմբերի 29-ին. Վերցված է 2012 թ․ հունիսի 5-ին.

Արտաքին հղումներ

Դիքսի Քարթեր Internet Movie Database կայքում
Պաշտոնական կայք Արխիվացված 2010-04-21 Wayback Machine

Վիքիպահեստն ունի նյութեր, որոնք վերաբերում են «Դիքսի Քարթեր» հոդվածին։

[_b9d9c273d29f9268-1] 1,0 ^1,1 ^1,2 ^1,3 ^1,4 Internet Broadway Database — 2000.

[_693b94c8d30bc9a7-2] 2,0 ^2,1 ^2,2 ^2,3 ^2,4 Discogs — 2000.

[_2060805055618561-3] 3,0 ^3,1 GeneaStar

[_915273f0d1879849-4] 4,0 ^4,1 ^4,2 Dixie Carter, TV Actress, Dies at 70 // The New York Times / J. Kahn — Manhattan: New York Times Company, A. G. Sulzberger, 2010. — ISSN 0362-4331; 1553-8095; 1542-667X

[_ec74aa034370376e-5] Theatre World Award Recipients — Theatre World Award.

[6] «Notice of Dixie Carter's death». Արխիվացված օրիգինալից 2013 թ․ դեկտեմբերի 29-ին. Վերցված է 2012 թ․ հունիսի 5-ին.

[1]

[2]

[3]

[4]

[5]

[6]