Դանիայի թագավորական գրադարան

Վիքիպեդիայից՝ ազատ հանրագիտարանից
Jump to navigation Jump to search
դան․՝ Det Kongelige Bibliotek
(Դանիայի թագավորական գրադարան)
Royal Danish Library Logo4.jpg
Det Kongelige Bibliotek 6.jpg
Երկիր Flag of Denmark.svg Դանիա
Տեսակ ազգային գրադարան
Հիմնվել է 1648
Տեղադրություն Կոպենհագեն
Հասցե Søren Kierkegaards Plads
Հավաքածուներ
Չափ 35.1 միլիոն օրինակ, թվայնացված՝ 551 TB[1]
Այլ տվյալներ
Տնօրեն Էռլանդ Կոլդինգ Նիլսեն
(1986 թվականից)
Անձնակազմ 668 հոգի
Կայք kb.dk
Կոորդինատներ: 55°40′25.770000100003″ հս․ լ. 12°34′55.9500000988″ ավ. ե. / 55.67382500002777590° հս․. լ. 12.582208333360779° ավ. ե. / 55.67382500002777590; 12.582208333360779
Նոր շենքը «Սև ալմաստ», 1999
Հին շենքը Սլոտսհոլմեն կղզում, 1906

Թագավորական գրադարան (դան․՝ Det Kongelige Bibliotek), Դանիայի ազգային գրադարան (ԿոպենհագենՍկանդինավյան երկրների և աշխարհի խոշորագույն գրադարաններից մեկը։

Ունի բազմաթիվ պատմական փաստաթղթեր։ 17-րդ դարից Դանիայում հրատարակված բոլոր ստեղծագործությունները պահվում են գրադարանի ֆոնդերում։

Պատմություն[խմբագրել | խմբագրել կոդը]

Սև ալմաստ, 2005

Գրադարանը հիմնադրվել է 1648 թվականին Ֆրեդերիկ III թագավորի կողմից եվրոպական ստեղծագործությունների հսկայական հավաքածուի հիման վրա։ Հանրային մուտքը բացվել է 1793 թվականին։ 1989 թվականին գրադարանի ֆոնդերը միավորվեցին Կոպենհագենի համալսարանի գրադարանի ֆոնդերի հետ, իսկ 2005 թվականին Դանիայի բնագիտության և բժշկության ազգային գրադարանի ֆոնդերի հետ (դան․՝ Danmarks Natur- og Lægevidenskabelige Bibliotek)։ 2006 թվականի հունվարի 1-ից պաշտոնապես անվանվում է Թագավորական գրադարան, Ազգային գրադարան և Կոպենհագենի համալսարանի գրադարան (դան․՝ Det Kongelige Bibliotek, Nationalbibliotek og Københavns Universitetsbibliotek

Այսօր գրադարանն ունի չորս մասնաշենք. երեք մասնաշենք Կոպենհագենի համալսարանում և գլխավոր մասնաշենքը՝ Սլոտսհոլմեն կղզում։ Սլոտսհոլմեն կղզու հին շենքը կառուցվել է 1906 թվականին։ Այն Աախեն քաղաքում գտնվող Կառլ Մեծի առանձնատանը գտնվող մատուռի կրկնօրինակն է։ 1999 թվականին կառուցվեց նոր շենք, որը կոչվեց «Սև ալմաստ» (դան․՝ Den Sorte Diamant). Անվանումը ստացել է իր արտաքին տեսքի պատճառով (կառուցվել է սև գրանիտից և ապակուց)։ Շենքում տեղակայված է նաև համերգասրահ։

Գրքերի կողոպուտ[խմբագրել | խմբագրել կոդը]

1968 և 1978 թվականների միջև գրադարանում տեղի է ունեցել ամենամեծ հափշտակություններից մեկը։ Անհայտ անձինք գողացան մոտավորապես 3200 պատմական գրքեր 50 միլիոն ԱՄՆ դոլար մոտավոր արժեքով, այդ թվում՝ Մարտին Լյութերի ձեռագրերը, Իմանուիլ Կանտի, Թոմաս Մորի և Ջոն Միլթոնի առաջին հրատարակումները։ Գողությունը հայտնաբերվեց միայն 1975 թվականին։ 1998-2002 թվականներին գողացված նմուշները մոտավորապես 2 միլիոն դոլար գումարով վաճառվեցին տարբեր աճուրդներում։ 2003 թվականին հաջողվեց հետևել գողին Լոնդոնի Քրիստիս աճուրդում դրված լոտով։ Դա գրադարանի աշխատող Ֆրեդե Մյոլլեր-Քրիստենսենն էր (դան․՝ Frede Møller-Kristensen, մահացել է 2003 թվականի փետրվարին)։ Գողացված գրքերի առևտուրը նրա մահից հետո շարունակեցին ընտանիքի անդամները։ Տան խուզարկությամբ հայտնաբերվեցին 1500 գողացված նմուշներ։ 2004-2005 թվականներին նրանք բանտարկվեցին 18 ամսից 3 տարի ժամկետներով։

Ծանոթագրություններ[խմբագրել | խմբագրել կոդը]

  1. All figures are from: Årsberetning 2014 (Annual Report 2014) [1] (դան.)

Արտաքին հղումներ[խմբագրել | խմբագրել կոդը]

Տեղեկատվություն հափշտակված գրքերի մասին գրադարանի պաշտոնական կայքում