Արքայադստեր օրագրերը

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Արքայադստեր օրագրերը
The Princess Diaries
ԵրկիրFlag of the United States.svg ԱՄՆ
Ժանրռոմանտիկ կատակերգություն, հումորային դրամա, ֆիլմ անչափահասների համար և մանկական ֆիլմ
ՀիմքԱրքայադստեր օրագրերը[1]
Թվականօգոստոսի 3, 2001[2][3] և դեկտեմբերի 20, 2001[4]
Լեզուանգլերեն[5]
ՌեժիսորԳարի Մարշալ[2][6][7][8][9][10][11][12]
ՊրոդյուսերՈւիթնի Հյուսթոն, Դեբրա Մարտին Չեյզ և Mario Iscovich?
Սցենարի հեղինակՋինա Վենդկոստ
ԴերակատարներՋուլի Էնդրյուս[6][13][14][7][9][10][11][12], Հեկտոր Էլիզոնդո[13][7][9][12], Heather Matarazzo?[13][7][8][9][10][12], Մենդի Մուր[13][7][8][10][11], Քերոլայն Գուդոլլ[13][7][10], Պատրիկ Ֆլուգեր[13][7][10], Սանդրա Օ[13][10], Էրիկ ֆոն Դետտեն[13][7][10], Ջոել Մաքգրեյ[13], Լարի Միլլեր[13], Նիկոլ Թոմ[13], Ռենե Օբերժոնուա, Robert Coppola Schwartzman?[13][7][10], Էն Հեթուեյ[6][13][14][7][8][9][10][11][12], Stanley Frazen?[13], Tracy Reiner?[13], Էթան Սենդլեր[13], Շոն Օ'Բրայան[13][10], John McGivern?[13], Kathy Garver?[13], Lauren Maltby?[13], Mark Thompson?[13], Robert Glaudini?[13], Brian Phelps?[13], Ned Brower?[13], Sandra Taylor?[13], Barry Ratcliffe?[13], Սեմ Դենոֆֆ[13], Taylor Locke?[13], Թոդ Լոու[13] և Բոննի Աարոնս
ՕպերատորԿարլ Վալտեր Լինդենլաուբ[15]
ԵրաժշտությունՋոն Դեբնի
ՄոնտաժԲրյուս Գրին
Պատմվածքի վայրՍան Ֆրանցիսկո և Ջենովիա
Նկարահանման վայրՍան Ֆրանցիսկո, Լոս Անջելես և Կալիֆոռնիա
ԿինոընկերությունWalt Disney Pictures և Brownhouse Productions?
Տևողություն115 րոպե
Բյուջե26 միլիոն դոլար
ՀաջորդԱրքայադստեր օրագրերը 2: Ինչպես դառնալ արքայադուստր
Պաշտոնական կայքէջ

Արքայադստեր օրագրերը (անգլ.՝ The Princess Diaries, հայտնի է նաև «Ինչպես դառնալ արքայադուստր»), ամերիկյան ֆիլմ, որը նկարահանվել է 2001 թվականին ռեժիսոր Հարի Մարշալի կողմից։ Ֆիլմը նկարահանված է Մեգ Կեբոտի համանուն վեպի մոտիվներով։ Այլ դերասաններից բացի այստեղ նկարահանվել է ամերիկյան բեմի հայտնի աստղ Ջուլի Էնդրյուսը։

Սյուժե[խմբագրել | խմբագրել կոդը]

15-ամյա Միան բնակվում է Սան Ֆրանցիսկոյում և վարում է ամերիկացի սովորական դեռահասի կյանք։ Նա համեստ «գիտունիկ» է, և նրա կյանքի միակ նպատակն անտեսանելի դառնալն է։ Նա ունի միայն մեկ ընկերուհի՝ Լիլի Մոսկովիցը, ում ավագ եղբայրը՝ Մայքլը, գաղտնի սիրահարված է Միային։ Միան սիրահարված է դպրոցի ամենահայտնի տղային՝ Ջոշին։

Մի անգամ Միային է այցելում նրա տատիկը՝ Կլարիսան և հրավիրում է վերջինիս ժամանել նրա մոտ հյուրանոց։ Միան իմանում է, որ նրա հայրը մինչ մահը եղել է եվրոպական երկիր՝ Ջենովայի կրոպրինցը, իսկ իր տատիկը՝ այդ երկրի թագուհին: Իսկ ինքը պետք է դառնա Ջենովայի արքայադուստրը՝ Ամելիա Մինիոնետ Գրիմալդի Տերմոպոլիս Րենալդի (Amelia Mignonette Grimaldi Thermopolis Renaldi) և ապրի շքեղության մեջ, կամ էլ միշտ մնա «անտեսանելի» ողջ կյանքի ընթացքում։ Բայց Միան բոլորովին չի ձգտում հարստության և համբավի։

