Ադենի ծոց

Ադենի ծոց
Տեսակ	ծոց
Երկիր	Եմեն,  Սոմալի և  Ջիբութի
Խորություն	2700 մետր
Մասն է	Հնդկական օվկիանոս

Ադենի ծոց (արաբերեն՝ خليج عدن), գտնվում է Արաբական ծովում՝ Արաբական և Սոմալի թերակղզիների միջև։ Երկարությունը շուրջ 900 կմ է, լայնությունը՝ մինչև 300 կմ, խորությունը՝ 4525 մետր։ Գլխավոր նավահանգիստը՝ Ադեն։

Բաբ էլ-Մանդեբի նեղուցով հաղորդակցվում է Կարմիր ծովի հետ և Միջերկրական ու Արաբական ծովերը կապող նավագնացային ուղու կարևոր մասն է կազմում. այդ ծովածոցը տարեկան հատում է շուրջ 21 հազար նավ։ Այդ նավուղին սովորաբար օգտագործվում է Պարսից ծոցի նավթը տեղափոխելու նպատակով, դրանով իսկ Ադենի ծովածոցը ներգրավվում է համաշխարհային տնտեսության մեջ։ Այն հարուստ է արժեքավոր ձկնատեսակներով, կրիաներով, խեցգետնակերպերով, որոնց որսը, սակայն, սահմանափակված է։ Մի ժամանակ հաճախակի հանդիպել են նաև տարատեսակ կետեր, դելֆիններ, դյուգոններ։

21-րդ դարի սկզբին այստեղ հաճախացել են ծովահենության դեպքերը։

Գրականություն

• Pollak Richard (April 22, 2009)։ The Cost of Doing Business on the Open Sea։ The Nation։ Արխիվացված է օրիգինալից September 19, 2015-ին։ Վերցված է July 22, 2022 

Արտաքին հղումներ

• Space Station photograph of the Gulf of Aden and the Horn of Africa

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 70)։