Բոցավառվող ընձուղտը (կտավ)

Բոցավառվող ընձուղտը անգլ.՝ The Burning Giraffe
տեսակ	գեղանկար
նկարիչ	Սալվադոր Դալի
տարի	1937
բարձրություն	35
լայնություն	27
նյութ	յուղաներկ, փայտ
գտնվում է	Բազելի արվեստի թանգարան
հավաքածու	Բազելի արվեստի թանգարան
պատկերված են Հյուսիսային ընձուղտ, կին և բնատեսարան
Ծանոթագրություններ

Բոցավառվող ընձուղտը, իսպանացի սյուրռեալիստ նկարիչ Սալվադոր Դալիի կտավը։ Նկարվել է 1936-1937 թվականներին։ Գտնվում է Բազելի գեղարվեստի թանգարանում։

Նախապատմություն

Կտավը ստեղծվել է 1936-1937 թվականներին՝ մինչ նկարչի՝ ԱՄՆ տարագրվելը։ Չնայած Դալին իրեն ապաքաղաքական էր համարում, սակայն այս կտավը նկարչի բացահայտ պայքարն է իր երկրի վարած քաղաքականության դեմ։ Կտավում արտահայտված է անխուսափելի պատերազմի նախազգացումը։

Նկարի մասին

Նկարում պատկերված է մթնշաղ՝ մուգ կապույտ երկնքով և հորիզոնի՝ Սալվադոր Դալիի արվեստին ոչ բնորոշ ցածր գծով։ Առջևի պլանում տեսնում ենք երկու կնոջ կերպարանք, որոնցից մեկի վրա բացված արկղիկներ են։ Կանանց կերպարանքները հստակ չեն, կարծես հալվում են. սա հիշեցնում է հեղինակի վաղ շրջանի գործերը։ Կերպարները հենված են ինքնատիպ հենակների և հենաձողերի, որոնք խորհրդանշում են ենթագիտակցությունը։

Կտավի գլխավոր կերպարը՝ բոցավառվող ընձուղտը, գտնվում է նկարի հետին պլանում։ Դալին նրա պատկերն անվանել է «տղամարդկային տիեզերական աշխարհակործան հրեշ»։ Ընձուղտը պատերազմի նախազգացման խորհրդանիշն է։

Այս աշխատանքը հզոր է՝ կատարված Դալիին ոչ բնորոշ էսքիզային ձևով։ Կապույտի երանգները ուժեղացված են կարմիրի և դեղինի առկայծումներով։ Առջևի պլանում պատկերված կնոջ կերպարի դիրքը հիշեցնում է Դալիի «Երազների պարահանդեսի մտացածին հագուստ» կտավի կերպարին։ Առաջ պարզած ձեռքերը օդաչուների ձեռքեր են հիշեցնում։ - «The American Weekly»

Նմանություններ այլ կերպարների

• Կտավը հիշեցնում է Դալիի «Միլոսյան Վեներա արկղիկներով» և «Վեներան ընձուղտում» կտավները։
• Դալին առաջին անգամ այրվող կրակի խորհրդանիշը օգտագործել է «Ոսկի դար» (1930), ապա «Հրեշի արարում» (1937) ֆիլմերում։

Արտաքին հղումներ

• «Բոցավառվող ընձուղտը» Archived 2009-11-02 at the Wayback Machine.
• Սալվադոր Դալի «Բոցավառվող ընձուղտը»(չաշխատող հղում)