Սերյոժա Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Սերյոժա Հակոբյան | |
---|---|
Ծնվել է | 1918 |
Ծննդավայր | Առաջաձոր, Հայաստան |
Մահացել է | անհայտ |
Քաղաքացիություն | ԽՍՀՄ |
Կրթություն | Վ․ Բրյուսովի անվան պետական համալսարան (1954) |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Սերյոժա Հարությունի Հակոբյան (1918, Առաջաձոր, Հայաստան - անհայտ), հայ մանկավարժ։ ԽՄԿԿ անդամ (1943): Երկրորդ համաշխարհային պատերազմի Արևելյան ճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Սերյոժա Հակոբյանը ծնվել է 1918 թվականին, Ղափանի շրջանի Առաջաձոր գյուղում։ 1936 թվականին ավարտել է Ղափանի № 1 միջնակարգ դպրոցը, ապա՝ երկամսյա մանկավարժական դասընթացները և նշանակվել Դավիթբեկ գյուղի յոթնամյա դպրոցի աշխարհագրության ուսուցիչ, աշխատել է նաև Առաջաձորի դպրոցում։ 1938 թվականին Հակոբյանը զորակոչվել է պարտադիր զինվորական ծառայության[1]։
1941 թվականին մասնակցել է Մոսկվայի պաշտպանության մարտերին, 475-րդ, 1075-րդ հրաձգային գնդերում որպես գնդացրային դասակի հրամանատար, լեյտենանտի կոչումով։ 2-րդ բելոռուսական ռազմաճակատի 50-րդ բանակի 369-րդ հրաձգային դիվիզիայի 1223-րդ հրաձգային գնդում եղել է վաշտի, գումարտակի հրամանատար, կռվել է Կուրսկի աղեղում, մասնակցել Բելոռուսիայի, Լեհաստանի ազատագրման մարտերին, հասել Գերմանիա, խաղաղության մակագրություն թողել Ռայխստագի պատին։ Ռազմաճակատում ցուցաբերած խիզախության համար պարգևատրվել է Կարմիր դրոշի, Հայրենական պատերազմի 2-րդ աստիճանի և Կարմիր աստղի շքանշաններով ու մի շարք մեդալներով։ 1943 թվականին ռազմաճակատում Հակոբյանը ընդունվել է կուսակցության շարքերը[1]։
Բանակից զորացրվելուց հետո շարունակել է մանկավարժական աշխատանքը հայրենի Առաջաձոր գյուղում։ 1954 թվականին ավարտել է Երևանի ռուսական մանկավարժական ինստիտուտը և նշանակվել հայրենի գյուղի դպրոցի ուսմասվար և երեկոյան դպրոցի տնօրեն։ Մի քանի անգամ ընտրվել է պատգամավոր, եղել է կուսակցական կազմակերպության քարտուղար[1]։
Պարգևներ[խմբագրել | խմբագրել կոդը]
- Կարմիր դրոշի շքանշան
- Կարմիր աստղի շքանշան
- Հայրենական պատերազմի 2-րդ աստիճանի շքանշան