Վաղինակ Ասլանյան

Վաղինակ Ասլանյան
Ծնվել է	դեկտեմբերի 21, 1918
Ծննդավայր	Երևան, Հայաստանի Առաջին Հանրապետություն
Վախճանվել է	ապրիլի 8, 2005 (86 տարեկան)
Մահվան վայր	Երևան, Հայաստան
Ազգություն	հայ
Քաղաքացիություն	ԽՍՀՄ և Հայաստան
Կրթություն	Փանոս Թերլեմեզյանի անվան գեղարվեստի պետական քոլեջ (1938), Երևանի պետական գեղարվեստա-թատերական ինստիտուտ (1950) և Գեղարվեստի և ճարտարապետության ազգային ակադեմիա (1941)
Մասնագիտություն	նկարիչ և դասախոս
Ուսուցիչ	Բորիս Իոգանսոն
Պարգևներ	; և
Կուսակցություն	ԽՄԿԿ
	Վաղինակ Ասլանյան Վիքիդարանում

Վիքիպեդիայում կան հոդվածներ Ասլանյան ազգանունով այլ մարդկանց մասին։

Վաղինակ Սիրեկանի Ասլանյան (դեկտեմբերի 21, 1918(1918-12-21)^[1], Երևան, Հայաստանի Առաջին Հանրապետություն - ապրիլի 8, 2005(2005-04-08), Երևան, Հայաստան), հայ նկարիչ, գծանկարիչ, Հայկական ԽՍՀ վաստակավոր նկարիչ։ Հայկական ԽՍՀ արվեստի վաստակավոր գործիչ։ Հայրենական մեծ պատերազմի մասնակից։ Հայրենական մեծ պատերազմի երկրորդ կարգի հաշմանդամ^[2]։

Կենսագրություն[խմբագրել | խմբագրել կոդը]

Վաղինակ Ասլանյանը ծնվել է 1918 թվականի դեկտեմբերի 21-ին, Երևանում, Արևմտյան Հայաստանից գաղթած բանվորի ընտանիքում։ 1934-1938 թվականներին սովորել և ավարտել է Երևանի գեղարվեստի ուսումնարանը, 1950 թվականին՝ Երևանի գեղարվեստա-թատերական ինստիտուտը, 1938-1939 թվականներին աշխատել է Կալինինոյի շրջանի Սարատովկա գյուղում, որպես մանկավարժ։ 1938-1941 թվականներին սովորել է Կիևի գեղարվեստի ակադեմիայում, Բ. Վ. Յոհանսոնի արվեստանոցում (1950-1953, Մոսկվա)։

1939-1942 թվականներին ծառայել է Կարմիր բանակում (63-րդ Անդրկովկասյան հրաձգային դիվիզիայի 170-րդ սակրավորների հատուկ գումարտակում)։ 1941 թվականի օգոստոսի 25-ից Ասլանյանի դիվիզիան գտնվել է Պարսկաստանում (Խոյ և Մակու քաղաքներում՝ թուրքական սահմանի մոտ)։ 1941 թվականի դեկտեմբերի 31-ին Նովոռոսիյսկից մեկնած զորքերի հետ գրավել են Թեոդոսիա քաղաքը։ 1942 թվականին վիրավորվել է , տեղափոխվել Կերչի հոսպիտալ, այնուհետև՝ Տուապսե քաղաք, ապա՝ Կիսլովոդսկ։ Բուժվելուց հետո ուղարկել են Բաքու, որտեղից էլ զորացրվել է , որպես Հայրենական մեծ պատերազմի հաշմանդամ։ Պարգևատրվել է Հայրենական մեծ պատերազմի երկրորդ աստիճանի շքանշանով և բազմաթիվ այլ մեդալներով^[2]։

1960 թվականից դասավանդել է Երևանի գեղարվեստա-թատերական ինստիտուտում, պրոֆեսոր՝ 1987 թվականից^[3]։

Աշխատանքներից գտնվում են Հայաստանի ազգային պատկերասրահում^[4]։

Պարգևներ[խմբագրել | խմբագրել կոդը]

ՀԽՍՀ վաստակավոր նկարիչ
ՀԽՍՀ արվեստի վաստակավոր գործիչ
Հայրենական մեծ պատերազմի երկրորդ աստիճանի շքանշան

Ստեղծագործություններ[խմբագրել | խմբագրել կոդը]

Ստեղծել է հիմնականում դիմանկարներ, դիմանկարային կոմպոզիցիաներ^[5]։

«Գորկին Հայաստանում», 1945
«Երիտասարդ Ալեքսանդր Սպենդիարյանը և Նիկոլայ Ռիմսկի-Կորսակովը» 1952-1953
«Կոմիտասի անվան քառյակը» 1955-1957
«Արամ Խաչատրյանի հեղինակային համերգը» 1960
«Իմ Էրեբունի», 1984-1985
«Կանտատ խաղաղության» 1987
«Գ. Դոլիձեի դիմնանկարը», 1961
«Մարտիրոս Սարյանի դիմանկարը», 1967^[6]
«Գուրգեն Ջանիբեկյանի դիմանկարը», 1972
«Պրոֆեսոր Ա. Լ. Միքայելյանի դիմանկարը», 1993

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,0 ^2,1 Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ Վաղինակ Ասլանյանի ստեղծագործություններից ՀԱՊ-ում
↑ Baghdasaryan, Aram. «AV Production - Վաղինակ Ասլանյան». avproduction.am. Արխիվացված է օրիգինալից 2022 թ․ օգոստոսի 20-ին. Վերցված է 2017 թ․ մարտի 13-ին.
↑ «Ասլանյան Վաղինակ Սիրեկանի | Մարտիրոս Սարյանի դիմանկարը - Շտեմարան - Հավաքածու - Հայաստանի ազգային պատկերասրահ». www.gallery.am (անգլերեն). Վերցված է 2017 թ․ մարտի 13-ին.

Վիքիդարանն ունի նյութեր, որոնք վերաբերում են «Վաղինակ Ասլանյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 565)։

[_5e5775e65518eefb-1] 1,0 ^1,1 ^1,2 ^1,3 ^1,4 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[books-2] 2,0 ^2,1 Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:

[3] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[4] Վաղինակ Ասլանյանի ստեղծագործություններից ՀԱՊ-ում

[5] Baghdasaryan, Aram. «AV Production - Վաղինակ Ասլանյան». avproduction.am. Արխիվացված է օրիգինալից 2022 թ․ օգոստոսի 20-ին. Վերցված է 2017 թ․ մարտի 13-ին.

[6] «Ասլանյան Վաղինակ Սիրեկանի | Մարտիրոս Սարյանի դիմանկարը - Շտեմարան - Հավաքածու - Հայաստանի ազգային պատկերասրահ». www.gallery.am (անգլերեն). Վերցված է 2017 թ․ մարտի 13-ին.

[1]

[2]

[3]

[4]

[5]

[6]