Բնապատկեր Սեն Ռեմինում
Բնապատկեր Սեն Ռեմինում | |
---|---|
տեսակ | գեղանկար |
նկարիչ | Վինսենթ վան Գոգ |
տարի | հոկտեմբեր 1889 |
բարձրություն | 0,74 մետր |
լայնություն | 0,92 մետր |
ստեղծման վայր | Սեն Ռեմի դե Պրովանս |
ժանր | բնանկար |
նյութ | յուղաներկ[1] և կտավ[1] |
գտնվում է | Ինդիանապոլիսի արվեստի թանգարան |
հավաքածու | Ինդիանապոլիսի արվեստի թանգարան |
սեփականատեր | Թեո վան Գոգ, Յոհաննա վան Գոգ և Paul Cassirer? |
պատկերված են
| |
կայք | |
Ծանոթագրություններ | |
Enclosed Wheat Field with Peasant by Vincent van Gogh Վիքիպահեստում |
«Բնապատկեր Սեն Ռեմիում» (անգլ.՝ Landscape at Saint-Rémy), «Ցանկապատված դաշտը գյուղացու հետ» (անգլ.՝ Enclosed Field with Peasant), Վան Գոգի կտավը՝ ստեղծված 1889 թվականի հոկտեմբերի 12-ին Սեն Ռեմի դը Պրովանսում։ Գտնվում է Ինդիանապոլիսի գեղարվեստի թանգարանում (Ինդիանապոլիս, ԱՄՆ)։
Նկարագրություն[խմբագրել | խմբագրել կոդը]
Նկարը պատկերում է Սեն Ռեմի դը Պրովանսի որբանոցի կողքին գտնվող խոտածածկ դաշտի տեսարանը՝ մանուշակագույն թփով, հավաքված ցորենի խուրձը կրող գյուղացի, մի քանի շենքեր և ալպիական լեռնաշղթա, որը բարձրանում էր հետին պլանում, երկնքի մի փոքր կտոր։ Վան Գոգը այն համարել է «Հնձվոր» նկարին զուգահարմար, որը նկարել է 1889 թվականին։
«Սեն Ռեմիի բնապատկերը» Վան Գոգի ուշ աշխատանքի օրինակ է, որտեղ նրա դինամիկ վրձնահարվածները վերահսկում են նկարը։ Արագ գծերն ընդգծում են կենդանի, շարժվող դաշտը։ Նկարը կարծես թե շնչում է կյանքով, չնայած դրանում պատկերված է միայն մեկ մարդ։ Սա նկարչի չորս կտավներից առավել տեղագրորեն ճշգրիտն է, որը պատկերում է Ալպյան նախալեռներում ցորենի դաշտը։
Ստեղծում[խմբագրել | խմբագրել կոդը]
Լանդշաֆտը ստեղծվել է պլեներում մի քանի օրվա ընթացքում Վան Գոգի կյանքի ամենադրամատիկ ժամանակահատվածներից մեկում՝ Սեն Ռեմի դը Պրովանսի մոտ գտնվող հոգեկան հիվանդների Սենթ Պոլի հիվանդանոց կամավոր ժամանելուց հետո նա վերսկսել է աշխատանքը։ Նա աստիճանաբար վերականգնվել է նյարդային խանգարումից հետո, որը նա ապրել է Սուրբ Ծննդյան տոնի նախօրեին 1888 թվականին՝ հետընտրական իմպրեսիոնիստ Պոլ Գոգենի այցի ընթացքում։
Վան Գոգը նկարը նկարագրել է 1889 թվականի հոկտեմբերին գրված երկու նամակներում։ Դրանցից մեկը գրվել է Էմիլ Բեռնարի կողմից, որտեղ կտավները նկարագրվել են որպես «Կտավ № 30-ը ՝ բաց մանուշակագույն բացվող դաշտերով և լեռների հետին պլանով, որոնք անցնում են ողջ կտավով, այնպես որ ոչինչ, բացի կոպիտ հողից և քարերից, որոնք ունեն փշոտ և չոր խոտ՝ անկյունում և փոքրիկ մանուշակագույն-դեղին մարդուց»[2]։ Իր եղբորը՝ Թեո վան Գոգին ուղղված մեկ այլ նամակում, այն նկարագրվում է որպես «նույն դաշտը, ինչ «Հնձվոր»-ում։ Հիմա դրանք հողային կույտեր են, իսկ հետին պլանում՝ չոր հող, այնուհետև ալպիական ժայռերը։ Մի փոքր կապույտ-կանաչ երկինք՝ փոքրիկ սպիտակ-մանուշակագույն ամպով։ Առաջին պլան` տատասկափուշ և չոր խոտ։ Մի գյուղացի մեջտեղում քաշում է մի ծղոտ։ Սա հերթական կոպիտ հետազոտությունն է, և գրեթե ամբողջովին դեղին լինելու փոխարեն, այն ստեղծում է գրեթե ամբողջովին մանուշակագույն կտավ։ Կոտրված և չեզոք մանուշակագույն... Կարծում եմ` այն կլրացնի «Հնձվոր»-ը և կդյուրացնի հասկանալ, թե դա ինչ է։ Քանի որ «Հնձվոր»-ը կարծես արվել է պատահականորեն»[3]։
Վան Գոգը 1890 թվականի հունվարին նկարը նամակի հետ միասին ուղարկել է իր եղբորը՝ Թեոյին, որում նկարագրվում էր որպես «հերկի դաշտ՝ սարերի հետևում», և կրկին առաջարկել է, որ մանուշակագույն այս աշխատանքը կարող է լինել իր «Հնձվորը» նկարին հարաբերակից, որում գերակշռում էր դեղին գույնը[4]։ Նա նույն չափի «Հնձվոր» տարբերակը ստեղծել է 1889 թվականի հունիսին (ներկայումս՝ Օտերլոյի Կրյոլեր-Մյուլլերի թանգարանում)։ Բացի այդ, նա պատրաստեց նաև «Հնձվոր»-ի երկու նմանատիպ տարբերակները 1889 թվականի սեպտեմբերին և հոկտեմբերին։ 30 չափի երկրորդ տարբերակը (F618) պահվում է Վան Գոգի թանգարանում, մինչդեռ 20-ի չափի ավելի փոքր տարբերակը (F619) պահվում է Էսենի Ֆոլկվանգ թանգարանում[5].
