Բաստիեն և Բաստիենա

Բաստիեն և Բաստիենա գերմ.՝ Bastien und Bastienne
Տեսակ	դրամատիկ-երաժշտական ստեղծագործություն և երաժշտական գործ/ստեղծագործություն
Ժանր	զինգշպիլ և օպերա
Կոմպոզիտոր	Վոլֆգանգ Ամադեուս Մոցարտ
Լիբրետտոյի հեղինակ	Ֆրիդրիխ Վիլհելմ Վայսկերն, Յոհան Հայնրիխ Ֆրիդրիխ Մյուլլեր և Johann H. F. Mueller?
Գործողությունների քանակ	1
Գործողության ժամանակ	XVIII դ.
Ստեղծման տարեթիվ	1768
Առաջնախաղի տարեթիվ	1768
Առաջնախաղի վայր	Palais Mesmer, Վիեննա
Կատալոգի համար	50 և 46b
Հրատարակման տարեթիվ	18-րդ դար
Bastien und Bastienne Վիքիպահեստում

«Բաստիեն և Բաստիենա» (KV 50/46b, գերմ.՝ Bastien und Bastienne), Մոցարտի մեկ գործողությամբ զինգշպիլ։ Գերմաներեն լիբրետտոյի հեղինակներն են Ֆրիդրիխ Վիլհելմ Վայսկերնն ու Յոհան Անդրեաս Շախտները։ Առաջնախաղը կայացել է 1768 թվականի հոկտեմբերի 1-ին Վիեննայում։

Ստեղծման պատմություն

1768 թվականին տասներկուամյա Մոցարտը հոր հետ գնում է Վիեննա։ Այստեղ, ոգեշնչվելով Ժան Ժակ Ռուսոյի «Գյուղական կախարդ» օպերայի բեմադրությունից, ստեղծում է «Բաստիեն և Բաստիենա» օպերան, որը կատարում են վիեննացի բժիշկ և հարուստ մեկենաս Ֆրանց Անտոն Մեսմերի այգում (ավելի ուշ Մոցարտը ծաղրերգել է նրան իր «Այդպես են վարվում բոլորը» օպերայում։ Գրեթե ոչ մի տեղեկություն ներկայացման մասին չի պահպանվել։ Հաջորդ բեմադրությունը կայացել է կոմպոզիտորի մահից հարյուր տարի անց, 1890 թվականի հոկտեմբերի 1-ին Բեռլինում։

Գործող անձինք

• Բաստիեն - հովիվ (առաջին տարբերակում՝ տենոր, երկրորդում՝ դիսկանտ)
• Բաստիենա - հովվուհի (սոպրանո)
• Կոլաս - գյուղական կախարդ-խաբեբա (առաջին տարբերակում՝ բաս, երկրորդում՝ ալտ)

Հետաքրքիր փաստեր

• Օպերայի լիբրետոն հագեցած է ռամկական հումորով, և շատ բառեր ու արտահայտություններ, որոնք առաջին հայացքից անմեղ են թվում, ունեն երկրորդ, հաճախ բավականին կոպիտ իմաստ։
• Ռուսոյի «Գյուղական կախարդ» օպերան եղել է ոչ միայն Մոցարտի օպերայի ստեղծման ոգեշնչման աղբյուր, այլև կոմպոզիտոր Միխայիլ Սոկոլովսկու և դրամատուրգ Ալեքսանդր Աբլեսիմովի համար՝ ստեղծելու «Կախարդ, խաբեբա և խնամախոս ջրաղացպանը» օպերան։
• Նախերգանքի գլխավոր եղանակը գրեթե ամբողջությամբ համընկնում է Բեթհովենի «Հերոսական» սիմֆոնիայի առաջին մասին գլխավոր եղանակին։ Քիչ է հավանական, որ Բեթհովենը ծանոթ լիներ «Բաստիեն և Բաստիենա» օպերային, ավելի շուտ դա հավանաբար պարզապես համընկնում է։

Ծանոթագրություններ

Վիքիպահեստն ունի նյութեր, որոնք վերաբերում են «Բաստիեն և Բաստիենա» հոդվածին։