Անթրոպոլոգիայի ազգային թանգարան (Մեխիկո)

Անթրոպոլոգիայի ազգային թանգարան; իսպ.՝ Museo Nacional de Antropología (MNA)
Տեսակ	ազգային թանգարան, թանգարանի շենք, հնագիտական թանգարան և թանգարան
Երկիր	Մեքսիկայի Միացյալ Նահանգներ
Տեղագրություն	Միգել Իդալգո
Վայր	Primera Sección del Bosque de Chapultepec?
Մասն է	Մարդաբանության և պատմության ազգային ինստիտուտ
Ղեկավարության նստավայր	Մեխիկո, Մեքսիկայի Միացյալ Նահանգներ
Հասցե	Av. Paseo de la Reforma esq. Calz. Gandhi s/n , Col. Chapultepec Polanco , 11560 և Avenida Paseo de la Reforma s/n, Chapultepec Polanco, Miguel Hidalgo, 11560, Ciudad de México, México11560Պասեո դե լա Ռեֆորմա պողոտա ()
Հիմնադրվել է	1964
Մակերես	8 հեկտար
Այցելուներ	2 000 000 մարդ
	19°25′34″N 99°11′10″W / 19.42611°N 99.18611°W
Կայք	mna.inah.gob.mx(իսպ.)

Անթրոպոլոգիայի ազգային թանգարան, (իսպ.՝ Museo Nacional de Antropología), Մեքսիկայի և Լատինական Ամերիկայի կարևորագույն և ամենաշատ այցելուներ ունեցող թանգարաններից մեկն է։ Գտնվում է Չապուլտեպեկ զբոսայգում՝ Պասեո դե լա Ռեֆորմա պողոտայի և Մահաթմա Գանդի փողոցների մոտ։ Թանգարանն ունի էական հնագիտական և մարդաբանական արժեքներ Մեքսիկայի նախակոլումբյան ժառանգությունից, ինչպիսիք են քարե արևը (կամ ացտեկների քարե օրացույցը) և 16-րդ դարի ացտեկական Xochipilli արձանը^[3]։

Ճարտարապետություն

Շենքը նախագծվել է 1964 թվականին Պեդրո Ռամիրես Վասկեսի, Ջորջ Կամպուզանոյի և Ռաֆայել Միխարեսի կողմից։ Շենքն ունի գեղեցիկ ճարտարապետական լուծում ցուցասրահներով, բակի լճակով, ընդարձակ տարածքում բարձրացող մեկ սյունի վրա հենված հովանոցով, որը հայտնի է որպես "el paraguas" (իսպաներեն՝ հովանոց), որի շուրջ տարածվում է արհեստական կասկադը։ Սրահները կապված են զբոսայգիներով, որոնցից շատերն ունեն բացօթյա ցուցադրություն։ Թանգարանն ունի ցուցադրությունների 23 սենյակներ և զբաղեցնում է 79.700 քառակուսի մետր տարածք (գրեթե 8 հա)։

Սրահների թեմատիկան

Անթրոպոլոգիայի (մարդաբանության) ներածություն
Ամերիկայի բնակեցում
Մեքսիկական բարձրավանդակը մինչկլասիցիզմյան դարաշրջան
Թեոթիհուական
Տոլտեկներ
Ացտեկներ
Օախակա
Մեքսիկական ծոցի ափը
Մայաներ
Հյուսիսային ժողովուրդների մշակույթը
Արևմտյան ժողովուրդների մշակույթը

Անվանում

Պատմության ազգային թանգարանը (Museo Nacional de Historia), որը տեղակայված է Չապուլտեպեկ ամրոցի տարածքում, ուսումնասիրում և Նոր Իսպանիայի տարածաշրջանը և ժամանակակից Մեքսիկան մինչև 20-րդ դար, և այս կառույցը չպետք է շփոթել Անթրոպոլոգիայի ազգային թանգարանի հետ։

Այնուամենայնիվ, երկու թանգարանները կառավարող վարչական մարմինը Մարդաբանության և պատմության ազգային ինստիտուտն է (Instituto Nacional de Antropología e Historia)։