Գերասիմ Աղաջանյան

Գերասիմ Աղաջանյան
Ծնվել է	օգոստոսի 2, 1911
Ծննդավայր	Գանձակ, Կովկասի փոխարքայություն, Ռուսական կայսրություն
Մահացել է	ապրիլի 13, 1980 (68 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Երևանի Մխիթար Հերացու անվան Պետական Բժշկական Համալսարան (1933)
Մասնագիտություն	բժիշկ և thermal bath
Գիտական աստիճան	բժշկական գիտությունների դոկտոր (1965) և պրոֆեսոր (1967)
Աշխատավայր	ՀՀ ԱՆ
Զավակներ	Իվան Աղաջանյան և Մարինա Աղաջանյան
Պարգևներ	, և

Գերասիմ Իվանի Աղաջանյան (օգոստոսի 2, 1911(1911-08-02)^[1], Գանձակ, Կովկասի փոխարքայություն, Ռուսական կայսրություն - ապրիլի 13, 1980(1980-04-13)^[1], Երևան, Հայկական ԽՍՀ, ԽՍՀՄ), հայ կուրորտաբան։ Բժշկական գիտությունների դոկտոր (1965), պրոֆեսոր (1967)։ Հայաստանում կուրորտաբանության հիմնադիրներից։

Իվան Աղաջանյանի հայրը։

Կենսագրություն[խմբագրել | խմբագրել կոդը]

Գերասիմ Աղաջանյանը ծնվել է 1911 թվականին Ելիզավետպոլ քաղաքում։ 1933 թվականին ավարտել է Երևանի բժշկական ինստիտուտը և մի քանի տարի աշխատել է Բասարգեչարի (Վարդենիս) և Երևանի 2-րդ կլինիկական հիվանդանոցներում։ Այնուհետև նրան ուղարկել են Կիև, որտեղ Գերասիմ Աղաջանյանը ակադեմիկոս Վ. Խ. Վասիլենկոյի ղեկավարությամբ զբաղվել է սրտաբանությամբ։ 1938 թվականին տեղափոխվել է Արզնի առողջարան, ղեկավարել սրտաբանության բաժանմունքը։ Մեծ հայրենականի սկզբից մինչև ավարտը աշխատել է նախ որպես բաժանմունքի, այնուհետև՝ դաշտային շարժական հոսպիտալի պետ։ Զորացրվելուց հետո նշանակվել է Արզնի առողջարանի գլխավոր բժիշկ, այնուհետև՝ ՀԽՍՀ առողջապահության նախարարության առողջարանների վարչության պետ, իսկ 1949 թվականին՝ ՀԽՍՀ առողջապահության նախարարի առաջին տեղակալ։

1950-1960 թվականներին եղել է «Ջերմուկ» առողջարանի տնօրեն, 1960-1979 թվականներին՝ Կուրորտաբանության և ֆիզիկական մեթոդներով բուժման ԳՀԻ տնօրեն, 1956-1966 թվականներին՝ ՀԽՍՀ առողջապահության նախարարության գլխավոր թերապևտ, 1966-1979 թվականներին՝ ՀԽՍՀ առողջապահության նախարարության գլխավոր կուրորտաբան, ՀԽՍՀ կուրորտաբանների և ֆիզիոթերապևտների գիտական ընկերության փոխնախագահ^[2]։

Գերասիմ Աղաջանյանի հուշատախտակը Երևանում

Հեղինակ է 100-ից ավելի գիտական աշխատություններ, այդ թվում՝ 4 մենագրություն, 10 բրոշյուր՝ նվիրված ներքին հիվանդությունների բուժման և կուրորտոլոգիայի հարցերին։ Աշխատանքները վերաբերում են Հայաստանում կուրորտաբանության, ինչպես նաև տարբեր ներքին հիվանդությունների ախտածագման, կլինիկայի և բուժման հարցերին^[3]։

Պարգևներ, մրցանակներ[խմբագրել | խմբագրել կոդը]

Աշխատանքային կարմիր դրոշի շքանշան
Հայրենական պատերազմի երկրորդ աստիճանի շքանշան
Կարմիր աստղի շքանշան շքանշան
Հայկական ԽՍՀ գերագույն սովետի նախագահության պատվոգիր

Հիշատակ[խմբագրել | խմբագրել կոդը]

1996 թվականին Ջերմուկի համար 3-րդ առողջարանը կոչվել է Աղաջանյանի անունով։

Երկեր[խմբագրել | խմբագրել կոդը]

Курорты Армянской ССР, 1963, т.л. (Г. И. Агаджанян), конц. (Агаджанян Герасим Иванович).
Առողջարան Ջերմուկ։ Արհմիությունների կուրորտների ղեկավարման հայկական հանրապետական խորհուրդ, Երևան, «Հայաստան», 1966 (համահեղինակ)։
Հայաստանի առողջարանները և առողջավայրերը, 1968, տիտղթ. (Գ. Ի. Աղաջանյան)։
Արզական-Աղվերան առողջարանային գոտի։ ՀԽՍՀ Առողջապահության մինիստրության հանրապետական Սանլուստուն, Երևան, «Հայաստան», 1973 (համահեղինակ)։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 http://am.hayazg.info/index.php?curid=1869
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005
↑ «Կոչումով բժիշկ». Աղաջանյաններ

[_69e0ab85f12a384b-1] 1,0 ^1,1 ^1,2 ^1,3 ^1,4 http://am.hayazg.info/index.php?curid=1869

[2] Ով ով է. Հայեր. Կենսագրական հանրագիտարան, հատոր առաջին, Երևան, 2005

[3] «Կոչումով բժիշկ». Աղաջանյաններ

[1]

[2]

[3]