Գագիկ Գյանջումյան

Գագիկ Գյանջումյան
Ծնվել է	փետրվարի 3, 1955(1955-02-03) (69 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Հայաստանի պետական տնտեսագիտական համալսարան
Մասնագիտություն	տնտեսագետ և պետական գործիչ
Աշխատավայր	Հայաստանի հանրային ռադիո, Կենտրոն վարչական շրջան, Հայաստանի դատախազություն և Հայաստանի սփյուռքի նախարարություն
Ծնողներ	հայր՝ Սուրեն Գյանջումյան
Երեխաներ	Էդգար Գյանջումյան

Գագիկ Սուրենի Գյանջումյան (փետրվարի 3, 1955(1955-02-03), Երևան, Հայկական ԽՍՀ, ԽՍՀՄ), ՀՀ պետական և ՏԻՄ գործիչ։

Կրթություն

• 1973-1978 թթ. - սովորել և ավարտել է Երևանի ժողովրդական տնտեսության ինստիտուտը։

Աշխատանքային գործունեություն

• 1977-1978 թթ. - աշխատել է Երևանի «Հրազդան» գործարանում որպես տնտեսագետ։
• 1978-1982 թթ. - եղել է Երևանի «Հրազդան» գործարանի ԼԿԵՄ կոմիտեի քարտուղար, ապա՝ Երևանի ՀԼԿԵՄ Սպանդարյանի շրջկոմի կազմակերպչական բաժնի վարիչ և քարտուղար։
• 1982-1990 թթ. - ՀԼԿԵՄ Կենտկոմի գործերի կառավարիչ, 1988 թ. դեկտեմբերից՝ երկրաշարժի հետևանքների վերացման շտաբի պետ։
• 1990-1991 թթ. - աշխատել է «Հայպետգյուղշիննախագիծ» ինստիտուտում որպես տնօրենի տեղակալ։
• 1991-1995 թթ. - «Արարատ» ՄՓԿ գլխավոր տնօրեն։
• 1995-2002 թթ. - աշխատել է Հայաստանի Ազգային ռադիոյում որպես խմբագիր, ապա՝ բաժնի պետ, տնօրենի տեղակալ։
• 2002-2009 թթ. - Երևանի Կենտրոն թաղային համայնքի ղեկավարի տեղակալ։
• 2009 թ. մարտի 5-ին Հայաստանի վարչապետի որոշմամբ նշանակվել է Երևան քաղաքի Կենտրոն թաղային համայնքի ղեկավարի պաշտոնակատար։
• 2009 թ. հունիս - 2012 թ. փետրվար- Երևանի Կենտրոն վարչական շրջանի ղեկավար։
• 2012-2013 թթ. - եղել է Հայաստանի գլխավոր դատախազության աշխատակազմի ֆինանսատնտեսական վարչության պետ։
• 2015 թ. մայիսի 8-ից եղել է Հայաստանի սփյուռքի նախարարության աշխատակազմի համահայկական ծրագրերի վարչության պետ։

Ընտանիք

Ամուսնացած է, ունի երկու որդի և չորս թոռ։ Գագիկ Գյանջումյանը անվանի պարուսույց Սուրեն Գյանջումյանի որդին է և երգահան Էդգար Գյանջումյանի հայրը։