Ալթընթափե

Վիքիպեդիայից՝ ազատ հանրագիտարանից
Jump to navigation Jump to search
Ալթընթափե
Տեսակ լեռ
Երկիր Flag of Turkey.svg Թուրքիա
Վարչատարածքային միավոր Էրզինջանի նահանգ

Ալթընթափե, լեռ Հայկական լեռնաշխարհում, Կարին (Էրզրում)-Սեբաստիա (Ավազ) երկաթուղու մոտ, Երզնկայի շրջանում։ 1938 թվականին այստեղ հայտնաբերվեցին հնագիտական նյութեր, որոնք գերմանացի Հանս Հեննինկը վերագրում էր ուրարտական շրջանին (VII-VIII դարեր մ.թ.ա)։ Ալթընթափեում Արգիշտի Բ-ի (714-680) կառուցած ամրոցը եղել է ուրարտական պետության արևմտյան շրջանների կենտրոնը։ Այն կառուցված է եղել 60 մ բարձրությամբ զառիթափ բլրի կատարին, շրջապատված 12 մ հաստությամբ կրկնակի պատերով, որոնք շարված են տաշած քարերով։ 1959 թվականի պեղումների ժամանակ հայտնաբերվել են տաճարի, մթերանոցների, դամբարանների, բացօթյա սրբավայրի, ընդունասրահի հետքեր, գեղեցիկ որմնանկարներ, շատ նման Էրեբունիի կառույցներին ու արվեստին։ Գ. Ղափացյանի կարծիքով, այստեղ է գտնվելիս եղել Հայասկան Ուրու քաղաքը և եղած նյութերն էլ վերաբերում են Հայասային։ Հ. Մանանդյանի կարծիքով Ալթընթափեի տեղում նստել է Բալա և Դումանա երկրների խեթական փոխարքան, այստեղ էլ գտնվել է Պատտիյարիկ քաղաքը[1]։

Ծանոթագրություններ[խմբագրել | խմբագրել կոդը]

  1. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 77 — 992 էջ։