Տիգրան Նալբանդյան (երգիչ)

Տիգրան Նալբանդյան
Հիմնական տվյալներ
Ծնվել է	մարտի 14 (26), 1878; Վան, Վանի վիլայեթ, Օսմանյան կայսրություն
Երկիր	Օսմանյան կայսրություն և ԽՍՀՄ
Մահացել է	սեպտեմբերի 7, 1954 (76 տարեկան); Երևան, Հայկական ԽՍՀ, ԽՍՀՄ
Մասնագիտություն	երգիչ
Երգչաձայն	քնարական տենոր
Գործիքներ	վոկալ
Աշխատավայր	Ռոմանոս Մելիքյանի անվան պետական երաժշտական քոլեջ
Կրթություն	Ներսիսյան դպրոց (1896), Թբիլիսիի Վանո Սարաջիշվիլիի անվան պետական կոնսերվատորիա (1898) և Սանկտ Պետերբուրգի կոնսերվատորիա (1906)

Անվան այլ կիրառումների համար տե՛ս՝ Տիգրան Նալբանդյան (այլ կիրառումներ)

Տիգրան Հովհաննեսի Նալբանդյան (մարտի 14 (26), 1878^[1], Վան, Վանի վիլայեթ, Օսմանյան կայսրություն^[1] - սեպտեմբերի 7, 1954(1954-09-07)^[1], Երևան, Հայկական ԽՍՀ, ԽՍՀՄ^[1]), հայ օպերային երգիչ, (քնարական տենոր), մանկավարժ։

Կենսագրություն[խմբագրել | խմբագրել կոդը]

1890-1996 թվականներին սովորել է Թիֆլիսի Ներսիսյան դպրոցում` աշակերտել է Մակար Եկմալյանին, 1897-1998 թվականներին` Թիֆլիսի երաժշտական ուսումնարանում, 1898-1906 թվականներին` Սանկտ Պետերբուրգի կոնսերվատորիայում։ 1907-1908 թվականներին կատարելագործվել է Միլանում։

«Երբ ես ավարտեցի Պետերբուրգի կոնսերվատորիան, - սկսում է իր պատմությունը Տիգրան Նալբանդյանը, - իմ պրոֆեսորը՝ Ս․Գեբելը, ինձ խորհուրդ տվեց ձայնս մշակման կատարելագործման համար մեկնել Իտալիա՝ Միլան քաղաք․․․ Օրերից մի օր ծեծեցի Մանթաշյանցի [Թբիլիսիի տան] դուռը․․․ - Ձայնս կատարելագործելու նպատակով ցանկանում եմ երկու տարով մեկնել Իտալիա, բայց դրամ չունեմ, - հուցված պարզաբանեցի իմ այցելության նպատակը։ «Դե, մի բան երգիր, լսեմ։»․․․ Երկեցի «Կռունկը»։ Աչքերն արցունքախառն ժպտում էին, ինքը ոգևորված էր ու սիրալիր․ - Հաղթեցիր, - ասաց նա, - մանրամասն հաշիվ ներկայացրու, թե ինչքան դրամ է պետք երկու տարվա համար․․․»^[2]

Համերգներով հանդես է եկել Իտալիայում, Ֆրանսիայում, Գերմանիայում։

Երգացանկում՝ եվրոպացի, ռուս և հայ կոմպոզիտորների ռոմանսներ, հայկական ժողովրդական և աշուղական երգեր։

1913-1918 թվականներին՝ Թիֆլիսում, 1918-1921 թվականներին` Աստրախանում և Արմավիրում կազմակերպել և ղեկավարել է ժողովրդական կոնսերվատորիաներ։ 1922 թվականից դասավանդել է Երևանի Երաժշտական ստուդիայում, 1926 թվականից՝ Բաքվի Հայարտան երաժշտական դպրոցում, հայկական դրամատիկական թատրոնին կից երաժշտական ստուդիայում, ֆիլհարմոնիայում, երաժշտական ուսումնարանում և կոնսերվատորիայում, 1949 թվականից՝ Երևանի Ռոմանոս Մելիքյանի անվան երաժշտական ուսումնարանում (սաներից են Արթուր Այդինյանը, Հովհաննես Բադալյանը, Բելլա Դարբինյանը)^[3]։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 Հայկական սովետական հանրագիտարան, հատոր 8 (հայ.) — հատոր 8. — էջ 153.
↑ Լիա Բալագյան «Ալեքսանդր Մանթաշյանց» Երևան, «Հայաստան», 1991, էջ 159
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 153)։

[_f0577486a679ff04-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 Հայկական սովետական հանրագիտարան, հատոր 8 (հայ.) — հատոր 8. — էջ 153.

[2] Լիա Բալագյան «Ալեքսանդր Մանթաշյանց» Երևան, «Հայաստան», 1991, էջ 159

[3] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]

[3]