Գրիգոր Նորիկյան
Գրիգոր Նորիկյան | |
---|---|
Ծնվել է | հունիսի 1, 1943 (80 տարեկան) |
Ծննդավայր | Բեյրութ, Լիբանան[1] |
Կրթություն | Խիետրո Վանուչիի ակադեմիա |
Մասնագիտություն | նկարիչ |
Գրիգոր Նորիկյան (հունիսի 1, 1943, Բեյրութ, Լիբանան[1])[2], հայազգի արվեստագետ, գեղանկարիչ, հայոց Մեծ Եղեռնից փրկված ընտանիքի զավակ։ Միջազգային համբավ ունեցող արվեստագետ։ Իր 50-ամյա գեղանկարչական ստեղծագործություններում ներրկայացրել է հայ ժողովրդին, զանազան երկրներում ապրելու և ստեղծագործելու փորձառությունը։
Կենսագրություն[խմբագրել | խմբագրել կոդը]
Լիբանանի հայ համայնքի գեղանկարիչ Գրիգոր Նորիկյանը ծնվել է 1941 թվականի հունիսի 1-ին՝ Բեյրությում։ Նախնական կրթությունը (փորագրություն, յուղաներկ) ստացել է Բեյրությում, 1959-1960 թվականներին ուսումն ավարտելուց հետո հաճախել է Բեյրութի իտալական արվեստի դպրոց։ 1963-1964 թվականներին հաճախել է Կիևտերի արվեստի վարժարան։ 1965 թվականին ուսումը շարունակելու նպատակով մեկնել է Իտալիա։ 1967 թվականին մուտք է գործել Փարիզի արվեստի բարձրագույն դպրոց` հաճախելով Լուսիեն Քութոյի արվեստանոցը։ Նա 28 տարի ապրել է Փարիզում։
Գրիգոր Նորիկյանի Ցուցահանդեսներ[խմբագրել | խմբագրել կոդը]
Նորիկյանը բազմաթիվ ցուցահանդեսներ է ունեցել տարբեր երկիրներում և քաղաքներում, մասնավորապես` ԱՄՆ, Կանադա, Բեյրութ, Փարիզ, Օտտավա, Բուենոս Այրես, Ժնև, Մասաչուսեթս, Լոս Անջելես և այլն։ Առաջին անգամ Հայաստանում եղել է 2008 թվականին։
Նորիկյանի գեղանկարները ցուցադրվել են Հայաստանի պատմության թանգարան և Ժամանակակի արվեստի թանգարանում, Մեծի Տանն Կիլիկիո կաթողիկոսության թանգարանում, Բեյրութի Զմմառի և Սրսոք թանգարաններում, ինչպես նաև` Երուսաղեմի Սուրբ Հակոբ վանքի թանգարանում։
«Հետադարձ հայացք» խորագիրը կրող ցուցահանդես[խմբագրել | խմբագրել կոդը]
«Հետադարձ հայացք» խորագիրը կրող ցուցահանդեսը նվիրված է ո՛չ միայն գեղանկարչի 50 տարվա ստեղծագործական կյանքին, այլ նաև հայության 100-ամյա գոյատևմանը, վերապրումին, պայքարին։ Այնտեղ կան կերպարներ («Անորոշ կինը», «Անտունի», «Խելագարներ», «Ճշմարտության կալանավորները», «Հավատացյալ կինը», «Պոռթկացող մարդը» և այլն), դառը կացություններ («Բաժանում», «Սպասում», «Ամենայն կսկիծով», «Մոր տառապանքը», «Ինչ որ կմնա», «Սոսկումից հետո», «Եկեղեցին հայկական» և այլն), տարբեր երևույթներ` մերթ կսկիծով լի, մերթ հույսով («Դժոխային եղանակ», «Մի տեղի հիշատակը», «Ժողովրդի ժառանգությունը», «Ճակատագիր», «Երազանք» և այլն)[3]
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- «Հայրենիքը երազ էր ինձի համար»... Գրիգոր Նորիկյան (լուսանկարներ)
- ԳՐԻԳՈՐ ՆՈՐԻԿԵԱՆԻ 50 ԱՄԵԱՅ ԳԵՂԱՆԿԱՐՉՈՒԹԵԱՆ ՍՏԵՂԾԱԳՈՐԾՈՒԹԻՒՆՆԵՐՈՒ ՄԱՏՈՒՑՈՒՄԸ ԼԻԲԱՆԱՆԻՆ ՈՒ ՀԱՅՈՒԹԵԱՆ(չաշխատող հղում)
- «Գեղանկարը Պէտք Է Դիտել Հոգիի Աչքերով Եւ Թափանցել Անոր Խորքը» «Ազդակ»-ին Կ՛ըսէ Գեղանկարիչ Գրիգոր Նորիկեան
- Ֆեյսպուքեան պաշտօնական էջ Krikor Norikian
- Ֆեյսպուքեան պաշտօնական էջ Գրիգոր Նորիկեան
- KRIKOR NORIKIAN ARTIST PAINTER