Անդրեյ Բաբիշ

Վիքիպեդիայից՝ ազատ հանրագիտարանից
Անդրեյ Բաբիշ
 
Կուսակցություն՝ ANO 2011?[1][2]
Կրթություն՝ University of Economics in Bratislava?
Մասնագիտություն՝ գործարար, քաղաքական գործիչ, տնտեսագետ և ձեռնարկատեր
Ծննդյան օր սեպտեմբերի 2, 1954(1954-09-02)[3][4][5][…] (69 տարեկան)
Ծննդավայր Բրատիսլավա, Չեխոսլովակիա[6][7]
Քաղաքացիություն  Սլովակիա և  Չեխիա[8]
Ամուսին Monika Babišová?[9]
Զավակներ Andrej Babiš Jr.?, Adriana Bobeková?, Vivien Babišová? և Frederik Babiš?
 
Ինքնագիր Изображение автографа
 
Պարգևներ

Անդրեյ Բաբիշ (չեխ․՝ Andrej Babiš; սեպտեմբերի 2, 1954(1954-09-02)[3][4][5][…], Բրատիսլավա, Չեխոսլովակիա[6][7]), չեխ գործարար, սլովակյան ծագմամբ պետական և քաղաքական գործիչ։ 2017 թվականի դեկտեմբերի 6-ից Չեխիայի վարչապետ։ 2014 թվականի հունվարի 29-ից մինչև 2017 թվականի մայիսի 24-ը՝ Չեխիայի Հանրապետության ֆինանսների նախարար և կառավարության նախագահի առաջին տեղակալ։ Միլիարդատեր, Չեխիայում երկրորդ մարդը, Agrofert-ի անդրազգային ագրոհոլդինգի սեփականատերը և մեդիամագնատը։ ANO (Դժգոհ քաղաքացիների ակցիա) կուսակցության ղեկավար։

Կենսագրություն[խմբագրել | խմբագրել կոդը]

Հայրը՝ Շտեֆան Բաբիշը, աշխատել է ՄԱԿ-ում որպես առևտրային խորհրդատու և ներկայացրել է Չեխոսլովակիան GATT-ի բանակցություններում։ Դրա շնորհիվ Անդրեյ Բաբիշը սովորել է Ժնևի գիմնազիայում։

Ավարտել է Բրատիսլավայի տնտեսագիտական համալսարանը, մասնագիտացել է միջազգային առևտրի ոլորտում։

Բարձրագույն կրթություն ստանալուց հետո աշխատել է PZO Chemapol Bratislava ձեռնարկությունում։ 1980 թվականին դարձել է Չեխոսլովակիայի երիտասարդական միության անդամ։ Սլովակիայի ժողովրդի հիշատակի ինստիտուտի տեղեկատվության համաձայն՝ 1982-1985 թվականներին եղել է SտB պետական անվտանգության Չեխոսլովակիայի ծառայության Bureš-ի գաղտնի իրազեկիչը[11]։

Մայր՝ Ադրիանա Բաբիշ (Շեիբների դուստր) (1927-2008), ծնվել է Յասինյա գյուղում, որն այդ ժամանակ Չեխոսլովակիայի կազմի մեջ էր մտնում (այսօր Ռախովսկի շրջան, Զակարպատսկայա մարզ, Ուկրաինա)։ Յասինում ապրել է իր ընտանիքի հետ մինչև Երկրորդ համաշխարհային պատերազմի ավարտը։

Գործարար գործունեություն[խմբագրել | խմբագրել կոդը]

1985 թվականին աշխատանքի է անցել Բրատիսլավայի Petrimex արտաքին առևտրային ընկերությունում, աշխատել է Մարոկկոյում։ 1990 թվականին դարձել է Petrimex-ի տնօրեն և նախաձեռնել է ձեռնարկության Պրահայի մասնաճյուղի ստեղծումը։ 1993 թվականի  հունվարի 25-ին Պրահայի Petrimex-ը վերանվանվել է Agrofert, որն էլ գլխավորել է Բաբիշը։ Ներկայումս Agrofert ագրոքիմիական հոլդինգի միակ սեփականատերն է, որը նրա ղեկավարությամբ դարձել է Չեխիայի խոշորագույն ընկերություններից մեկը, դրա կազմում ընդգրկված են շուրջ 200 ընկերություններ Չեխիայից, Սլովակիայից, Լեհաստանից, Հունգարիայից, Գերմանիայից, Նիդերլանդներից՝ որի մեջ ներառված էր գրեթե 18 հազար մարդ[12]։ Ֆորբս ամսագիրը 2015 թվականին Բաբիշի կարողությունը գնահատել է 2,5 միլիարդ դոլար[13]։

