Բենջամին Շիրս

	Բենջամին Շիրս
Կուսակցություն՝	Ժողովրդի գործողություն կուսակցություն
Կրթություն՝	Սինգապուրի ազգային համալսարան, Saint Andrew's Secondary School? և Yong Loo Lin School of Medicine?
Մասնագիտություն՝	քաղաքական գործիչ և գինեկոլոգ
Դավանանք	քրիստոնեություն
Ծննդյան օր	օգոստոսի 12, 1907
Ծննդավայր	Սինգապուր
Վախճանի օր	մայիսի 12, 1981 (73 տարեկան)
Վախճանի վայր	Սինգապուր
Թաղված	Kranji State Cemetery
Քաղաքացիություն	Սինգապուր
Ամուսին	Yeo Seh Geok?
Զավակներ	Dr Joseph Henry Hinggiam Sheares? և Constance Sheares?
Պարգևներ
Benjamin Sheares

Բենջամին Հենրի Շիրս (անգլ.՝ Benjamin Henry Sheares, օգոստոսի 12, 1907(1907-08-12)^[1], Սինգապուր - մայիսի 12, 1981(1981-05-12)^[1], Սինգապուր), սինգապուրցի պետական գործիչ, բժիշկ, մանկավարժ, պրոֆեսոր, բժշկության դոկտոր։ Սինգապուրի երկրորդ նախագահ (1971-1981)^[2]։ Սինգապուրի ազգային համալսարանի առաջին ռեկտոր։ Նրա անունով են կոչվում և՛ Բենջամին Շիրսի կամուրջը, և՛ Սինգապուրի Ազգային համալսարանի Շիրս սրահը^[3]։

Կենսագրություն[խմբագրել | խմբագրել կոդը]

Բենջամին Շիրսը ծնվել է եվրասիական խառը ընտանիքում։ Նրա հայրը՝ Էդվին Հ. Շիրսը, Հնդկաստանում մեծացած անգլիացի էր, աշխատել է որպես հասարակական աշխատանքների բաժնի տեխնիկական ղեկավար։ Սինգապուրում ծնված մայրը՝ Լիլիան Գոմեսը, չինա-սինգապուրա-իսպանական ծագում ուներ։ Կրթություն է ստացել Սուրբ Անդրեաս Առաքյալի Raffles Institution հեղինակավոր դպրոցում։ 1922 թվականին տեղափոխվել է սովորելու Ռաֆայելի անվան ինստիտուտում, որը միակ դպրոցն է եղել՝ հագեցած գիտական լաբորատորիաներով, ինչը համարվել է կատարյալ վայր՝ բժիշկ դառնալու իր հավակնությունները իրականացնելու համար։ 1929 թվականին ավարտել է Սինգապուրի Թագավոր Էդուարդ VII անվան բժշկական քոլեջը (այժմ՝ Սինգապուրի ազգային համալսարան)։ Այնուհետև աշխատել է որպես մանկաբարձ-գինեկոլոգ^[4]։

1940 թվականին շահել է Մեծ Բրիտանիայում երկամյա հետդիպլոմային ուսուցման թագավորական կրթաթոշակ։ Նրան շնորհված Թագավորական կրթաթոշակը հնարավորություն է տվել Մեծ Բրիտանիայում անցնել ասպիրանտուրայի երկամյա նախապատրաստական դասընթաց։ Սակայն ուսմանը խանգարել է սկսված Երկրորդ համաշխարհային պատերազմը։ 1942-1945 թվականներին Սինգապուրի ճապոնական օկուպացիայի ժամանակ Շիրսը ղեկավարել է կղզու կանանց և մանկական ամենամեծ հիվանդանոցը։ Այդ ժամանակահատվածում առաջին անգամ ներդրվել է ստորին կեսարյան հատումը, որը հղիների մոտ հանգեցնում է ավելի ցածր մահացության և հիվանդացության, քան վերին կեսարյան հատումը։ Պատերազմի ավարտից հետո դարձել է առաջին սինգապուրցի բժիշկը, որը նշանակվել է մանկաբարձության և գինեկոլոգիայի պրոֆեսոր Թագավոր Էդվարդ VII անվան բժշկական քոլեջում։ Որակավորման բարձրացման նպատակով 1947 թվականին ընդունվել է Մեծ Բրիտանիայի թագավորական բժշկական բարձրագույն հետբուհական կրթության դպրոց։ Ասպիրանտուրան ավարտել է Լոնդոնում և 1948 թվականի հունվարին դարձել Սինգապուրից առաջին մանկաբարձը, ով ընտրվել է Անգլիայի մանկաբարձների և գինեկոլոգների թագավորական քոլեջի անդամ։ 1948 թվականի մարտին, Էդինբուրգի վիրաբույժների թագավորական քոլեջից ստանալով մասնագետի որակավորում, վերադարձել է Սինգապուր, որտեղ դարձել է մանկաբարձության և գինեկոլոգիայի պրոֆեսոր։ 1948 թվականի հունիսին նշանակվել է նաև բրիտանական զինվորական հոսպիտալի պատվավոր խորհրդատու։