Միան տատիկի մոտ ցուցադրում է անասելի պահվածք։ Բացի դրանից՝ Կլարիսը տպավորված է այն բանով, թե ինչքան տհաճ տեսք ունի իր թոռնուհին։ Նա որոշում է իր թոռնուհուն սովորեցնել էթիկայի կանոններին, իսկ մի ամիս հետո Միան պետք է որոշում կայացնի։ Հիմա Միան պետք է ժամանի իր տատիկի մոտ ամեն օր և ամեն ինչ գաղտնի պահի։ Թիկնապահության ղեկավար Ջեզոֆը նրան դպրոց է տանում լիմուզինով:

Տատիկը աշխատում է Միայի արտաքին տեսքի վրա և հրավիրում է մոդային իմիջմեյքեր Պաոլոյին, որի հետևանքում Միան դառնում է գեղեցկուհի։ Բայց իր լավագույն ընկերուհին նրան քննադատում է դրա համար։ Նրանք վիճում են, սակայն Միան պատմում է Լիլիին իր գաղտնիքը, և նրանք հաշտվում են։ Այդ ժամանակ շատախոս Պաոլոյից լրագրողները իմանում են, որ Միան Ջենովայի նոր արքայադուստրն է և ամենուր հետապնդում են նրան։

Առաջին ընդունելության ժամանակ Միան ամեն ինչ փչացնում և մտնում է վատ իրավիճակի մեջ։ Բայց ժամանակի ընթացքում նա հարմարվում է և սովորում։ Անտեսանելի մարդուց նա դառնում է դպրոցի ամենահայտնի աղջիկը։ Ջոշը բաժամնվում է իր սիրած աղջկանից և Միային հրավիրում լողափում տեղի ունեցող խնջույքին։ Բայց այդ օրը Մայքլի փորձն է, որին Միան խոստացել է գնալ, իսկ Լիլիի մոտ՝ հեռուստանախագիծ, որտեղ նա նույնպես խոստացել է մասնակցել։ Աղջիկն ընտրում է խնջույքը, բայց տոնը վատ է վերջանում։ Ջոշը նրան համբուրում է տեսախցիկների առաջ՝ հայտնի դառնալու համար, իսկ դպրոցի հայտնի աղջիկները նրան մտցնում են խցիկի մեջ շորերը հանելու համար։ Միան վշտի մեջ է, բայց այնուամենայնիվ նա որոշում է գնալ պարահանդեսի և հրավիրում է Լիլիին ու Մայքլին, վերջինս հրաժարվում է։

Պարահանդեսից առաջ Միան որոշում է, որ նա արժանի չէ արքայադուստր դառնալ։ Նա պատրաստվում է փախչել և գնալ ճանապարհորդության։ Բայց իրերի մեջ գտնում է հոր թողած նամակը և հասկանում է, որ չի կարող հրաժարվել երկիրը կառավարելուց։ Նա պատրաստվում է գնալ պարահանդես, բայց անձրև է գալիս, և մեքենան չի աշխատում։ Թագուհին պատրաստ է հայտարարություն անել այն մասին, որ Միան հրաժարվել է տիտղոսից և իշխանությունը անցնում է բարոնին՝ ֆոն Տրոկենին։ Բայց Ջոզեֆը ճիշտ պահին հասցնում է նրան պարահանդես։

Միան պաշտոնապես հաստատում է, որ համաձայն է դառնալ արքայադուստր։ Ընտանիքի հետ միասին նա տեղափոխվում է Ջենովա։

Տեղեկություններ[խմբագրել | խմբագրել կոդը]

  • Ֆիլմի ռեժիսորը Հարի Մարշալն է։ Պրոդուսերներ են դարձել Դեբրա Մարտին Չեյզը և Ուիթնի Հյուսթոնը։ Էն Հեթուեյն ընտրվել է Միայի դերի համար, քանի որ Մարշալի աղջիկը՝ տեսնոլով Էնին տեսագրության մեջ, ասաց, որ նրա մազերը լավագույնն են արքայադստեր դերի համար։
  • Մարշալի բոլոր ֆիլմերում նկարահանվող Հեկտոր Էլիզոնդոն, խաղում է թիկնապահ Ջոզոֆի դերը[16]:
  • Էն Հեթուեյի խոսքերով՝ սկզբւոմ Միայի դերը պետք է կատարեր Լիվ Թայլերը, բայց հետո պրոդուսերները որոշեցին օգտագործել դիտորդների համար վատ ծանոթ դեմք։ Ավելի քան 500 դերասանուհի փորձում էին գլխավոր դերի համար։
  • Գրքի սյուժեն սահմաանվում է Նյու Յորքում, բայց ֆիլմում տեղափոխել են Սան Ֆրանցիսկո, քանի որ Մարշալի թոռնիկներն ապրում են այնտեղ։
  • Ֆիլմի 2-րդ մասը՝ «Արքայադստեր օրագրերը 2: Ինչպես դառնալ թագուհի»-ն հայտնվեց էկրանին 2004 թվականի օգոստոսին։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]