-
«Ցորենի դաշտ խուրձի և արևի հետ», 1889 թվական հունիսի վերջ, Կյոլլեր-Մյուլլերի թանգարան, Օտտերլո, Նիդեռլանդներ (F617)
-
«Ցորենի դաշտը հնձի և արևածագի հետ», Սեպտեմբեր՝ 1889 թվակամ, Վան Գոգի թանգարան, Ամստերդամ (F618)
-
«Ցորենի դաշտ հնձվորով և արևածագով» 1889 թվական՝ սեպտեմբեր, Ֆոլկվանգ թանգարան, Էսսեն (F619)
-
«Լանդշաֆտը Սեն-Ռեմիում (գյուղացու հետ ցանկապատված դաշտ)», 1889 թվականի հոկտեմբերի սկզբին, Ինդիանապոլիսի գեղարվեստի թանգարան, Ինդիանապոլիս (F641)
Պատմություն[խմբագրել | խմբագրել կոդը]
Կտավը Թեոն պպահել էՎինսենթի մահից հետո 1890 թվականին, իսկ Թեոյի մահից մի քանի ամիս անց այն անցել է նրա այրի Յոհան Վան Գոգ-Բոնգերին։ 1905 թվականի մայիսին նկարը գնել է Բեռլինում արվեստի դիլեր Պոլ Կասիրերը և վաճառել է գերմանացի բանկիր Ռոբերտ ֆոն Մենդելսոնին։ Վերջինիս մահից հետո՝ 1917 թվականին, այն անցել է նրա կնոջը՝ Ջուլիետին, դուստր Միկելե Գորդիգիանիին, իսկ 1955 թվականին նրանց երեխաներին՝ Էլեոնորային և Ֆրանչեսկո ֆոն Մենդելսոնին, որոնք համապատասխանաբար 1935 և 1933 թվականներին արտագաղթել են Միացյալ Նահանգներ, և նկարը տարել են իրենց հետ։
Այնուհետև նկարը վաճառվել է Նյու Յորքում Քերոլայն Մարմոն Ֆեսլերին, որը 1944 թվականին նկարը նվիրել է Ջոն Հերոնի արվեստի ինստիտուտին (այժմ՝ Ինդիանապոլիսի գեղարվեստի թանգարան)[6]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 http://collection.imamuseum.org/artwork/56838/
- ↑ Letter to Emile Bernard. Saint-Rémy, on or about Tuesday, 8 October 1889, vangoghletters.org
- ↑ Letter to Theo van Gogh. Saint-Rémy-de-Provence, on or about Tuesday, 8 October 1889, vangoghletters.org
- ↑ Letter to Theo van Gogh. Saint-Rémy-de-Provence, Friday, 3 January 1890, vangoghletters.org
- ↑ «Vincent van Gogh's life - The Later Years». Van Gogh Gallery. Արխիվացված է օրիգինալից 2012 թ․ հունիսի 7-ին. Վերցված է 2012 թ․ հուլիսի 24-ին.
- ↑ «Landscape at Saint-Remy (Enclosed Field with Peasant)». Indianapolis Museum of Art. Արխիվացված է օրիգինալից 2012 թ․ հունիսի 27-ին. Վերցված է 2012 թ․ հուլիսի 24-ին.
Արտաքին հղումներ[խմբագրել | խմբագրել կոդը]
- «Vincent van GOGH, Landscape at Saint-Rémy (Enclosed Field with Peasant)». Indianapolis Museum of Art. Վերցված է 2020 թ․ ապրիլի 19-ին.(անգլ.)
- Landscape at Saint-Rémy (Enclosed Field with Peasant), Google Arts & Culture
- Van Gogh in Saint-Rémy and Auvers, Ronald Pickvance, Metropolitan Museum of Art, 1986, 0870994778, p. 138
- Vincent Van Gogh: The Years in France: Complete Paintings 1886—1890, Walter Feilchenfeldt, Philip Wilson Publishers, 2013, 1781300194, p. 216
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բնապատկեր Սեն Ռեմինում կատեգորիայում։ |