Աբդուլմուսլիմ Մագոմաև

Աբդուլմուսլիմ Մագոմաև
Բնօրինակ անուն	ադրբ.՝ Əbdülmüslüm Məhəmməd oğlu Maqomayev
Ծնվել է	սեպտեմբերի 6 (18), 1885 Գրոզնի
Երկիր	Ռուսական կայսրություն,  Ադրբեջանի Ժողովրդավարական Հանրապետություն և  ԽՍՀՄ
Մահացել է	հուլիսի 28, 1937(1937-07-28) (51 տարեկան) Նալչիկ, ՌԽՖՍՀ, ԽՍՀՄ
Գերեզման	Պատվո հուղարկավորության պուրակ և Q12837653?
Ժանրեր	օպերա
Մասնագիտություն	դիրիժոր, կոմպոզիտոր, մանկավարժ և դրամատուրգ
Աշխատավայր	Q118252195?
Կրթություն	Անդրկովկասյան ուսուցչական սեմինարիա
Պարգևներ
Ստորագրություն
Muslim Magomayev (composer) Վիքիպահեստում

Մուսլիմ Մուհամեդ օղլու Մագոմաև (ադրբ.՝ Müslüm Məhəmməd oğlu Maqomayev, սեպտեմբերի 18, 1885, Գրոզնի - հուլիսի 28, 1937, Նալչիկ), ադրբեջանցի խորհրդային կոմպոզիտոր, դիրիժոր, երաժշտական-հասարակական գործիչ, Ադրբեջանական ԽՍՀ արվեստի վաստակավոր գործիչ (1935)։ Համարվում է ադրբեջանական երաժշտական թատրոնի ստեղծողներից։ ԽՍՀՄ ժողովրդական արտիստ Մուսլիմ Մագոմաևի պապն է։

Կենսագրություն

1920-1930-ական թվականներին եղել է Ադրբեջանի լուսժողկոմատի արվեստի բաժնի վարիչ, Ախունդովի անվան օպերայի և բալետի թատրոնի տնօրեն, գլխավոր դիրիժոր։ Առաջիններից էր, որ զուգորդեց ադրբեջանական ժողովրդական երգարվեստը և եվրոպական երաժշտական ձևերը։ Հաջիբեկովի հետ կազմել և հրատարակել է ադրբեջանական ժողովրդական երգերի առաջին ժողովածուն (1927)։ Ստեղծագործություններից են՝ «Շահ Իսմայիլ» (1916, բեմադրվել է 1919, Բաքու), «Նարգիզ» (1935, Բաքու) օպերաները, սիմֆոնիկ երկեր՝ «Ադրբեջանի դաշտերում», «Ազատագրված ադրբեջանուհու պարը», ադրբեջանական ժողովրդական երգերի մշակումներ։

Հիմնական ստեղծագործություններ

Օպերաներ

• «Շահ Իսմաիլ» (1915-1919)
• «Խորուզ Բեյ» (1929, ավարտված չէ)
• «Նարգիզ» (1935)

Նվագախմբային

• «Ադրբեջանի դաշտերում» (1934)
• «Ազատված ադրբեջանուհու պարը» (1935)

Արտաքին հղումներ

• Հոդվածը Մուսլիմա Մագոմաևայի (կրտսեր) կայքում

Վիքիպահեստն ունի նյութեր, որոնք վերաբերում են «Աբդուլմուսլիմ Մագոմաև» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանի «Մագոմաեվ Աբդուլ Մուսլիս Մուհամեդովիչ» հոդվածից (հ․ 7, էջ 122 )։