Ալեքսեյ Ակիմով
| Ալեքսեյ Ակիմով | |
|---|---|
 | |
| Ծնվել է | մայիսի 28, 1986 (38 տարեկան) Մոսկվա, ԽՍՀՄ |
| Երկիր |  ԱՄՆ |
| Մասնագիտություն | կոմպոզիտոր, երաժիշտ, կիթառահար, երաժշտական պրոդյուսեր և պրոդյուսեր |
| Գործիքներ | կիթառ |
| Լեյբլ | Bungalo Records?, Universal Music Group, Capitol Records և EMI |
| Կրթություն | Los Angeles College of Music? |
| Կայք | alexfeather.com |
 Alex Feather Վիքիպահեստում | |
Ալեքսեյ Ակիմով (ռուս.՝ Алексей Юрьевич Акимов, մայիսի 28, 1986, Մոսկվա, ԽՍՀՄ), ռուս կիթառահար։
Կենսագրություն
[խմբագրել | խմբագրել կոդը]Դասական կիթառով սկսել է զբաղվել վաղ տարիքից` Նատալյա Կրամսկայայի ղեկավարությամբ։ Ալեքսեյի վրա հատուկ ազդեցություն է ունեցել «The Beatles» խումբը։ Դեռ դպրոցում Ալեքսեյն սկսել է կիթառ նվագել տարբեր ռոէ–խմբերում, այս ժամանակաշրջանին են պատկանում նաև նրա կողմից գրված առաջին երգերը, ի դեպ՝ նախ` անգլերեն բառերով։
Միջնակարգ դպրոցն ավարտելուց հետո, 2002 թվականին, Ալեքսեյ Ակիմովը ընդունվել է Էսրադային ջազային արվեստի պետական ուսումնարան, որը հաջողությամբ ավարտել է 2006 թվականին։ Սովորելով այնպիսի մանկավարժների մոտ, ինչպիսիք են Ալեքսանդր Կուտեյնիկովը, Դմիտրի Անդրիանովը, Լիան Մեյը, Ալեքսեյն իր համար բացահայտել է ռոք երաժշտությունը։
Ռուսաստան
[խմբագրել | խմբագրել կոդը]Էսրադային ջազային արվեստի պետական ուսումնարանում սովորելու ընթացքում Ալեքսեյն աշխատել է մի քանի երաժշտական խմբերի հետ. 2002-2003 թվականներին` «Աղջիկներ» (ռուս.՝ Девочки)[1], 2003-2004 թվականներին` «Էթնիկա» (ռուս.՝ Этника), 2004 թվականին՝ «K3», 2006 թվականին՝ «Մետաղի կորոզիա» (ռուս.՝ Коррозия Металла) խմբերի հետ։
Կրթությունը ԱՄՆ-ում
[խմբագրել | խմբագրել կոդը]2006 թվականին Էստրադային ջազային արվեստի պետական ուսումնարանն ավարտելուց հետո Ալեքսեյը ստացել է կրթաթոշակ և մեկնել է սովորելու ԱՄՆ` Լոս Անջելեսի երաժշտական ակադեմիայում, որը գերազանցությամբ ավարտել է 2008 թվականին։ Ալեքսեյը սովորել է այնպիսի երաժիշտների մոտ, ինչպիսիք են Գրեգ Հոուն, Ֆրենկ Գամբալեն, Սթիվ Ֆիսթերը և շատ ուրիշներ։
Աշխատանքը ԱՄՆ-ում
[խմբագրել | խմբագրել կոդը]2007 թվականին Ալեքսեյը անցնում է լսումները և աշխատանք է ստանում ամերիկական Ziv խմբում[2], որի հետ շրջագայում է 15 նահանգում և 183 քաղաքում։ 2008 թվականին Ալեքսեյը վերցնում է «Feather» (փետուր) մականունը։ Պատասխանելով այն հարցին, թե ինչու է ընտրել այդ անունը, Ալեքսեյը պատասխանում է․ «Ես ընդամենը մի փետուր եմ հրեշտակների քաղաքում»։ 2009 թվականին Ալեքսը, Ziv–ից հեռանալուց հետո, հրավիրվում է կիթառահար, «REFLEX» խմբի նախկին վոկալիստ Իրինա Նելսոնինի կողմից[3], որտեղ նա զբաղեցրել է նաև մենեջերի պաշտոնը։ Նախագիծը պայմանագիր է ստորագրում Bungalo / Universal Music Group- ի հետ, իսկ Իրինայի դեբյուտային «Sunrise» («Արևածագ») սինգլը հասել է Billboard-ի աղյուսակի 36 դիրքին[4] և ստացել ավելի քան մեկ միլիոն դիտում YouTube կայքում[5]։ 2011 թվականի հունվարի 11-ին, Ալեքսեյը մասնակցել է Բրիտնի Սպիրզի «Hold It Against Me» նոր երգի ձայնագրությանը[6]։
