Աննա Կալանդաձե

Աննա Կալանդաձե վրացերեն՝ ანა კალანდაძე
Ծնվել է	դեկտեմբերի 15, 1924(1924-12-15)
Ծննդավայր	Խիդիսթավ, Վրացական Խորհրդային Սոցիալիստական Հանրապետություն, ԽՍՀՄ
Վախճանվել է	մարտի 11, 2008(2008-03-11) (83 տարեկան)
Վախճանի վայր	Թբիլիսի, Վրաստան
Գերեզման	Մթածմինդա
Մասնագիտություն	բանաստեղծուհի, թարգմանիչ և գրող
Քաղաքացիություն	ԽՍՀՄ և  Վրաստան
Կրթություն	Թբիլիսիի պետական համալսարան
Պարգևներ	«Պատվո նշան» շքանշան Պատվի շքանշան Շոթա Ռուսթավելու անվան պետական մրցանակ «Գալակտիոն» մրցանակ Վրաստանի պետական մրցանակ և Սաբա մրցանակ
Ամուսին	Shalva Mchedlishvili?

Աննա Կալանդաձե (վրացերեն՝ ანა კალანდაძე, դեկտեմբերի 15, 1924(1924-12-15), Խիդիսթավ, Վրացական Խորհրդային Սոցիալիստական Հանրապետություն, ԽՍՀՄ - մարտի 11, 2008(2008-03-11), Թբիլիսի, Վրաստան), վրացի բանաստեղծուհի, թարգմանչուհի, ակադեմիկոս, վրաց ժամանակակից պոեզիայի կարկառուն դեմքերից։

Կենսագրություն

Աննա Կալանդաձեն ծնվել է 1924 թվականին, Վրաստանի Ճոխաթաուրիի շրջանի Խիդիսթավի գյուղում։ Ավարտել է Թբիլիսիի պետական համալսարանի բանասիրական ֆակուլտետը։

Բանաստեղծական բազմաթիվ գրքերի հեղինակ է, թարգմանված է աշխարհի շատ լեզուներով, այդ թվում՝ հայերեն։ Զբաղվել է եռանդուն թարգմանական աշխատանքով։

Աշխատել է Վրաստանի Գիտությունների ազգային ակադեմիայի լեզվագիտության ինստիտուտում։

Վրաստանի պետական, Շոթա Ռուսթավելու, Գալակտիոն Տաբիձեի և այլ մրցանակների դափնեկիր է։

Մահացել է 2008 թվականին, մարմինն անփոփված է Մթածմինդայի պանթեոնում։

Աննա Կալանդաձեն հայերեն

• «Ես մի գեղեցիկ ընկեր ունեի...»; «Ձեռքդ պահիր կրծքիս վրա, երկիր վրաց...»; Քյալլա թափա (բանաստեղծություններ)։ Վրացական պոեզիա, Ե., «Արմավ», 2017, էջ 5-7։ Թարգմ.՝ Գագիկ Դավթյան։