Համաշխարհային ցուցահանդես (1878)
| Համաշխարհային ցուցահանդես (1878) | |
|---|---|
 | |
| Երկիր | .svg){kind=small} Ֆրանսիա |
| Գտնվելու վայր | Փարիզ |
| Ցուցահանդեսի տեսակ | Expo |
| Կայք | bie-paris.org/site/fr/1878-paris |
Համաշխարհային ցուցահանդես (ֆր.՝ Exposition Universelle de 1878), անցկացվել է Փարիզում 1878 թվականի մայիսի 1-ից մինչև նոյեմբերի 10-ը և կոչված է եղել վերականգնել Ֆրանսիայի միջազգային հեղինակությունը, որը սասանվել է ֆրանս-պրուսական պատերազմում նրա պարտությունից հետո (1870-1871)։ Գերմանիան ձեռնպահ է մնացել այդ միջոցառմանը մասնակցելուց։
Տաղավարներ[խմբագրել | խմբագրել կոդը]
Ցուցահանդեսի նախապատրաստումը ձգձգվել է Ֆրանսիայում քաղաքական տարաձայնությունների պատճառով, սակայն կազմակերպիչների ուժեղացված աշխատանքի շնորհիվ, որոնք նախորդել էին բացմանը, նրանց հաջողվել է գերազանցել նախորդ բոլոր ցուցահանդեսները և ներգրավել առնվազն 13 միլիոն այցելու։ Ցուցահանդեսի համար կառուցել են Տրոկադերո պալատը (քանդվել է 1930-ական թվականներին), որը ծառայել է նաև 1900 թվականի ցուցահանդեսի համար։ Ցուցահանդեսի տարածքը մեծությամբ գերազանցել է նախորդ բոլոր ցուցահանդեսներին և կազմել 270 000 մ²։ Լանդշաֆտային դիզայնի համար պատասխանատու էր Ժան Շառլ Ալֆանը։ «Մայրցամաքներ» արձաններն այժմ ցուցադրվում են Օրսի թանգարանում։
-
Եվրոպա, քանդակագործ՝ Պիեռ Ալեքսանդր Շենևերկ -
Ասիա, քանդակագործ՝ Ալեքսանդր Ֆալգիեր -
Օվկիանիա, քանդակագործ՝ Մատյուրեն Մորո -
Հարավային Ամերիկա, քանդակագործ՝ Էմե Միլե
Հնդկաստանի, Շվեդիայի և Նորվեգիայի տաղավարները տեղափոխվել են ցուցահանդեսից հետո և պահպանվել Կուրբևուայում։
Էքսպոզիցիա[խմբագրել | խմբագրել կոդը]
Տարածքի մոտ կեսը զբաղեցրել է ֆրանսիական ցուցադրությունը, մյուս երկրների շարքում ցուցանմուշների առյուծի բաժինը ներկայացրել է Բրիտանական կայսրությունը։ Գերմանիան պաշտոնապես չի մասնակցել ցուցահանդեսին, թեև որոշ գերմանացի նկարիչներ մասնակցել են միջոցառմանը։
Համաշխարհային ցուցահանդեսում ներկայացված գյուտերի թվում են Ալեքսանդր Բելլի կատարելագործված հեռախոսը, Դյու Տամպլի ալյումինե ինքնաթիռը։ Ցուցահանդեսի տարածքը լուսավորելու համար կիրառվել են Դինամո-գրամի մեքենաներից աշխատող Յաբլոչկովի էլեկտրական աղեղային լամպեր։ Թոմաս Էդիսոնը Փարիզում հանրահռչակել է իր նորագույն մշակումները՝ մեգաֆոն և ֆոնոգրաֆ։
Մարդաբանության դահլիճում, որտեղ ներկայացված էին մարդասպանների գանգերը, տեղի ունեցավ առաջին «մարդաբանական գիտությունների միջազգային կոնգրեսը»[1]։ «Էկզոտիկ գյուղերում» հնարավորություն էր ընձեռնվում տեսնել վերստեղծված տներն ու բնակավայրերը՝ գաղութատիրական տերությունների տիրույթներից բերված աբորիգեններով[2]։
