Արտեմ Մեջինյան

Արտեմ Մեջինյան
Ի ծնե անուն	Արտեմ Մեջինյան
Ծնվել է	նոյեմբերի 29, 1913; Կոթիգեղ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Երկիր	ԽՍՀՄ և Հայաստան
Մահացել է	նոյեմբերի 8, 1998 (84 տարեկան); Երևան, Հայաստան
Մասնագիտություն	քամանչահար
Գործիքներ	քամանչա
Կրթություն	Ռոմանոս Մելիքյանի անվան պետական երաժշտական քոլեջ
Պարգևներ	և

Արտեմ Մարգարի Մեջինյան (նոյեմբերի 29, 1913(1913-11-29), Կոթիգեղ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն - նոյեմբերի 8, 1998(1998-11-08), Երևան, Հայաստան), հայ քամանչահար, ՀԽՍՀ վաստակավոր արտիստ (1961), ՀԽՍՀ ժողովրդական արտիստ (1986)։

Կենսագրություն

Արտեմ Մեջինյանը ծնվել է Նոյեմբերյանի շրջանի Կոթի գյուղում։ 1932 թվականին ավարտել է տեղի միջնակարգ դպրոցը, 1932 - 1935 թվականներին սովորել է Իջևանի գյուղ-տեխնիկումում։ Իջևանում ուսանելու տարիներին որպես քյամանի նվագող, ելույթներ է ունեցել տեղի ռադիո հանգույցում։ 1934 թվականին Թբիլիսիում մասնակցել է Անդրկովկասյան ժողովրդական գործիքների օլիմպիադային, նվագել «Էշխեմեդ», «Լոռվա հովվականը» երաժշտական համարները և արժանացել ժյուրիի նախագահ, կոմպոզիտոր Ռոմանոս Մելիքյանի ուշադրությանը։ 1935 թվականին տեղափոխվել է Երևան, ընդունվել Ռոմանոս Մելիքյանի անվան երաժշտական ուսումնարանի ջութակի բաժին։ Նույն թվականին որպես քյամանչահար և շվի նվագող ընդունվել է ֆիլհարմոնիայի ժողովրդական գործիքների նվագախումբ։ 1941 թվականին ավարտել է Ռոմանոս Մելիքյանի անվան երաժշտական ուսումնարանը։ 1939 թվականին մասնակցել է Երևանում տեղի ունեցած ժողովրդական գործիքների մրցույթին։ Նույն թվականին նվագախմբի հետ մասնակցել է Մոսկվայում կայացած հայկական արվեստի և գրականության տասնամյակին՝ արժանանալով մեդալի։ 1946 թվականին ընդունվել է ՀԽՍՀ Ռադիոյի ժողովրդական գործիքների համույթ՝ որպես կոնցերտմեյստեր և մենակատար։ Աշխատանքին զուգահեռ դասավանդել է Ռ. Մելիքյանի անվան երաժշտական ուսումնարանում։ 1956 թվականին կրկին մասնակցել է Մոսկվայի հայկական արվեստի և գրականության տասնօրյակին։ Համերգներով հանդես է եկել Շարա Տալյանի, Շողիկ Մկրտչյանի, Արաքսյա Գյուլզադյանի, Վաղարշակ Սահակյանի և այլոց հետ։ Գրել է նաև երգեր հայ գրողների տեքստերի հիման վրա՝ «Ինչ իմանայի» երգը^[1],«Երգ-պար», «Արփենիկ», «Գայանե» պարերը^[2]^[3]^[4]^[5]։

Մրցանակներ, պարգևներ

ՀԽՍՀ վաստակավոր արտիստ (1961)
ՀԽՍՀ ժողովրդական արտիստ (1986)
«Պատվո նշան» շքանշան
ՀԽՍՀ ԳԽ պատվոգիր

Ծանոթագրություններ

↑ Ինչ իմանայի, Խոսք` Ռոզա Մելիքյանի, երաժշտությունը՝ Արտեմ Մեջինյանի
↑ «Music of Armenia Արտեմ Մեջինյան». Արխիվացված է օրիգինալից 2017 թ․ մայիսի 14-ին. Վերցված է 2015 թ․ հունվարի 19-ին.
↑ «Արտեմ Մեջինյանի կենսագրությունը zarkfoundation.com կայքում».
↑ Հարգանք առ մեծ երաժիշտը
↑ «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007։

[1] Ինչ իմանայի, Խոսք` Ռոզա Մելիքյանի, երաժշտությունը՝ Արտեմ Մեջինյանի

[2] «Music of Armenia Արտեմ Մեջինյան». Արխիվացված է օրիգինալից 2017 թ․ մայիսի 14-ին. Վերցված է 2015 թ․ հունվարի 19-ին.

[3] «Արտեմ Մեջինյանի կենսագրությունը zarkfoundation.com կայքում».

[4] Հարգանք առ մեծ երաժիշտը

[5] «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007։

[1]

[2]

[3]

[4]

[5]