Աննա Ռադիուս

Վիքիպեդիայից՝ ազատ հանրագիտարանից
Jump to navigation Jump to search
Աննա Ռադիուս
Neera Anna Zuccari Radius.jpg
Ծննդյան անունֆր.՝ Anna Zuccari
Ծնվել էմայիսի 7, 1846(1846-05-07)[1]
ԾննդավայրՄիլան, Ավստրիական կայսրություն, Գերմանական միություն
Վախճանվել էհուլիսի 13, 1918(1918-07-13)[1] (72 տարեկանում)
Վախճանի վայրՄիլան, Իտալիայի թագավորություն
Գրական անունNeera
Մասնագիտությունգրող
Լեզուիտալերեն
ՔաղաքացիությունFlag of Italy (1861–1946).svg Իտալիայի թագավորություն
Ժանրերարձակ
Գրական ուղղություններվերիզմ
ԱմուսինQ61640054?
ԶավակներQ61640081?
Neera Վիքիպահեստում

Աննա Ռադիուս (իտալ.՝ Anna Zuccari Radius, մինչև ամուսնությունը` Զուկարի, մայիսի 7, 1846(1846-05-07)[1], Միլան, Ավստրիական կայսրություն, Գերմանական միություն - հուլիսի 13, 1918(1918-07-13)[1], Միլան, Իտալիայի թագավորություն), իտալացի գրող, հայտնի է Նեերա կեղծանվամբ:

Կենսագրություն[խմբագրել | խմբագրել կոդը]

Ճարտարապետի դուստր է: Մեծացել է Կարավաջոյում: 10 տարեկանում կորցրել է մորը: Մեծացել է հարազատների ընտանիքում: 1871 թվականին ամուսնացել է բանկիր Էմիլիո Ռադիուսի հետ: 1875 թվականից հաճախել է գրական խմբակներ, որտեղ ծանոթացել է գրական վերիզմ ուղղության հայտնի ներկայացուցիչներ Ջովանի Վերգայի և Լուիջի Կապուանայի հետ: Ինքը ևս հարում էր այդ ուղղությանը:

Ստեղծագործություն[խմբագրել | խմբագրել կոդը]

Բեղմնավոր և հաջողակ գրող է, նրա ստեղծագործությունների հիմնական թեմատիկան հասարակության մեջ կնոջ դերի վերլուծությունն է:

Գրող Ա. Ռադիուսի շիրմաքարը

Նրա առաջին` «Il Pungolo» պատմվածքը հրատարակվել է 1875 թվականին: Համագործակցել է մի շարք գրական ամսագրերի հետ: 1890 թվականին հիմնել է իր «Vita Intima» ամսագիրը: Իր պատմվածքներում ու վեպերում, որոնք հաճախ վերաբերվում էին սոցիալական թեմաների, Ա. Ռադիուսը ցուցաբերում է մեծ դիտողականություն և համարձակորեն պատկերում է իր ժամանակակից կյանքի տհաճ կողմերը: Առաջին անգամ իր վրա ուշադրություն է հրավիրել «Marcello», «Un Romanzo», «Addio», «Un nido», «Vecchie catene» և այլ պատմվածքներով: Ավելի ուշ նրա կողմից հրատարակվել են «Iride» (1880) պատմվածքների ժողովածուն և «Il castigo», «Il maritò dell’amica», «Teresa», «Senio», «Nel sogno» (1893) վեպերը: Չնայած հաջողությանն ու հայտնիությանը, Ա. Ռադիուսը կարծում էր, որ կնոջ տեղն ընտանիքում է և տանը` համարելով դա իսկական ֆեմինիզմ:

Մահացել է Միլանում, օնկոլոգիական հիվանդությունից: Մահից առաջ նա թելադրել է իր հուշերը, որոնք տպագրվել են հետմահու` «19-րդ դարի երիտասարդ մարդու դիմանկարը» խորագրով:

Թաղված է Միլանի մոնումենտալ գերեզմանատանը:

Ստեղծագործություններ[խմբագրել | խմբագրել կոդը]

  • Un romanzo (վեպ, 1876)
  • Addio! (վեպ, 1877)
  • Il castigo (1881)
  • Dizionario d’igiene per le famiglie (Ընտանեկան հիգիենայի բառարան) (Պաոլո Մանտեգացցայի հետ համահեղինակությամբ, 1881)
  • Teresa (վեպ, 1886)
  • Lydia (վեպ, 1887)
  • L’indomani (Վաղը) (վեպ, 1890)
  • Il libro di mio figlio (էսսե, 1891)
  • Battaglie per un’idea (էսսե, 1897)
  • Battaglie per un’idea (էսսե, 1898)
  • Le idee di una donna (Կանացի միտք) (1903)
  • Il marito dell’amica (վեպ)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]