Այս ցուցահանդեսում հանդիսատեսը առաջին անգամ տեսավ Ազատության արձանի գլուխը (իրանը դեռ չէին ավարտել)։ Գյուտարար Անրի Ժիֆարը ցուցադրել է կապած աերոստատը, որը կարող է դիմանալ 40-50 ուղևորների 500 մետր բարձրության վրա[3]։ Ցուցահանդեսում կազմակերպվել է 1800 մ²-ի բնական կրաքարային կարիերային հսկայական ակվարիում՝ 2500 մ² մակերեսով ապակե միջնապատերով և 22 մմ հաստությամբ։
Այդ ժամանակ էլ տեղի ունեցավ կոմպոզիտոր և հայտնի դիրիժոր Լուիջի Մանչինելիի (1848-1921) միջազգային դեբյուտը։ Մի շարք աշխատանքներ ներկայացրել է Ռուսաստանի կայսերական գեղարվեստի ակադեմիան, այդ թվում՝ Ալեքսանդր Գինեի վրձնին պատկանող «Փոթորիկ Վալաամում» կտավը[4]։ Հյուրերը հիացմունքով էին խոսում ճապոնական տաղավարի և արվեստի առարկաների մասին[5][6]։
Ցուցահանդեսին զուգահեռ ընթանում էին հեղինակային իրավունքի վերաբերյալ միջազգային նորմերի մշակման (այն նախագահում էր Վիկտոր Հյուգոն) և կույրերի վիճակի թեթևացման (այն հանգեցրեց Բրայլի տառատեսակի տարածմանը) խորհրդաժողովներ։
Պատկերասրահ[խմբագրել | խմբագրել կոդը]
-
Պանորամային տեսարան -
Պանորամային տեսարան դեպի ցուցահանդեսային պալատ -
Շվեդիայի և Նորվեգիայի տաղավար (այժմ՝ Կուրբևուա) -
Հնդկական տաղավարը ցուցահանդեսում (այժմ՝ Կուրբևուա) -
Արդյունաբերական դահլիճ -
Հսկայական կոնաձև ժամացույց -
Ցուցասրահ Մարսի դաշտում և Ազատության արձանի գլուխը -
Ակվարիում Տրոկադերոյում -
Նեոգոտիկ ոճով գրքի շապիկ -
Աղբյուր, Վիկտորիա և Ալբերտ թանգարան -
Ճապոնական խունկ -
Ցուցահանդեսի մեդալ, 1878 թվական
.jpg)
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Laurent Mucchielli Histoire de la criminologie française. — L'Harmattan, 1995.
- ↑ Torreblanca, Marina Muсoz Barcelona’s Universal Exhibition of 1888: an atypical Case of a Great exhibition / Marta Filipová. — Cultures of International Exhibitions 1840-1940: Great Exhibitions in the Margins. — Routledge, 2017. — 376 с. — ISBN 9781351570336
- ↑ «Ballon 23 : Ballon à vapeur Giffard». users.skynet.be. Արխիվացված է օրիգինալից 2016 թ․ մարտի 3-ին. Վերցված է 2017 թ․ օգոստոսի 9-ին.
- ↑ Чулков Н. П. Гине, Александр Васильевич // Русский биографический словарь : в 25 томах. — СПб.—М., 1896—1918.
- ↑ Philippe Burty Le Japon ancien et la Japon moderne(ֆր.) // L'Art. — 1878. — Т. XV. — № IV. — С. 242—243.
- ↑ Agnes Salacroup-Buchard. «Japonisme et Architecture :Pavillons japonais aux Expositions». laurent.buchard.pagesperso-orange.fr. Արխիվացված օրիգինալից 2010 թ․ հուլիսի 24-ին. Վերցված է 2017 թ․ օգոստոսի 9-ին.
 | Վիքիպահեստն ունի նյութեր, որոնք վերաբերում են «Համաշխարհային ցուցահանդես (1878)» հոդվածին։ |
