Գենադի Ստրեկալով

Գենադի Ստրեկալով
Ծնվել է	հոկտեմբերի 26, 1940(1940-10-26)
Ծննդավայր	Միտիշչի, Մոսկվայի մարզ, ՌԽՖՍՀ, ԽՍՀՄ
Մահացել է	դեկտեմբերի 25, 2004(2004-12-25) (64 տարեկան)
Մահվան վայր	Մոսկվա, Ռուսաստան
Գերեզման	Օստանկինյան գերեզմանատուն
Քաղաքացիություն	ԽՍՀՄ և  Ռուսաստան
Կրթություն	Մոսկվայի Ն. Բաումանի անվան պետական տեխնիկական համալսարան (1965)
Գիտական աստիճան	տեխնիկական գիտությունների թեկնածու
Մասնագիտություն	ճարտարագետ, տիեզերագնաց և flight engineer
Աշխատատու	Էներգիա
Կուսակցություն	ԽՄԿԿ
Պարգևներ և մրցանակներ	և
Gennady Strekalov Վիքիպահեստում

Ստրելակով Գենադի Միխայլովիչ (ռուս.՝ Геннадий Михайлович Стрекалов, հոկտեմբերի 26, 1940(1940-10-26), Միտիշչի, Մոսկվայի մարզ, ՌԽՖՍՀ, ԽՍՀՄ - դեկտեմբերի 25, 2004(2004-12-25), Մոսկվա, Ռուսաստան), ռուս տիեզերագնաց-օդաչու, բորտինժեներ, Խորհրդային Միության կրկնակի հերոս (1980, 1984), ԽՍՀՄ սպորտի վաստակավոր վարպետ (1981)։

Կենսագրություն

Ավարտել է Մոսկվայի Բաումանի անվան բարձրագույն տեխնիկական․ ուսումնարանը (1965), աշխատել կոնստրուկտորական բյուրոյում։ 1980 թվականի նոյեմբերի 27-ին Լեոնիդ Կիզիմի և Օլեգ Մակարովի հետ, որպես հետազոտող տիեզերագնաց, թռիչք է կատարել «Սոյուզ Տ-3» տիեզերանավով։ Նոյեմբերի 28-ին տիեզերանավը կցվել է «Սալյուտ-6» ուղեծրակայանին, և թռիչքը շարունակվել է մինչև դեկտեմբերի 10-ը։ 1983 թվականի ապրիլի 20-22-ին, որպես բորտինժեներ, Վլադիմիր Տիտովի և Ալեքսեյ Սերեբրովի հետ, թռիչք է կատարել «Սոյուզ Տ-8» տիեզերանավով։ 1984 թվականի ապրիլի 3-ին, որպես բորտինժեներ, Յուրի Մալիշև ի և Հնդկաստանի Հանրապետության քաղաքացի Ռակեշ Շարմայի հետ, Ստրելակովը երրորդ տիեզերական թռիչքն է կատարել «Սոյուզ Տ-11» տիեզերանավով։ Ապրիլի 4-ին տիեզերանավը կցվել է ուղեծրում գտնվող «Սալյուտ- 7»-«Սոյուզ Տ-10» ուղեծրային համալիրին։ Ապրիլի 10-ին «Սոյուզ Տ-10» տիեզերանավն անջատվել է համալիրից, և ապրիլի 11-ին Ստրելակովը (անձնակազմի հետ) վերադարձել է Երկիր։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 154)։

Վիքիպահեստն ունի նյութեր, որոնք վերաբերում են «Գենադի Ստրեկալով» հոդվածին։