Աֆրիկյան պլատֆորմ

Աֆրիկյան պլատֆորմ, Աֆրիկա-արաբական, մինչքեմբրյան պլատֆորմ, ընդգրկում է Աֆրիկա մայրցամաքը (առանց Ատլասի և Կապի լեռների), Արաբական թերակղզին (առանց Օմանի լեռների) և Մադագասկար կղզին։ Հիմքը կազմված է մետամորֆացած ինտենսիվ ծալքավորված ապարներից, որոնք մեծ մասամբ ծածկված են պալեոզոյան, մեզոզոյան ու կայնոզոյան նստվածքների համարյա հորիզոնական շերտերով։ Շատ երկրաբաններ Աֆրիկյան պլատֆորմ դիտում են ենթադրյալ Գոնդվանա մայրցամաքի մի մասը։ Աֆրիկյան պլատֆորմը զբաղեցրել է գրեթե ողջ Աֆրիկայի տարածքը, բացառությամբ՝ հարավային և հյուսիսարևմտյան մասերից։ Ձևավորվել է կոնգոլեզյան, կենտրոնա-աֆրիկյան և արևմտա-աֆրիկյան պլատֆորմաների միավորման արդյունքում։

Օգտակար հանածոներ[խմբագրել | խմբագրել կոդը]

Աֆրիկյան պլատֆորմը հարուստ է զանազան օգտակար հանածոներով՝

նավթ և գազ՝ Ալժիրում, Եգիպտոսում, Լիբիաում, Նիգերիաում, Անգոլաում և այլն։
ադամանդ՝ Հարավաֆրիկյան հանրապետությունում, Անգոլաում, Լիբերիայում, Սիերա Լեոնեում և այլն։
ոսկի՝ Հարավաֆրիկյան Հանրապետությունում։
ածուխ՝ Կոնգոյի Դեմոկրատական Հանրապետությունում, Զամբիաում և այլն։
բոքսիտներ՝ Արևմտյան Սահարաում, Գվինեաում և այլն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 181)։