Կինո
[խմբագրել | խմբագրել կոդը]2008-ին Ալեքսեյը ձայնագրել է ամերիկյան «Lie Fast, Die Young» ֆիլմի սաունդթրեքն ու մասնակցել դրա նկարահանումներին[7]։
Էմինեմ և Ռիհաննա
[խմբագրել | խմբագրել կոդը]2010 թվականին Ալեքսեյը հրավիրվել էր մասնակցելու Էմինեմի Love The Way You Lie FT Alex Feather Akimov (part 1) երգի պաշտոնական ռեմիքսին, որը հայտնվել է Billather Biz հիթ–շքերթում[8][9]։ Երգը համաշխարհային վաճառքի է հանվել 2010 թվականի նոյեմբերին։ Ռեմիքսի ձայնագրությունից հետո Ալեքսը մասնակցել է Ռիհաննայի Love The Way You Lie (part 2) FT Alex Feather Akimov երգի պաշտոնական ռեմիքսին[10], որը թողարկվել է 2010 թվականին դեկտեմբերին։
Մեներգչի կարիերա
[խմբագրել | խմբագրել կոդը]Դերասանուհի Ավրիլ Լավինի պրոդյուսեր Բրայան Գարսիայի հետ ձայնագրած «All About the Rain»[11] հեղինակային առաջին ալբոմը թողարկվել է 2010-ին։ 2011 թվականի մարտին թողարկվել է երկրորդ սինգլը՝ «Search» անվանումով, որը ձայնագրվել է վիրտուոզ կիթառահար Գրեգ Հոուեի հետ։
Ծանոթագրություններ
[խմբագրել | խմբագրել կոդը]- ↑ Группа «ДЕВОЧКИ» — официальный сайт Արխիվացված 2010-11-20 Wayback Machine
- ↑ Ziv Music
- ↑ «Irene Nelson official site». Արխիվացված է օրիգինալից 2019 թ․ մայիսի 16-ին. Վերցված է 2019 թ․ մայիսի 10-ին.
- ↑ http://4.bp.blogspot.com/_9t7s92-KRrQ/TAlFINBkaUI/AAAAAAAAAiU/B-hu6IFvzws/s1600/billboard35.jpg
- ↑ YouTube — Irene Nelson — Sunrise (HD) (www.irene-nelson.com)
- ↑ "Hold It Against Me"Ft Alex Feather Akimov Արխիվացված 2011-08-10 Wayback Machine
- ↑ Alex Akimov — IMDb(անգլ.) ֆիլմը Internet Movie Database կայքում
- ↑ «Web Trends: The Slits, Eminem, Miley Cyrus and more | Billboard.biz». Արխիվացված է օրիգինալից 2013 թ․ հունվարի 14-ին. Վերցված է 2019 թ․ մայիսի 10-ին.
- ↑ YouTube — Love The Way You Lie Part 2 (Official Music Video)
- ↑ Dailymotion — Love The Way You Lie Part 2 FT Alex Feather Akimov — a Музыка video
- ↑ YouTube — Alex Feather Akimov — All About The Rain
Արտաքին հղումներ
[խմբագրել | խմբագրել կոդը]- Պաշտոնական կայքը Արխիվացված 2019-05-10 Wayback Machine
- Ալեքսեյ Ակիմով Ֆեյսբուքում
- Ալեքսեյ Ակիմով Թվիթթերում
- Կաղապար:Myspace
- Կաղապար:Youtube.com
 | Վիքիպահեստն ունի նյութեր, որոնք վերաբերում են «Ալեքսեյ Ակիմով» հոդվածին։ |
| ||||||