1950 թվականին Շիրսը դարձել է բժշկագիտության դոկտոր։ Եղել է Սինգապուրի գլխավոր հիվանդանոցի (Singapore General Hospital) տնօրենը, 1950 թվականի հունվարից մինչև 1960 թվականի հունիսը՝ Սինգապուրի Մալայական համալսարանի մանկաբարձության և գինեկոլոգիայի պրոֆեսոր։ Հետագայում զբաղվել է մասնավոր բժշկական գործունեությամբ։ Նրա նշանակալից ներդրումը բժշկության մեջ եղել է վագինոպլաստիկայի տեխնոլոգիան, որը հետագայում տասնամյակներ շարունակ օգտագործվել է սեռափոխության վիրահատության համար։ Որպես անվանի մանկաբարձ-գինեկոլոգ, եղել է Մանկաբարձների և գինեկոլոգների թագավորական քոլեջի (Մեծ Բրիտանիա) և Ամերիկյան վիրաբույժների կոլեգիայի անդամ։ Դասախոսություններ է կարդացել ԱՄՆ-ում և Մեծ Բրիտանիայում, ինչպես նաև հեղինակել է բազմաթիվ հոդվածներ միջազգային և տեղական ամսագրերում։ Եղել է Մալայզիայի թագավորական ընտանիքների որոշ անդամների անձնական մանկաբարձ-գինեկոլոգ։ Սինգապուրում զբաղվել է ընտանիքի պլանավորման խնդիրներով։ 1970 թվականի սկզբին աշխատանքի է անցել բժշկական մասնագիտացման կոմիտեում։

1971-1981 թվականներին զբաղեցրել է Սինգապուրի նախագահի պաշտոնը՝ ընտրվելով օրենսդիր մարմնի կողմից։ Նախագահի պաշտոնը զբաղեցրել է երեք ժամկետ անընդմեջ, մինչև իր մահը՝ 1981 թվականի մայիսի 12-ը^[5]։

Մահացել է քաղցկեղից։ Թաղված է Կրանջիի ռազմական հուշահամալիրի հարևանությամբ գտնվող պետական գերեզմանատանը։

Պարգևներ և կոչումներ[խմբագրել | խմբագրել կոդը]

Ինդոնեզիայի Հանրապետության Ադիպուրնա աստղ (Ինդոնեզիա) (1974),
Սիկատունայի շքանշանի շղթա (Ֆիլիպինների Հանրապետություն) (1976),
Սինգապուրի ազգային համալսարանի պատվավոր դոկտոր (1970),
Թագավորական բժշկական ընկերության պատվավոր անդամ (1975),
Մանկաբարձների և գինեկոլոգների թագավորական քոլեջի պատվավոր անդամ (1976)։

Հիշատակ[խմբագրել | խմբագրել կոդը]

Սինգապուրի Ազգային համալսարանի Sheares Hall կամուրջը և շենքը կրում են Բենջամին Հենրի Շիրսի անունը։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Munzinger Personen (գերմ.)
↑ Benjamin Sheares
↑ «How they came to be named». The Straits Times, Retrieved from Newspaper SG. 1994 թ․ օգոստոսի 16.
↑ Sheares, J. (Joseph) H.H. (July 2005). «Benjamin Henry Sheares, MD, MS, FRCOG: President, Republic of Singapore 1971–1981; Obstetrician and Gynaecologist 1931–1981 : A Biography, 12th August 1907 – 12th May 1981» (PDF). Annals of the Academy of Medicine, Singapore. 34 (6): 25C–41C. ISSN 0304-4602. Արխիվացված է օրիգինալից (PDF) 2006 թ․ փետրվարի 9-ին.
↑ Sheares in a coma. (11 May 1981). The Straits Times, p. 1; Lee, P., Ngoo, I., & Bala, K. (13 May 1981). Singapore mourns. The Straits Times, p. 1. Retrieved from NewspaperSG.

Վիքիպահեստն ունի նյութեր, որոնք վերաբերում են «Բենջամին Շիրս» հոդվածին։

[_47ee2d914c21c409-1] 1,0 ^1,1 ^1,2 ^1,3 ^1,4 Munzinger Personen (գերմ.)

[2] Benjamin Sheares

[3] «How they came to be named». The Straits Times, Retrieved from Newspaper SG. 1994 թ․ օգոստոսի 16.

[annals-4] Sheares, J. (Joseph) H.H. (July 2005). «Benjamin Henry Sheares, MD, MS, FRCOG: President, Republic of Singapore 1971–1981; Obstetrician and Gynaecologist 1931–1981 : A Biography, 12th August 1907 – 12th May 1981» (PDF). Annals of the Academy of Medicine, Singapore. 34 (6): 25C–41C. ISSN 0304-4602. Արխիվացված է օրիգինալից (PDF) 2006 թ․ փետրվարի 9-ին.

[5] Sheares in a coma. (11 May 1981). The Straits Times, p. 1; Lee, P., Ngoo, I., & Bala, K. (13 May 1981). Singapore mourns. The Straits Times, p. 1. Retrieved from NewspaperSG.

[1]

[2]

[3]

[4]

[5]