Պետական գործունեություն[խմբագրել | խմբագրել կոդը]

2001 թվականից մոտ է եղել Չեխիայի ներկայիս նախագահ Միլոշ Զեմանին։

2011 թվականին հիմնադրել է ANO 2011 կուսակցությունը (Չեխական անվան հապավումը դժգոհ քաղաքացիների ակցիա)։ Նոր կուսակցության նպատակներն էին կոռուպցիայի և քաղաքական կյանքի այլ թերությունների դեմ պայքարը՝ Չեխիայում քաղաքական սկանդալների շարքից հանրային դժգոհության ֆոնին։

2013 թվականի խորհրդարանական ընտրությունների արդյունքներով կուսակցությունը ստացել է ձայների 18,65 տոկոսը, 47 տեղ և 200 տեղ՝ Պատգամավորների պալատում։ Ընտրություններից հետո ձևավորված Բոգուսլավ Սոբոտկայի կոալիցիոն կառավարությունում կուսակցությունը ստացել է 6 նախարարական պորտֆել, Անդրեյ Բաբիշը դարձել է տնտեսության գծով առաջին փոխվարչապետն ու ֆինանսների նախարարը։ 2017 թվականի մայիսի 24-ին կառավարական ճգնաժամի ֆոնին ազատվել է զբաղեցրած պաշտոններից[14]։

2017 թվականի խորհրդարանական ընտրությունների արդյունքներով Անդրեյ Բաբիշի ANO 2011 կուսակցությունը զբաղեցրել է առաջին տեղը՝ ստանալով ընտրողների ձայների 29,64 տոկոսը և 78 տեղ Չեխիայի խորհրդարանում՝ 200-ից։

Քննադատություն[խմբագրել | խմբագրել կոդը]

Բաբիշին ԶԼՄ-ներն և ընդդիմադիր կուսակցությունները քննադատում են որպես օլիգարխ, որի բարձր պաշտոնն իր հետ բերում է շահերի բախում՝ իր առևտրային մոտիվներով։ Այդ պատճառով նրան համեմատել են Սիլվիո Բերլուսկոնիի հետ. օրինակ, Foreign Policy ամսագիրը նրան անվանել է «Բաբիսկոնի», ինչին ի պատասխան Բաբիշը սպառնացել է դատի տալ[15]։

2018 թվականի ապրիլի 9-ին Չեխիայի ավելի քան 20 քաղաքներում տեղի են ունեցել հանրահավաքներ՝ ընդդեմ Անդրեյ Բաբիշի՝ Չեխիայի Հանրապետության վարչապետ նշանակվելուն։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ 1,0 1,1 Czech Statistical Office Otevřená data pro volby do Poslanecké sněmovny Parlamentu ČR 2021 konané dne 8.10. - 9.10.2021
  2. ↑ 2,0 2,1 Naši politici
  3. ↑ 3,0 3,1 http://www.vlada.cz/en/clenove-vlady/andrej-babis-115426/
  4. ↑ 4,0 4,1 Կերպարվեստի արխիվ — 2003.
  5. ↑ 5,0 5,1 Բրոքհաուզի հանրագիտարան (գերմ.)
  6. ↑ 6,0 6,1 6,2 Չեխիայի ազգային գրադարանի կատալոգ
  7. ↑ 7,0 7,1 7,2 Evidence zájmových osob StB
  8. ↑ Babiš a české občanství. Pomohla mu změna zákona (չեխերեն) // Seznam Zprávy — 2016.
  9. ↑ Blesk (չեխերեն) — Praha: Czech News Center, 2017. — ISSN 1210-5333; 1213-8991
  10. ↑ https://www.sisyfos.cz/clanek/1319-zlaty-bludny-balvan-v-kategorii-druzstev-za-rok-2018-tomio-okamura-vera-adamkova-andrej-babis-a-dalsi-hvezdy-ceskeho-politickeho-nebe
  11. ↑ Kompletní spis spolupracovníka StB Andreje Babiše — Aktuálně.cz
  12. ↑ Кашапов Тимур Who is мистер Бабиш? Արխիվացված 2015-10-30 Wayback Machine
  13. ↑ Andrej Babis on Forbes Lists(անգլ.)
  14. ↑ Zeman při odvolání Babišovi poděkoval, při jmenování glosoval údajnou Pilného lakotu Արխիվացված 2017-07-29 Wayback Machine.
  15. ↑ «Now the Czechs Have an Oligarch Problem, Too». Foreign Policy. 2015 թ․ ապրիլի 10. Վերցված է 2015 թ․ հունիսի 17-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Անդրեյ Բաբիշ» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Անդրեյ_Բաբիշ&oldid=9751204» էջից