Գրիշա Առուշանյան
| Գրիշա Առուշանյան | |
|---|---|
| Ծնվել է | 1912 |
| Ծննդավայր | Խնձորեսկ, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն |
| Մահացել է | անհայտ |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Երևանի պետական համալսարան |
| Մասնագիտություն | մանկավարժ |
| Պարգևներ և մրցանակներ |  և  |
Գրիշա Թավադի Առուշանյան (1912, Խնձորեսկ, Զանգեզուրի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Գրիշա Առուշանյանը ծնվել է 1912 թվականին Խնձորեսկ գյուղում։ 1936 թվականին Գրիշան ավարտել է Երևանի պետական համալսարանի ֆիզիկամաթեմատիկական ֆակուլտետը։ Աշխատել է Գորիսի մանկավարժական ուսումնարանում[1]։
1941 թվականին Առուշանյանը զորակոչվել է ռազմաճակատ և ծառայել է 89-րդ հայկական հրաձգային Թամանյան դիվիզիայում։ Մասնակցել է ֆաշիստական զավթիչների դեմ մղված այրունահեղ մարտերին և ցուցաբերած արիության ու խիզախության համար պարգևատրվել է Կարմիր աստղի շքանշանով[1]։
Հայրենիք վերադառնալուց հետո շարունակել է մանկավարժական աշխատանքը Գորիս քաղաքի դպրոցներում։ Մատաղ սերնդի ուսուցման ու դաստիարակության գործում ցուցաբերած նվիրվածության համար պարգևատրվել է Լենինի շքանշանով։ 25 տարի եղել է Գորիս քաղաքի Ակսել Բակունցի անվան և № 3 միջնակարգ դպրոցների սկզբնական կուսկազմակերպության քարտուղար։ Երկու անգամ պարգևատրվել է ՀԼԿԵՄ Կենտկոմի պատվոգրով[1]։
Վաստակաշատ ուսուցիչը կենսաթոշակի անցնելուց հետո դպրոցից չի կտրվել, շարունակել է օգնել սկսնակ ուսուցիչներին, նրանց է հաղորդել իր հարուստ փորձն ու գիտելիքները[1]։
Պարգևներ[խմբագրել | խմբագրել կոդը]
- Կարմիր աստղի շքանշան
- Լենինի շքանշան