Արամ Ղուկասյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Արամ Ղուկասյան
Арам Григорьевич Гукасян.jpeg
Ծնվել էօգոստոսի 14, 1901(1901-08-14)
ԾննդավայրԹիֆլիս, Ռուսական կայսրություն
Մահացել էսեպտեմբերի 27, 1972(1972-09-27) (71 տարեկանում)
Մահվան վայրՄոսկվա, ԽՍՀՄ
Ազգությունհայ[1]
ԿրթությունՄոսկվայի պետական համալսարան
Մասնագիտությունթերապևտ
Գիտական աստիճանբժշկական գիտությունների դոկտոր և պրոֆեսոր
ՊարգևներՀոկտեմբերյան հեղափոխության շքանշան, Աշխատանքային Կարմիր դրոշի շքանշան, Հայրենական պատերազմի I աստիճանի շքանշան և Հայրենական պատերազմի II աստիճանի շքանշան

Արամ Ղուկասյան (օգոստոսի 14, 1901, Թիֆլիս - սեպտեմբերի 27, 1972, Մոսկվա, ԽՍՀՄ), հայ թերապևտ, բժշկական գիտությունների դոկտոր (1938), պրոֆեսոր (1938), ՌԽՖՍՀ գիտության վաստակավոր գործիչ (1961), ԽՍՀՄ ԲԳԱ թղթակից անդամ (1965)[2][3]։

Կենսագրություն[խմբագրել | խմբագրել կոդը]

1926 թվականին ավարտել է Մոսկվայի համալսարանի բժշկական ֆակուլտետը, այնուհետև՝ Կարմիր պրոֆեսուրայի, Փիլիսոփայության և բնագիտության ինստիտուտը։ Բժշկական գործունեության հետ միաժամանակ ղեկավարել է Մոսկվայի կինեմատոգրաֆիայի ինստիտուտի դիալեկտիկական և պատմական մատերիալիզմի ամբիոնը։ 1938 թվականից՝ Մոսկվայի I բժշկական ինստիտուտի սանիտարա-հիգիենային ֆակուլտետի ֆակուլտետային թերապիայի ամբիոնի վարիչ։ Մասնակցել է Հայրենական մեծ պատերազմին։ 1947 թվականից եղել է ԽՍՀՄ առողջապահության նախարարության բժշկական ուսումնական հաստատությունների գլխավոր վարչության պետ, կոլեգիայի անդամ, իսկ 1961-1968 թվականներին՝ 4-րդ գլխավոր վարչության գլխավոր թերապևտ։ 1963-1972 թվականներին ղեկավարել է Մոսկվայի N1 բժշկական ինստիտուտի բուժական ֆակուլտետի ֆակուլտետային թերապիայի ամբիոնը։ 1964-1972 թվականներին եղել է «Տերապևտիչեսկի արխիվ» (Терапевтический архив) ամսագրի գլխավոր խմբագիր[2][3]։

Գիտական գործունեություն[խմբագրել | խմբագրել կոդը]

Ղուկասյանի գիտական աշխատությունները նվիրված են մարսողական օրգանների ախտաբանությանը։ Մշակել է գաստրոգեն սակավարյունությունների կլինիկական ընթացքը, հետազոտել է երիկամների, սիրտ-անոթային համակարգի հիվանդությունները։ Ղուկասյանն զբաղվել է նաև հայրենական թերապիայի պատմության հարցերով[2][3]։

Պարգևներ[խմբագրել | խմբագրել կոդը]

Երկեր[խմբագրել | խմբագրել կոդը]

  • Болезни кишечника, 1964
  • Хронический алкоголизм и состояние внутренних органов, 1973
  • Эволюция отечественной терапевтической мысли, 1973

Ծանոթագրություններ[խմբագրել | խմբագրել կոդը]

  1. Армянские учёные-медики — 1998.
  2. 2,0 2,1 2,2 Հայկական Սովետական Հանրագիտարան։ Երևան: Հայկական Հանրագիտարան Հրատարակչություն։ 1981։ էջ հատոր 7, 52 
  3. 3,0 3,1 3,2 А. П. Айриян (1998)։ Армянские учёные-медики։ Ереван: Амарас։ էջ 45։ ISBN 99930-1-001-7