Ալբերտ Գյորինգ

Վիքիպեդիայից՝ ազատ հանրագիտարանից
Ալբերտ Գյորինգ
գերմ.՝ Albert Göring
Դիմանկար
Ծնվել էմարտի 9, 1895(1895-03-09)
ԾննդավայրՖրիդենաու, Տեմպլսհոֆ Շյոնեբերգ, Բեռլին, Գերմանական կայսրություն
Մահացել էդեկտեմբերի 20, 1966(1966-12-20) (71 տարեկան)
Մահվան վայրՄյունխեն, Գերմանիայի Ֆեդերատիվ Հանրապետություն
Քաղաքացիություն Գերմանիա և  Ավստրիա
ԿրթությունԼյուդվիգ Մաքսիմիլիանի Մյունխենի համալսարան
Մասնագիտությունճարտարագետ-մեխանիկ և Դիմադրության մարտիկ
ԱմուսինMarie von Ammon?[1], Erna von Miltner?[1], Míla Klazarová?[1] և Brunhilde Seiwaldstätter?[1]
Ծնողներհայր՝ Հենրիխ Էրնստ Գյորինգ
 Albert Göring Վիքիպահեստում

Ալբերտ Գյունտեր Գյորինգ (գերմ.՝ Albert Günther Göring, մարտի 9, 1895(1895-03-09), Ֆրիդենաու, Տեմպլսհոֆ Շյոնեբերգ, Բեռլին, Գերմանական կայսրություն - դեկտեմբերի 20, 1966(1966-12-20), Մյունխեն, Գերմանիայի Ֆեդերատիվ Հանրապետություն), գերմանացի գործարար, ինժեներ, Երկրորդ համաշխարհային պատերազմի ժամանակ ակտիվորեն օգնել է հրեաների և այլախոհ գերմանացիների։

Հերման Գյորինգի կրտսեր եղբայրն է։

Հակաֆաշիստական գործունեություն[խմբագրել | խմբագրել կոդը]

Ալբերտի հայրը՝ Էրնստ Հենրիխ Գյորինգը, գերմանացի իրավաբան և դիվանագետ էր, Բիսմարկի ընկերը։

1938 թվականի մարտին՝ Ավստրիայի բռնազավթումից հետո, Ալբերտը փրկում է իր նախկին հրեա պետ Օսկար Պիլցերին, որին ձերբակալել էին ֆաշիստները, նաև օգնում է նրան ու ընտանիքին հեռանալ Գերմանիայից։

Պատերազմի ժամանակ Ալբերտը դառնում է «Շկոդա» կոնցեռնի արտաքին առևտրի կառավարիչ։ Նա ընկերության աշխատակիցների հետ ձևավորել է ընդհատակյա խմբակ, որը ֆաշիստների դեմ դիվերսիոն գործողություններ իրականացնելու համար էր։ 1942 թվականին Ալբերտը օգնում է «Շկոդայի» տնօրենին իր ընտանիքի հետ՝ փախչել Ռումինիա և ազատվել գեստապոյի չարչարանքներից։ 1942 թվականին Ալբերտն ամուսնանում է չեխուհի Միլանդա Կլազարովայի հետ։ Ըստ ֆաշիստական գաղափարախոսության՝ դա հանցագործություն էր արիական ցեղի դեմ[2]։ Ալբերտի խնդրանքով Հերման Գյորինգն ազատ է արձակել ավստրիացի կոմպոզիտոր Ֆրանց Լեգարին, որը ձերբակալվել էր հրեաների հետ կապ ուենալու համար։ Ալբերտը փրկել է նաև Ավստրիայի էրցհերցոգ Յոզեֆ Ֆերդինանդ IV-ին և ավստրիացի կանցլեր Կուրտ ֆոն Շուշնիգին։ Առկա են վկայություններ այլ մարդկանց մասին, որոնց օգնել է Ալբերտը, դրանց թիվը շուրջ 34 է։ 1944-ին Ալբերտին ձերբակալել են գեստապոյում։ Հերմանը ապահովել է եղբոր ազատությունը և նրան խորհուրդ տվել հեռու մնալ քաղաքականությունից, քանի որ հաջորդ անգամ այլևս չէր կարող օգնել նրան։

Պատերազմից հետո նա ձերբակալվել է, սակայն Լեգարի զարմիկի վկայության համաձայն նրան 1947 թվականին ազատ են արձակել։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 https://www.whastingsburke.com/albert-goering/
  2. «Евгений БЕРКОВИЧ: СПИСОК ГЕРИНГА». Արխիվացված է օրիգինալից 2013 թ․ սեպտեմբերի 25-ին. Վերցված է 2016 թ․ նոյեմբերի 12-ին.

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]