Ալեն Կուրցվեյլ

Ալեն Կուրցվեյլ
Ծնվել է	դեկտեմբերի 16, 1960(1960-12-16) (63 տարեկան)
Ծննդավայր	Նյու Յորք, Նյու Յորք, ԱՄՆ
Մասնագիտություն	գրող, վիպասան, լրագրող և մանկագիր
Լեզու	անգլերեն
Քաղաքացիություն	ԱՄՆ
Կրթություն	Եյլի համալսարան և Aiglon College?
Աշխատավայր	Բրաունի համալսարան
Պարգևներ	Գուգենհայմի կրթաթոշակ և Գրինցանե Կավուրի մրցանակ
Կայք	allenkurzweil.net

Ալեն Կուրցվեյլ (անգլ.՝ Allen Kurzweil, դեկտեմբերի 16, 1960(1960-12-16), Նյու Յորք, Նյու Յորք, ԱՄՆ), ամերիկացի արձակագիր, մանկագիր, խմբագիր, էսսեիստ, հրապարակախոս և լրագրող։

Կենսագրություն

Ծնվել է Վիեննայից փախստական հրեաների ընտանիքում։ Մեծացել է Եվրոպայում և Միացյալ Նահանգներում։ 1982 թվականին ավարտել է Եյլի համալսարանը։

ԱՄՆ-ում հաստատվելուց առաջ, տասը տարի աշխատել է որպես լրագրող Ֆրանսիայում, Իտալիայում և Ավստրալիայում։

Նրա առաջին «A Case of Curiosities» («Հիշողությունների զարդատուփ», 1992) վեպը գրական մրցանակների է արժանանացել Անգլիայում, Իռլանդիայում, Իտալիայում և Ֆրանսիայում։

Երկրորդ` «The Grand Complication» («Մեծ բարդություն») վեպը հրատարակվել է 2001 թվականին։ Երկու գրքերն էլ ներառվել են Նյու Յորք Թայմսի ամենամյա բեսթսելլերների ցանկում։

Պարգևատրվել են նաև նրա մանկական «Leon and the Spitting Image» (2003) և «Leon and the Champion Chip» (2005) գրքերը։

2015 թվականին նա հրատարակել է «Whipping Boy, The Forty-Year Search for My Twelve-Year-Old Bully» գիրքը, որը թողարկվել է «HarperCollins» հրատարակչատանը և 2016 թվականին «Best Fact Crime» անվանակարգում արժանացել է Էդգար Ալան Պոյի մրցանակին։

Լրագրող է և հրատարակախոս։ Հոդվածներ է գրում ԱՄՆ-ի մի շարք հայտնի պարբերականների համար, որոնցից են The New York Times, Wall Street Journal, Los Angeles Times, Smithsonian, The New Yorker և այլ պարբերականներ։ Կուրցվեյլն ազատ խմբագիր է։ Նաև ուսուցիչ է և պրոֆեսոր։ Անց է կացնում սեմինարներ, վարպետության դասեր Միացյալ Նահանգներում և արտերկրում։

Մատենագիտություն

• A Case of Curiosities / Հիշողության զարդատուփ (1992)
• The Grand Complication / Մեծ բարդություն (2001)
• Leon and the Spitting Image (2003)
• Leon and the Champion Chip (2005)
• Potato Chip Science (2010)
• Whipping Boy: The Forty-Year Search for My Twelve-Year-Old Bully (2015)

Արտաքին հղումներ

• Ալեն Կուրցվեյլի կայքը (անգլ.)
• Whipping boy. A writer spends forty years looking for his bully. Why? (անգլ.)