Զաբել Արամ
Զաբել Արամ | |
---|---|
Ծնվել է | 1893 Պարտիզակ |
Մահացել է | 1986 Նյու Յորք, Նյու Յորք, ԱՄՆ |
Ժանրեր | օպերա |
Մասնագիտություն | երգչուհի |
Երգչաձայն | սոպրանո |
Գործիքներ | վոկալ |
Զաբել Արամ (նախկին անունը՝ Թագուհի, ամուսնական ազգանունը Փանոսյան, անգլ.՝ Zabelle Panosian, Զապել Փանոսեան, 1893, Պարտիզակ - 1986, Նյու Յորք, Նյու Յորք, ԱՄՆ), հայ օպերային երգչուհի (սոպրանո)։
Կենսագրություն[խմբագրել | խմբագրել կոդը]
Զաբել Արամը ծնվել է 1893 թվականին Պարտիզակում։ Հայրը՝ Տիգրանը, սերել է Պարտիզակի Տ. Մեսրոպյանների ընտանիքից։ Նախնական կրթություն ստացել է տեղի Շուշանյան վարժարանում։ 1907 թվականից բնակվել է ԱՄՆ-ում։ Ամուսնացել է լուսափորագրանկարիչ, պարտիզակցի ձեռներեց Արամ Սարգիս Փանոսյանի հետ։ Աշակերտել է երգչուհի Գերթրուդ Դահենային։ 1908-1920 թվականներին ապրել է Բրուքլինում։ Այդ տարիներին հանդես է եկել Բոստոնի օպերային թատրոնում։ Կատարելագործվել է Իտալիայում, Ֆրանսիայում և Շվեյցարիայում։ 1917 թվականին Կոմիտասի մշակմամբ «Կռունկ» երգը ձայնագրել է Նյու Յորքում[1][2]։ 1919 թվականից հանդես է եկել մենահամերգներով։ Հռոմում հաջողություն է ունեցել Ջիլդայի («Ռիգոլետտո») և Ռոզինայի («Սևիլյան սափրիչ») դերերգերով։ Հյուրախաղերով շրջագայել է Անգլիայում, Իսպանիայում, Ավստրիայում, Եգիպտոսում, Արգենտինայում։ Ելույթներ է ունեցել դստեր՝ պարուհի Ադրինայի (Ադրինա Օտերո) հետ[3][4]։
Ժամանակակիցներ Թորգոմ Բեզազյանի և Արմենակ Շահմուրադյանի հետ Փանոսյանը 1915-1919 թվականներին ակտիվորեն զբաղվել է հայկական դրամահավաքներով[5][6]։
Ծանոթագրություններ[խմբագրել | խմբագրել կոդը]
- ↑ ««Կռունկ» երգի 1916 թվականի բացառիկ ձայնագրություն. arevelk.am».
- ↑ «Zabelle Panosian | Music of Armenia». musicofarmenia.com (անգլերեն). Արխիվացված է օրիգինալից 2019 թ․ հուլիսի 30-ին. Վերցված է 2019 թ․ հունվարի 10-ին.
- ↑ Ա. Բախչինյան, «Հայազգի գործիչներ»
- ↑ Nagoski, Ian (2015 թ․ սեպտեմբերի 14). «How Could Such Beauty Be Left Behind?». The Armenian Weekly (ամերիկյան անգլերեն). Վերցված է 2019 թ․ հունվարի 10-ին.
- ↑ «Zabelle Panosian». Music of Armenia. Արխիվացված է օրիգինալից 2019 թ․ հուլիսի 30-ին. Վերցված է 2020 թ․ օգոստոսի 23-ին.
- ↑ «How Could Such Beauty Be Left Behind?». Armenian Weekly. 2015 թ․ սեպտեմբերի 14. Վերցված է 2020 թ․ օգոստոսի 23-ին.
Արտաքին հղումներ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- Mgrdich Bodourian, Hay Hanrakidag, 1938 Boukresh, Part 2